ನವದೆಹಲಿ: ವಿಶ್ವವನ್ನೇ ತಲ್ಲಣಗೊಳಿಸಿರುವ ಕರೋನಾವೈರಸ್ ನಿಯಂತ್ರಿಸಲು ಜಾರಿಗೆ ತರಲಾಗಿದ್ದ ಲಾಕ್‌ಡೌನ್‌ನಿಂದಾಗಿ ನಮ್ಮ ಜೀವನ ಶೈಲಿಯೇ ಬದಲಾಗಿದೆ. ಇದು ಹೆಚ್ಚಿನ ಜನರ ಆರೋಗ್ಯದ ಮೇಲೂ ಪರಿಣಾಮ ಬೀರಿತು. ಜಿಮ್ ಮುಚ್ಚಿದ್ದರಿಂದ ಮತ್ತು ಹೊರಗೆ ಹೋಗಲು ಸಾಧ್ಯವಾಗದ ಕಾರಣ ತೂಕ ಹೆಚ್ಚಾಗಿರುವುದು ಕೂಡ ಒಂದು ದೊಡ್ಡ ಸಮಸ್ಯೆಯಾಗಿದೆ.
ಹೊಸ ವರ್ಷದಲ್ಲಿ ತೂಕ ಇಳಿಸಿಕೊಳ್ಳಲು ನೀವೂ ಸಹ ಮನಸ್ಸು ಮಾಡಿದ್ದರೆ, ತೂಕ ಇಳಿಸಿಕೊಳ್ಳಲು ಸಮತೋಲಿತ ಆಹಾರವನ್ನು ಸೇವಿಸುವುದು ಬಹಳ ಮುಖ್ಯ. ಇದರೊಂದಿಗೆ ತೂಕ ಇಳಿಸಲು ಯೋಗ (Yoga) ಮತ್ತು ವ್ಯಾಯಾಮ ಮಾಡುವುದು ಕೂಡ ಮುಖ್ಯವಾಗಿದೆ. ತೂಕವು ತಕ್ಷಣವೇ ಕಡಿಮೆಯಾಗುವುದಿಲ್ಲ ಎಂಬುದು ಎಲ್ಲರಿಗೂ ತಿಳಿದಿದೆ. ಆದರೆ ನಿಮ್ಮ ಆಹಾರ, ವ್ಯಾಯಾಮ ಮತ್ತು ಅಭ್ಯಾಸಗಳ ಬಗ್ಗೆ ನೀವು ಗಮನ ಹರಿಸುವ ಮೂಲಕ ಉತ್ತಮ ಫಲಿತಾಂಶ ಪಡೆಯಬಹುದು.
ಕೆಲವು ಅಭ್ಯಾಸವನ್ನು ಬದಲಾಯಿಸಬೇಕಾಗಿದೆ:
ನೀವು ತೂಕ ಇಳಿಸಿ (Weight Loss)ಕೊಳ್ಳಲು ಎಷ್ಟೇ ಪ್ರಯತ್ನಿಸಿದರೂ ನಿಮ್ಮ ಕೆಲವು ಅಭ್ಯಾಸಗಳನ್ನು ತ್ಯಜಿಸುವವರೆಗೆ ಸಂಪೂರ್ಣವಾಗಿ ಯಶಸ್ವಿಯಾಗಲು ಸಾಧ್ಯವಿಲ್ಲ. ಈ ವರದಿಯಲ್ಲಿ ಅಂತಹ ಕೆಲವು ಅಭ್ಯಾಸಗಳ ಬಗ್ಗೆ ನಾವು ನಿಮಗೆ ಹೇಳಲಿದ್ದೇವೆ. ಈ ಸಲಹೆಗಳನ್ನು ಅನುಸರಿಸುವುದರಿಂದ ನಿಮ್ಮ ತೂಕವನ್ನು ನೀವು ನಿಯಂತ್ರಣದಲ್ಲಿರಿಸಿಕೊಳ್ಳಬಹುದು.
ನಿದ್ರೆಯ ವೈಫಲ್ಯ :
ನಿದ್ರೆ ಮತ್ತು ತೂಕದ ನಡುವಿನ ಸಂಬಂಧವೇನು ಎಂದು ನೀವು ಯೋಚಿಸುತ್ತಿರಬೇಕು. ಆದರೆ ನಿಮಗೆ ಸಾಕಷ್ಟು ನಿದ್ರೆ ಸಿಗದಿದ್ದರೆ ನಿಮ್ಮ ತೂಕ ಹೆಚ್ಚಾಗುತ್ತದೆ ಎಂಬುದು ನಿಜ. ಅನೇಕ ಸಂಶೋಧನೆಗಳಲ್ಲಿ ನಿದ್ರೆ ಪೂರ್ಣಗೊಳ್ಳದಿದ್ದರೆ ಖಿನ್ನತೆ ಮತ್ತು ಬೊಜ್ಜಿನಂತಹ ಸಮಸ್ಯೆಗಳು ತೂಕ ಹೆಚ್ಚಾಗುವುದರೊಂದಿಗೆ ಹೆಚ್ಚಾಗುತ್ತದೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ: ದೇಸಿ ತುಪ್ಪದ ಈ ಲಾಭ ತಿಳಿದರೆ ನೀವು ದಂಗಾಗುವಿರಿ, ಹಲವು ಆರೋಗ್ಯಕರ ಲಾಭಗಳು ಇದರಲ್ಲಿವೆ
ಉಪಾಹಾರ ಸೇವಿಸದಿರುವುದು:
ತೂಕ ನಷ್ಟಕ್ಕಾಗಿ ಜನರು ಹೆಚ್ಚಾಗಿ ಆಹಾರವನ್ನು ತ್ಯಜಿಸುತ್ತಾರೆ. ಜನರು ಹೆಚ್ಚಾಗಿ ಉಪಾಹಾರವನ್ನು ಬಿಟ್ಟುಬಿಡುತ್ತಾರೆ. ಬೆಳಗಿನ ಉಪಾಹಾರವನ್ನು ಬಿಡುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ನೀವು ಉಪಾಹಾರವನ್ನು ಬಿಟ್ಟು ಹಸಿವಿನಿಂದ ಇದ್ದರೂ ಸ್ವಲ್ಪ ಸಮಯದ ನಂತರ ನಿಮ್ಮ ಮನಸ್ಸು ತ್ವರಿತ ಆಹಾರ ಮತ್ತು ತಿಂಡಿಗಳಿಗೆ ಹೋಗಲು ಪ್ರಾರಂಭಿಸುತ್ತದೆ. ಹಲವರು ಬೆಳಿಗ್ಗೆ ಉಪಾಹಾರ ಸೇವಿಸದಿದ್ದರೆ ಅದನ್ನು ಊಟದಲ್ಲಿ ಸರಿದೂಗಿಸುತ್ತಾರೆ ಮತ್ತು ಅತಿಯಾಗಿ ತಿನ್ನುತ್ತೀರಿ. ಈ ರೀತಿಯಾಗಿ ನಿಮ್ಮ ತೂಕವನ್ನು ಕಡಿಮೆ ಮಾಡಲು ಸಾಧ್ಯವಿಲ್ಲ.
ಅತಿಯಾಗಿ ತಿನ್ನಬೇಡಿ:
ನಾವು ಆಗಾಗ್ಗೆ ಸುಮ್ಮನೆ ಕುಳಿತಿರುವಾಗ, ಟಿವಿ (TV) ನೋಡುವಾಗ, ಕೆಲಸ ಮಾಡುವಾಗ ಏನನ್ನಾದರೂ ತಿನ್ನುತ್ತಿರುತ್ತೇವೆ. ನಾವು ಯಾರೊಂದಿಗಾದರೂ ಕುಳಿತಿದ್ದರೆ, ನಾವು ಎಷ್ಟು ತಿನ್ನುತ್ತಿದ್ದೇವೆ ಎಂದು ಸಹ ನಾವು ಗಮನಿಸುವುದಿಲ್ಲ. ಈ ಸಮಸ್ಯೆ ಕ್ರಮೇಣ ಹೆಚ್ಚಾಗುತ್ತದೆ ಮತ್ತು ಬೊಜ್ಜಿನಂತಹ ಗಂಭೀರ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.
ಇದನ್ನೂ ಓದಿ: ದೇಹದ ತೂಕ ಯಶಸ್ವಿ ಇಳಿಕೆಗೆ ವ್ಯಾಯಾಮದ ಸಮಯ ಬಹಳ ಮುಖ್ಯ!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಆಪ್ ಡೌನ್ ಲೋಡ್ ಮಾಡಿ
Android Link - https://bit.ly/3hDyh4G
iOS Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಕ್ಕೆ ಸಬ್ ಸ್ಕ್ರೈಬ್ ಮಾಡಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
