Covid-19 ಚಿಕಿತ್ಸೆಯಲ್ಲಿಯೂ ಸಹಕಾರಿಯಾಗಲಿದೆ ಸರ್ಕಾರದ ಈ ವಿಮೆ

ಕೋವಿಡ್-19 ಚಿಕಿತ್ಸೆಯಲ್ಲಿ ಸರ್ಕಾರದ ಈ ಆರೋಗ್ಯ ವಿಮೆ ಸಾಕಷ್ಟು ಪ್ರಯೋಜನಕಾರಿ ಎಂದು ಸಾಬೀತಾಗಿದೆ.

Last Updated : May 14, 2020, 09:11 AM IST
Covid-19 ಚಿಕಿತ್ಸೆಯಲ್ಲಿಯೂ ಸಹಕಾರಿಯಾಗಲಿದೆ ಸರ್ಕಾರದ ಈ ವಿಮೆ title=

ನವದೆಹಲಿ: ಕರೋನವೈರಸ್ ಕೋವಿಡ್ -19 (Covid-19) ಚಿಕಿತ್ಸೆಯಲ್ಲಿ ಸರ್ಕಾರದ ಈ ಆರೋಗ್ಯ ವಿಮೆ ಸಾಕಷ್ಟು ಪ್ರಯೋಜನಕಾರಿ ಎಂದು ಸಾಬೀತಾಗಿದೆ. ವಾಸ್ತವವಾಗಿ ಆಯುಷ್ಮಾನ್ ಭಾರತ್ (Ayushman Bharat) ಯೋಜನೆಯಲ್ಲಿ ಪ್ರತಿ ಕುಟುಂಬಕ್ಕೆ ವಾರ್ಷಿಕವಾಗಿ 5 ಲಕ್ಷ ರೂ. ಉಚಿತ ಚಿಕಿತ್ಸೆ ನೀಡಲಾಗುತ್ತದೆ. ಇದೀಗ ದೇಶಾದ್ಯಂತ ಒಟ್ಟು 21,494 ಆಸ್ಪತ್ರೆಗಳು ಈ ಯೋಜನೆಯಡಿ ಕಾರ್ಯನಿರ್ವಹಿಸಲಿವೆ. ಈ ಯೋಜನೆಯಲ್ಲಿ 50 ಕೋಟಿ ಜನರಿಗೆ ಆರೋಗ್ಯ ಸೇವೆ ಒದಗಿಸುವುದು ಸರ್ಕಾರದ ಗುರಿಯಾಗಿದೆ. ನೀವು ಸಹ ಇದರ ಪ್ರಯೋಜನ ಪಡೆಯಲು ಬಯಸಿದರೆ ಅದರ ವಿಧಾನ ಬಹಳ ಸುಲಭ.

ಆರ್ಥಿಕವಾಗಿ ದುರ್ಬಲ ಜನರಿಗೆ ಚಿಕಿತ್ಸೆ ನೀಡಲು ಆಯುಷ್ಮಾನ್ ಭಾರತ್ ಯೋಜನೆಯನ್ನು ಭಾರತ ಸರ್ಕಾರ ಪ್ರಾರಂಭಿಸಿತು. ಈ ಯೋಜನೆಯಡಿ ಬಡ ಮತ್ತು ಕಾರ್ಮಿಕ ವರ್ಗದ ಜನರು ಸರ್ಕಾರಿ ಅಥವಾ ಖಾಸಗಿ ಆಸ್ಪತ್ರೆಯಲ್ಲಿ 5 ಲಕ್ಷ ರೂಪಾಯಿಗಳವರೆಗೆ ಚಿಕಿತ್ಸೆಯನ್ನು ಸಂಪೂರ್ಣವಾಗಿ ಉಚಿತವಾಗಿ ಪಡೆಯಬಹುದು. ಚಿಕಿತ್ಸೆಯ ಸಂಪೂರ್ಣ ವೆಚ್ಚವನ್ನು ಸರ್ಕಾರ ಭರಿಸುತ್ತದೆ. ಆಯುಷ್ಮಾನ್ ಭಾರತ್ ಗೋಲ್ಡನ್ ಕಾರ್ಡ್‌ಗಳನ್ನು ದೇಶದ ಪ್ರತಿ ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ತಯಾರಿಸಲಾಗುತ್ತಿದೆ. ಈ ಯೋಜನೆಯಡಿ ಶಸ್ತ್ರಚಿಕಿತ್ಸೆ, ವೈದ್ಯಕೀಯ ದಿನದ ಆರೈಕೆ ಚಿಕಿತ್ಸೆ, ರೋಗನಿರ್ಣಯ ಸೇರಿದಂತೆ 1350 ಚಿಕಿತ್ಸೆಯನ್ನು ಪಡೆಯಬಹುದು.

ನೀವು ಈ ರೀತಿಯಾಗಿ ಸುಲಭವಾಗಿ ಆರೋಗ್ಯ ವಿಮಾ ಕಾರ್ಡ್ ಆನ್ನು ಪಡೆಯಬಹುದಾಗಿದೆ...
> ಪ್ರಧಾನ್ ಮಂತ್ರಿ ಜನ ಆರೋಗ್ಯ ಯೋಜನೆ pmjay.gov.in ವೆಬ್‌ಸೈಟ್‌ಗೆ ಭೇಟಿ ನೀಡಿ. Am I Eligible ಆಯ್ಕೆ ಇಲ್ಲಿ ಕಾಣಿಸುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿ
> ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು ಅಲ್ಲಿ ತೋರಿಸಿರುವ ಕ್ಯಾಪ್ಚಾ ಕೋಡ್ ಅನ್ನು ನಮೂದಿಸಿ. ಕೋಡ್ ಅನ್ನು ಭರ್ತಿ ಮಾಡಿದ ನಂತರ ನೀವು ಒಟಿಪಿ ಉತ್ಪಾದಿಸಲು ಲಿಂಕ್ ಅನ್ನು ಕ್ಲಿಕ್ ಮಾಡಬೇಕು. ಇಲ್ಲಿ ಕ್ಲಿಕ್ ಮಾಡಿದಾಗ ಮೊಬೈಲ್ ಫೋನ್‌ನಲ್ಲಿ ಒಟಿಪಿ ಬರುತ್ತದೆ. ಈಗ ವೆಬ್‌ಸೈಟ್‌ನಲ್ಲಿ ಈ ಒಟಿಪಿಯನ್ನು ನಮೂದಿಸಿ.
> ಇಲ್ಲಿ ನೀವು ಒಂದು ಆಯ್ಕೆಯಲ್ಲಿ ರಾಜ್ಯದ ಹೆಸರನ್ನು ಮತ್ತು ಹೆಸರಿನಿಂದ ಹುಡುಕಾಟದಂತಹ ವರ್ಗವನ್ನು ಅಥವಾ ಇನ್ನೊಂದು ಆಯ್ಕೆಯಲ್ಲಿ HHD ಸಂಖ್ಯೆಯಿಂದ ಹುಡುಕಿ.
> ನೀವು ಹೆಸರಿನ ಮೂಲಕ ಹುಡುಕಾಟದ ಮೇಲೆ ಕ್ಲಿಕ್ ಮಾಡಿದರೆ, ನಿಮ್ಮ ಹೆಸರು, ತಂದೆ-ತಾಯಿಯ ಹೆಸರು, ವಯಸ್ಸು, ಜಿಲ್ಲೆ ಮುಂತಾದ ಮಾಹಿತಿಯನ್ನು ನೀವು ನಮೂದಿಸಬೇಕಾಗುತ್ತದೆ.
> ಆಯ್ಕೆಯನ್ನು ಆರಿಸಿ ಮತ್ತು ಅದರಲ್ಲಿ ವಿನಂತಿಸಿದ ಎಲ್ಲಾ ಮಾಹಿತಿಯನ್ನು ನಮೂದಿಸಿ. ನೀವು ಮಾಹಿತಿಯನ್ನು ನಮೂದಿಸಿದ ತಕ್ಷಣ, ನೀವು ಗೋಲ್ಡನ್ ಕಾರ್ಡ್‌ಗೆ ಅರ್ಹರಾಗಿದ್ದೀರಾ ಅಥವಾ ಇಲ್ಲವೇ ಎಂಬ ಫಲಿತಾಂಶವನ್ನು ನೀವು ಪಡೆಯುತ್ತೀರಿ.

ಕಾರ್ಡ್ ಡೌನ್‌ಲೋಡ್ ಮಾಡಿ:
ಕಾರ್ಡ್ ಡೌನ್‌ಲೋಡ್ ಮಾಡಲು, ನೀವು pmjay.gov.in ವೆಬ್‌ಸೈಟ್‌ನಲ್ಲಿ ಲಿಂಕ್ ಅನ್ನು ಕಾಣಬಹುದು. ಇಲ್ಲಿ ಲಾಗಿನ್ ಆಯ್ಕೆಯನ್ನು ಕ್ಲಿಕ್ ಮಾಡಿ. ನಿಮ್ಮ ಇಮೇಲ್ ಐಡಿ ಮತ್ತು ಪಾಸ್ವರ್ಡ್ ಅನ್ನು ನಮೂದಿಸುವ ಮೂಲಕ ನೀವು ಲಾಗಿನ್ ಆಗಬೇಕಾಗುತ್ತದೆ. ಈಗ ಆಧಾರ್ ಸಂಖ್ಯೆಯನ್ನು ನಮೂದಿಸುವ ಆಯ್ಕೆ ಹೊಸ ಪುಟದಲ್ಲಿ ಬರುತ್ತದೆ. ಅನುಮೋದಿತ ಫಲಾನುಭವಿಯ ಆಯ್ಕೆಯು ನಿಮ್ಮ ಮುಂದೆ ಕಾಣಿಸುತ್ತದೆ. ಈ ಆಯ್ಕೆಯನ್ನು ಕ್ಲಿಕ್ ಮಾಡುವುದರ ಮೂಲಕ, ನಿಮ್ಮ ಗೋಲ್ಡನ್ ಕಾರ್ಡ್ ಅನ್ನು ಅನುಮೋದಿಸಲಾಗುತ್ತದೆ. ನಿಮ್ಮ ಮುಂದೆ ಒಂದು ಪಟ್ಟಿ ಇರುತ್ತದೆ, ಈ ಪಟ್ಟಿಯಲ್ಲಿ ನಿಮ್ಮ ಹೆಸರನ್ನು ಹುಡುಕಿ. ಹೆಸರನ್ನು ಕಂಡುಕೊಂಡ ನಂತರ ಕಾರ್ಡ್ ಡೌನ್‌ಲೋಡ್ ಮಾಡಿ ಅದರ ಮುದ್ರಣವನ್ನು ತೆಗೆದುಕೊಳ್ಳಿ.
 

Trending News