ರಹಸ್ಯವಾಗಿ ಮದುವೆಯಾಗ್ತಾ ಇದ್ದಾರಾ ಸಲ್ಮಾನ್ ಖಾನ್- ಸೋನಾಕ್ಷಿ ಸಿನ್ಹಾ..?

Photo Courtesy: Facebook

ಮುಂಬೈ: ಬಾಲಿವುಡ್ ನಲ್ಲಿ ಅತ್ಯಂತ ಅರ್ಹ ಬ್ಯಾಚುಲರ್ ಅಂದರೆ ಅದು ಸಲ್ಮಾನ್ ಖಾನ್! ಹೌದು, ಹಲವಾರು ಸಂದರ್ಭದಲ್ಲಿ ಸಲ್ಮಾನ್ ಖಾನ್ ಇನ್ನೇನೂ ಮದುವೆಯಾಗುತ್ತಾರೆ ಎನ್ನುವ ಸಂದರ್ಭದಲ್ಲಿ ಅವರು ಬ್ರೇಕ್ ಮಾಡಿಕೊಂಡಿರುವುದನ್ನು ನಾವು ಈ ಹಿಂದಿನಿಂದಲೂ ನೋಡಿದ್ದೇವೆ. 

ಆರಂಭದಲ್ಲಿ ಐಶ್ವರ್ಯ ರೈ ಜೊತೆಗಿನ ಅವರ ಪ್ರೇಮ ಸಂಬಂಧ ಬಾಲಿವುಡ್ ನಲ್ಲಿ ಸಾಕಷ್ಟು ಹವಾ ಕ್ರಿಯೇಟ್ ಮಾಡಿತ್ತು, ಇನ್ನೇನೂ ಮದುವೆಯಾಗುತ್ತಾರೆ ಎನ್ನುವಷ್ಟರಲ್ಲಿ ಐಶ್ವರ್ಯ ರೈ ಅಭಿಷೇಕ್ ಬಚ್ಚನ್ ರವನ್ನು ಮದುವೆಯಾದರು.ಇದಾದ ನಂತರ ಕತ್ರಿನಾ ಕೈಫ್ ಜೊತೆಗೆ ಅವರ ಪ್ರೇಮ ಪುರಾಣ ಕೇಳಿ ಬಂದಿತ್ತು, ಆದರೆ ಅವರು ಕೊನೆಗೆ ವಿಕ್ಕಿ ಕೌಶಾಲ್ ರನ್ನು ಮದುವೆಯಾದರು.

ಇದನ್ನೂ ಓದಿ: ಪವರ್ ಸ್ಟಾರ್ ಹಾಡು ಮೆಚ್ಚಿದ ಕನ್ನಡಿಗರು..! ಎಷ್ಟು ವೀವ್ಸ್ ಗೊತ್ತಾ..?

ಹೀಗೆ ಸಲ್ಮಾನ್ ಖಾನ್ (Salman Khan) ಅವರದ್ದು ಒಂದು ರೀತಿಯಲ್ಲಿ ಯಶಸ್ವಿಯಾಗದ ಪ್ರೇಮ ಸಂಬಂಧ, ಇಷ್ಟೆಲ್ಲಾ ಬ್ರೇಕ್ ಅಪ್ ನಡುವೆ ಈಗ ಸೋನಾಕ್ಷಿ ಸಿನ್ಹಾ ಅವರನ್ನು ರಹಸ್ಯವಾಗಿ ಮದುವೆಯಾಗುತ್ತಿದ್ದಾರಾ? ಎನ್ನುವ ಪ್ರಶ್ನೆ ಎಲ್ಲರಲ್ಲೂ ಮೂಡಿದೆ.ಹೌದು ಇದಕ್ಕೆ ಪ್ರಮುಖ ಕಾರಣವೆಂದರೆ ಸಾಮಾಜಿಕ ಮಾಧ್ಯಮಗಳಲ್ಲಿ ಸಲ್ಮಾನ್ ಖಾನ್ ಮತ್ತು ಸೋನಾಕ್ಷಿ ಸಿನ್ಹಾ ಅವರು ವಧುವರನಂತೆ ಇರುವ ಫೋಟೋ ಸಾಕಷ್ಟು ವೈರಲ್ ಆಗಿದೆ.ಈ ಚಿತ್ರದಲ್ಲಿ ಸಲ್ಮಾನ್ ಖಾನ್ ಅವರು ಸೋನಾಕ್ಷಿ ಸಿನ್ಹಾ ಅವರಿಗೆ ಉಂಗುರವನ್ನು ತೊಡಿಸುತ್ತಿರುವುದನ್ನು ನಾವು ಕಾಣಬಹುದು.

ಇದನ್ನೂ ಓದಿ: ಅಪ್ಪು ಹಾಡಿನ ಎದುರು ದಾಖಲೆಗಳು ಧೂಳ್..‌ ಧೂಳ್..!‌

ಈಗ ಸಾಕಷ್ಟು ವೈರಲ್ ಆಗಿರುವ ಈ ಫೋಟೋದಲ್ಲಿ ಬಾಕ್ಸಾಫೀಸ್ ಸುಲ್ತಾನ್ ಕೊನೆಗೂ ಮದುವೆ ಆಗುತ್ತಿದ್ದಾರೆ ಎಂದು ಸಂತಸ ವ್ಯಕ್ತಪಡಿಸುತ್ತಿದ್ದರೆ, ಇನ್ನೂ ಕೆಲವರು ಇದರ ಧೃಡಿಕರಣದ ಬಗ್ಗೆ ಸಂಶಯ ವ್ಯಕ್ತಪಡಿಸಿದ್ದಾರೆ.ಏಕೆಂದರೆ ಈ ಫೋಟೋಗಳು ಮಾರ್ಫ್ ಮಾಡಿರುವ ಫೋಟೋಗಳಾಗಿವೆ.ಬಾಲಿವುಡ್ ನಲ್ಲಿ ದಬಾಂಗ್ ಜೋಡಿ ಎಂದೇ ಖ್ಯಾತಿ ಪಡೆದಿರುವ ಸೋನಾಕ್ಷಿ ಸಿನ್ಹಾ (Sonakshi Sinha) ಮತ್ತು ಸಲ್ಮಾನ್ ಖಾನ್ ನಿಜಕ್ಕೂ ಇಬ್ಬರೂ ಮದುವೆಯಾಗುತ್ತಿದ್ದರೆ, ಅದೊಂದು ಬಾಲಿವುಡ್ ಅಂಗಳದಲ್ಲಿನ ಅತಿ ದೊಡ್ಡ ಸುದ್ದಿಯಾಗಲಿದೆ ಎಂದು ಹೇಳಬಹುದು.