ಲಾಕ್‌ಡೌನ್‌ನ ಅಡ್ಡಪರಿಣಾಮ: ಈ ಸಮಸ್ಯೆಯಿಂದ ಬಳಲುತ್ತಿದ್ದಾರಂತೆ ಬಹುತೇಕ ಜನ, ಅದರ 7 ರೋಗಲಕ್ಷಣಗಳಿವು

ದೈಹಿಕವಾಗಿ ಮತ್ತು ಮಾನಸಿಕವಾಗಿ ಆರೋಗ್ಯವಾಗಿರುವುದರ ಮೂಲಕ ಕರೋನವೈರಸ್ ಜೊತೆಗೆ  ಈ ಸಮಸ್ಯೆಯಿಂದಲೂ ಮುಕ್ತವಾಗಬಹುದು ಎಂದು ವೈದ್ಯರು ಹೇಳುತ್ತಾರೆ.

Updated: May 21, 2020 , 01:00 PM IST
ಲಾಕ್‌ಡೌನ್‌ನ ಅಡ್ಡಪರಿಣಾಮ: ಈ ಸಮಸ್ಯೆಯಿಂದ ಬಳಲುತ್ತಿದ್ದಾರಂತೆ ಬಹುತೇಕ ಜನ, ಅದರ 7 ರೋಗಲಕ್ಷಣಗಳಿವು

ನವದೆಹಲಿ: ಕಾರ್ತಿಕ್ ಎಂಬ 18 ವರ್ಷದ ಯುವಕ 12ನೇ ತರಗತಿಯಲ್ಲಿ ಓದುತ್ತಿದ್ದು ಪ್ರತಿದಿನ  7 ರಿಂದ 8 ಗಂಟೆಗಳ ಕಾಲ ಆನ್‌ಲೈನ್ ತರಗತಿಗಳಿಗೆ ಹಾಜರಾಗಬೇಕು. ಈ ಕಾರಣದಿಂದಾಗಿ ಈತನ ಬಹುತೇಕ ಕಾರ್ಯವೈಖರಿ ಒಳಾಂಗಣದಲ್ಲಿದೆ. ಇದೇ ಕಾರಣಕ್ಕಾಗಿ ಈತ ಆಲಸ್ಯ ಅನುಭವಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಮೊದಲು ದಿನಕ್ಕೆ 6-7 ಗಂಟೆಗಳ ಕಾಲ ನಿದ್ರೆ ಮಾಡುತ್ತಿದ್ದ ಈತ ಈಗ ಹಗಲು-ರಾತ್ರಿ ಸೇರಿದಂತೆ ದಿನಕ್ಕೆ 15-16 ಗಂಟೆಗಳ ಕಾಲ ಮಲಗುತ್ತಾನೆ. ಇದರಿಂದಾಗಿ ಆತನ ಆಟೋಟಗಳು ಕೂಡ ಕಡಿಮೆಯಾಗಿವೆ ಎನ್ನುವುದಕ್ಕಿಂತ ಆತ ಹೊರಹೋಗಲೂ ಸಾಧ್ಯವಾಗುತ್ತಿಲ್ಲ. ಈತನಿಗೆ ಹೊರಹೋಗಿ ತನ್ನ ಸ್ನೇಹಿತರನ್ನು ಭೇಟಿಯಾಗುವುದಕ್ಕೂ ಸೋಮಾರಿ ತನ ಬಂದಂತಾಗಿದೆಯಂತೆ. ಅದು ಮಾತ್ರವಲ್ಲ ಕಣ್ಣು, ತಲೆ ಮತ್ತು ದೇಹದ ವಿವಿಧ ಭಾಗಗಳಲ್ಲಿ ಸಹಿಸಲಾಗದಷ್ಟು ನೋವು ಅನುಭವಿಸುತ್ತಿದ್ದಾನೆ. ಈ ಸಮಸ್ಯೆ ಕೇವಲ ಕಾರ್ತಿಕ್ ಅವರದು ಮಾತ್ರವಲ್ಲ ಅಂತಹ ಬಹಳಷ್ಟು ಜನರಿದ್ದಾರೆ.  ಎಲ್ಲಾ ವಯೋಮಾನದವರೂ ಇಂತಹ ಸಮಸ್ಯೆಯನ್ನು ಎದುರಿಸುತ್ತಿದ್ದು ಈ ಸಮಸ್ಯೆಗೆ 'ಲಾಕ್‌ಡೌನ್ ಆಯಾಸ' ಎಂದು ಹೆಸರಿಸಲಾಗಿದೆ. 

ದೈಹಿಕವಾಗಿ ಮತ್ತು ಮಾನಸಿಕವಾಗಿ ಆರೋಗ್ಯವಾಗಿರುವುದರ ಮೂಲಕ ಕರೋನವೈರಸ್ ಜೊತೆಗೆ  ಈ ಸಮಸ್ಯೆಯಿಂದಲೂ ಮುಕ್ತವಾಗಬಹುದು ಎಂದು ವೈದ್ಯರು ಹೇಳುತ್ತಾರೆ. ಲಾಕ್‌ಡೌನ್‌ನಿಂದಾಗಿ ಜನರು ಹೆಚ್ಚು ಸಕ್ರಿಯವಾಗಿಲ್ಲ. ಅವರು ಮನೆಯೊಳಗೆ ಸುರಕ್ಷಿತವಾಗಿರುತ್ತಾರೆ. ಆದರೆ ಅವರಿಗೆ ಉಲ್ಲಾಸವನ್ನು ಅನುಭವಿಸಲು ಸಾಧ್ಯವಾಗುವುದಿಲ್ಲ. ಜನರು ದಣಿದಿದ್ದಾರೆ. ಇದು ಅವರ ಮಾನಸಿಕ ಮತ್ತು ದೈಹಿಕ ಮಟ್ಟದ ಮೇಲೆ ಪರಿಣಾಮ ಬೀರುತ್ತಿದೆ. ಲಾಕ್‌ಡೌನ್ ಸಮಯದಲ್ಲಿ ನಿಮ್ಮನ್ನು ಹೇಗೆ ಸಕ್ರಿಯವಾಗಿ ಮತ್ತು ಸದೃಢವಾಗಿರಿಸಿಕೊಳ್ಳುವುದು ಎಂಬ ಬಗ್ಗೆ ತಿಳಿದುಕೊಳ್ಳೋಣ.

ಲಾಕ್ ಡೌನ್ ಆಯಾಸದ ಲಕ್ಷಣಗಳು:
1 - ಶರೀರ ಭಾರ ಎನಿಸುವುದು
2- ನಿದ್ರೆಯ ಕೊರತೆ
3- ಏಕಾಗ್ರತೆಯ ಕೊರತೆ
4- ಕಿಣ್ವ
5-ದೇಶೀಕರಣ
6- ದೇಹದ ನೋವು
7- ಆಯಾಸ

ಆಯಾಸದ ವಿರುದ್ಧ ಹೋರಾಡುವ ಕ್ರಮಗಳು:

1- ಮನೆಯಲ್ಲಿಯೇ ಇರಿ ಆದರೆ ಸಕ್ರಿಯರಾಗಿರಿ

2- ಸಾಕಷ್ಟು ನೀರು ಕುಡಿಯಿರಿ

3- ಎಣ್ಣೆಯುಕ್ತ ಆಹಾರದಿಂದ ದೂರವಿರಿ

4- ನಿಯಮಿತವಾಗಿ ವ್ಯಾಯಾಮ ಮಾಡಿ ...

5- ಅಯಾಸ ಹೋಗಲಾಡಿಸಲು ಯೋಗ ಮತ್ತು ಪ್ರಾಣಾಯಾಮ ಮಾಡಿ

6- ನಂತರ ಸೂರ್ಯನ ಬೆಳಕಿಗೆ ಕೆಲ ಸಮಯ ಮೈ ಒಡ್ಡಿಕೊಳ್ಳಿ.

7. ನಿಮಗೆ ತೀರಾ ಸಮಸ್ಯೆ ಎನಿಸುತ್ತಿದ್ದರೆ ವೈದ್ಯರನ್ನು ಸಂಪರ್ಕಿಸಿ ಮಲ್ಟಿವಿಟಮಿನ್ ಮಾತ್ರೆ ತೆಗೆದುಕೊಳ್ಳಿ

ಲಾಕ್‌ಡೌನ್‌ನಲ್ಲಿ ಜನರು ವಿವಿಧ ರೀತಿಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ ಎಂದು ಡಾ. ವಂದನಾ ಪಟೇಲ್ ಹೇಳುತ್ತಾರೆ. ವಿವಿಧ ವಯಸ್ಸಿನ ಜನರು ಸಹ ವಿಭಿನ್ನ ಸಮಸ್ಯೆಗಳನ್ನು ಹೊಂದಿದ್ದಾರೆ. ಲಾಕ್‌ಡೌನ್‌ನಲ್ಲಿ ಎಲ್ಲರೂ ಮನೆಯೊಳಗೆ ಇರುವುದರಿಂದ ದೇಹದ ಚಲನೆ ಬಹಳ ಕಡಿಮೆಯಾಗಿದೆ. ಈ ಸಂದರ್ಭದಲ್ಲಿ ಜನರು ವಿಭಿನ್ನ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಮಕ್ಕಳ ಮೇಲೆ ಆನ್‌ಲೈನ್ ಅಧ್ಯಯನದ ಒತ್ತಡ ಬಂದಿದೆ. ಆನ್‌ಲೈನ್ ತರಗತಿಗಳಿಂದಾಗಿ ಮಕ್ಕಳಿಗೆ ತಲೆನೋವು ಮತ್ತು ಕಣ್ಣಿನ ನೋವು ಸಮಸ್ಯೆಗಳನ್ನೂ ಎದುರಿಸುತ್ತಿದ್ದಾರೆ. ಸ್ಥಳೀಯೀಕರಣದ ಸಮಸ್ಯೆ ಮತ್ತು ಅಯಾಸ ವಯಸ್ಸಾದವರಲ್ಲಿ ಕಂಡುಬರುತ್ತಿದೆ. ಮಧ್ಯಮ ವಯಸ್ಸಿನವರು ತಮ್ಮ ಕೆಲಸದ ಬಗ್ಗೆ, ಭವಿಷ್ಯದ ಬಗ್ಗೆ ಉದ್ವಿಗ್ನತೆ ಹೊಂದಿದ್ದಾರೆ. ಇನ್ನು ವರ್ಕ್ ಫ್ರಮ್ ಹೋಂ ಮಾಡುತ್ತಿರುವವರಲ್ಲಿ ಕೆಲಸದ ಹೊರೆ ಹೆಚ್ಚಾಗಿದೆ. ಮನೆಯಲ್ಲಿಯೇ ಆದರೆ ಹಲವಾರು ಗಂಟೆಗಳ ಕಾಲ ಕರೆಗೆ ಹಾಜರಾಗಬೇಕು. ಅವರ ಜೀವನಶೈಲಿ ಬದಲಾಗಿದೆ. ಮಹಿಳೆಯರ ಮೇಲೆ ಕೆಲಸದ ಹೆಚ್ಚುವರಿ ಹೊರೆ ಇದೆ. ಲಾಕ್ ಡೌನ್ ಆಯಾಸಕ್ಕೆ ಇವು ಪ್ರಮುಖ ಕಾರಣಗಳಾಗಿವೆ ಎಂದು ತಿಳಿಸಿದ್ದಾರೆ.