Unique Vegetables Research : ತರಕಾರಿಗಳಲ್ಲಿ ಟೊಮೆಟೊ ತನ್ನದೇ ಆದ ಪ್ರಾಮುಖ್ಯತೆಯನ್ನು ಹೊಂದಿದೆ. ಹೆಚ್ಚಿನ ಅಡುಗೆಗಳಲ್ಲಿ ಟೊಮ್ಯಾಟೋ ಬಳಸಲಾಗುತ್ತದೆ. ಟೊಮ್ಯಾಟೋ ಬಳಸಿದರೆ ಅಡುಗೆಯ ರುಚಿ ಹೆಚ್ಚುತ್ತದೆ. ಮಾತ್ರವಲ್ಲ, ಈ ಹಣ್ಣು ಅನೇಕ ಉಪಯೋಗಗಳನ್ನು ಹೊಂದಿದೆ. ಇಲ್ಲಿಯವರೆಗೆ ಮಾರುಕಟ್ಟೆಯಲ್ಲಿ ಕೆಂಪು ಮತ್ತು ಹಳದಿ ಟೊಮೆಟೊ ಕೂಡಾ ನಿಮ್ಮನ್ನು ಆಕರ್ಷಿಸಲಿದೆ.
ಹೇಗೆ ತಯಾರಾಗುತ್ತದೆ ನೇರಳೆ ಟೊಮೆಟೊ ? :
ಇಂಗ್ಲೆಂಡ್‌ನ ಜಾನ್ ಇನ್ಸ್ ಸೆಂಟರ್‌ನಲ್ಲಿ ವಿಜ್ಞಾನಿ ಕ್ಯಾಥಿ ಮಾರ್ಟಿನ್ ಮತ್ತು ಅವರ ಪಾಲುದಾರರು ಈ ವಿಶೇಷ ಟೊಮೆಟೊವನ್ನು ತಯಾರಿಸಿದ್ದಾರೆ. ಇವರು ತಮ್ಮ ಸಂಶೋಧನೆಯ ಸಮಯದಲ್ಲಿ, ಆಂಥೋಸಯಾನಿನ್ ಪ್ರಮಾಣವು ಅಧಿಕವಾಗಿರುವ ಟೊಮೆಟೊವನ್ನು ತಯಾರಿಸಲು ಪ್ರಯತ್ನಿಸುತ್ತಿದ್ದರು. ಇದು ಬ್ಲ್ಯಾಕ್‌ಬೆರಿ ಮತ್ತು ಬೆರಿಹಣ್ಣುಗಳಲ್ಲಿ ಸಾಮಾನ್ಯವಾಗಿ ಕಂಡುಬರುವ ಉನ್ನತ ಮಟ್ಟದ ಉತ್ಕರ್ಷಣ ನಿರೋಧಕವಾಗಿದೆ. ತಮ್ಮ ಸಂಶೋಧನೆಯ ಸಮಯದಲ್ಲಿ, ಕ್ಯಾಥಿ ಮತ್ತು ಅವರ ತಂಡವು ಸ್ನಾಪ್‌ಡ್ರಾಗನ್ ಹೂವುಗಳಿಂದ ಎರಡು ಜೀನ್‌ಗಳನ್ನು ತೆಗೆದುಕೊಂಡು ಅವುಗಳನ್ನು ಟೊಮೆಟೊಗಳಲ್ಲಿ ಹಾಕಿದ್ದಾರೆ. ಈ ಎರಡೂ ಜೀನ್‌ಗಳು ಆಂಥೋಸಯಾನಿನ್‌ಗಳನ್ನು ಉತ್ಪಾದಿಸಲು ಕಾರಣವಾಗಿವೆ. ಸ್ವಲ್ಪ ಸಮಯದ ನಂತರ, ಅಂದರೆ ಡಿಸೆಂಬರ್ 2004 ರಲ್ಲಿ ಇದನ್ನು ಪರಿಶೀಲಿಸಿದಾಗ, ಈ ಟೊಮೆಟೊಗಳು ತಮ್ಮ ರೂಪವನ್ನು ಪಡೆಡು ಕೊಂಡಿತ್ತು. ಅವುಗಳ ಗಾತ್ರ ತುಂಬಾ ಚಿಕ್ಕದಾಗಿತ್ತು, ಆದರೆ ಮತ್ತೆ ಕೆಲವು ದಿನಗಳ ನಂತರ ಪರಿಶೀಲಿಸಿದಾಗ, ಟೊಮೆಟೊಗಳು ನೇರಳೆ ಬಣ್ಣಕ್ಕೆ ತಿರುಗಲು ಪ್ರಾರಂಭಿಸಿದವು.
ಇದನ್ನೂ ಓದಿ : ಮಯೆಲಾಯ್ಡ್ ಲುಕೇಮಿಯಾ ಚಿಕಿತ್ಸೆಯ ಸೂಕ್ತವಾದ ನಿರ್ವಹಣೆ ಹೀಗೆ ಮಾಡಿ.!
ಶೀಘ್ರ ಮಾರುಕಟ್ಟೆಯಲ್ಲಿ ಮಾರಾಟಕ್ಕೆ ಲಭ್ಯವಾಗಲಿದೆ :
ಅಮೇರಿಕಾದ ಕೃಷಿ ಇಲಾಖೆ ಇತ್ತೀಚೆಗೆ ಈ ನೇರಳೆ ಟೊಮೆಟೊಗಳನ್ನು ಮಾರಾಟ ಮಾಡಲು ಅನುಮತಿ ನೀಡಿದೆ. ಮುಂದಿನ ವರ್ಷದಿಂದ ತರಕಾರಿ ಮಾರುಕಟ್ಟೆಯಲ್ಲಿ ಅವುಗಳ ಮಾರಾಟ ಆರಂಭವಾಗಲಿದೆ. ಈ ನೇರಳೆ ಟೊಮೆಟೊಗಳು ಸಾಮಾನ್ಯ ಟೊಮೆಟೊಗಳಿಗಿಂತ ಹೆಚ್ಚು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿವೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ. ಇದು ನಿಮಗೆ ಅನೇಕ ಪ್ರಯೋಜನಗಳನ್ನು ತರಬಹುದು.
ಈ ಟೊಮೆಟೊದ ಆರೋಗ್ಯ ಪ್ರಯೋಜನಗಳು :
ಈ ಟೊಮೆಟೊ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಇದರಲ್ಲಿರುವ ಆಂಥೋಸಯಾನಿನ್ ಅನೇಕ ಪ್ರಯೋಜನಗಳನ್ನು ನೀಡುತ್ತದೆ. ಇದು ಆಂಟಿಆಕ್ಸಿಡೆಂಟ್ ಆಗಿದ್ದು ಕ್ಯಾನ್ಸರ್ ನಿಂದ ನಿಮ್ಮನ್ನು ರಕ್ಷಿಸುತ್ತದೆ. ನಿಮ್ಮ ದೇಹದಲ್ಲಿನ ಉರಿಯೂತವನ್ನು ಕಡಿಮೆ ಮಾಡಬಹುದು, ಟೈಪ್ -2 ಮಧುಮೇಹದಿಂದ ನಿಮ್ಮನ್ನು ರಕ್ಷಿಸಬಹುದು. 2008 ರಲ್ಲಿ, ಈ ಟೊಮ್ಯಾಟೋ ಮೇಲೆ ನಡೆಸಿದ ಸಂಶೋಧನೆಯ ಪ್ರಕಾರ, ಇದನ್ನು ತಿನ್ನುವುದರಿಂದ ಇಲಿಗಳಲ್ಲಿ ಕ್ಯಾನ್ಸರ್ ವಿರೋಧಿ ಸಾಮರ್ಥ್ಯ ಹೆಚ್ಚಾಗಿವೆ ಎನ್ನುವುದು ಸಾಬೀತಾಗಿದೆ.
ಇದನ್ನೂ ಓದಿ : ಸುಲಭವಾಗಿ ಗಾಯ, ವಿಪರೀತ ರಕ್ತಸ್ರಾವ.! ಇದು ಈ ಗಂಭೀರ ಕಾಯಿಲೆಯ ಲಕ್ಷಣವಿರಬಹುದು
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
