Ghost village: ರಾಷ್ಟ್ರ ರಾಜಧಾನಿಯಲ್ಲಿದೆ ‘ಭೂತ ಗ್ರಾಮ’: ದೆಹಲಿಯ ಈ ಸ್ಥಳದ ಕಥೆ ಕೇಳಿದ್ರೆ ದಂಗಾಗೋದು ಖಂಡಿತ!

Bhoothon Wali Galli: ಪಶ್ಚಿಮ ದೆಹಲಿಯ ನಂಗ್ಲೋಯ್ ಜಾಟ್‌ನಲ್ಲಿ ದೆವ್ವಗಳಿರುವ ಬೀದಿ ಇದೆ. ಈ ರಸ್ತೆ ರೋಹ್ಟಕ್ ರಸ್ತೆಯಿಂದ ಶಿವ ಮಂದಿರದವರೆಗೆ ಬರುತ್ತದೆ. ಜನರು ಮೊದಲ ಬಾರಿಗೆ ಈ ರಸ್ತೆಯ ಹೆಸರನ್ನು ಕೇಳಿದಾಗ, ಖಂಡಿತವಾಗಿಯೂ ದಿಗ್ಭ್ರಮೆಗೊಳ್ಳುತ್ತಾರೆ. ದೆವ್ವಗಳು ಇಲ್ಲಿ ವಾಸಿಸುತ್ತವೆಯೇ ಎಂಬ ಪ್ರಶ್ನೆಯ ಅನೇಕರಲ್ಲಿ ಮೂಡುವುದು ಸಹಜ.

Bhooth Village

Bhoothon Wali Galli: ದೆಹಲಿಯಲ್ಲಿ ಅನೇಕ ಪ್ರಸಿದ್ಧ ರಸ್ತೆಗಳಿವೆ. ಕರ್ತವ್ಯ ಮಾರ್ಗ, ಸಂಸದ್ ಮಾರ್ಗ, ಕೋಪರ್ನಿಕಸ್ ಮಾರ್ಗ, ಷಹಜಹಾನ್ ರಸ್ತೆ, ಲೋಕ ಕಲ್ಯಾಣ ಮಾರ್ಗ, ಅರಬಿಂದೋ ಮಾರ್ಗ ಇತ್ಯಾದಿ. ಹಳೆ ದೆಹಲಿಗೆ ಹೋದರೆ ಅಲ್ಲಿನ ಕಿರಿದಾದ ರಸ್ತೆಗಳಲ್ಲಿ ನಡೆಯುವುದೂ ಕಷ್ಟ. ಆದರೆ ದೆಹಲಿಯ ಈ ಬೀದಿಗಳ ಬಗ್ಗೆ ನಿಮಗೆ ಪರಿಚಯವಿದೆಯೇ? ಏಕೆಂದರೆ ದೆಹಲಿಯ ನಿಜವಾದ ಹೃದಯವು ಈ ಬೀದಿಗಳಲ್ಲಿ ನೆಲೆಸಿದೆ. ಆದರೆ ದೆಹಲಿಯ ಒಂದು ರಸ್ತೆಯ ಹೆಸರು 'ಭೂತೋನ್ ವಾಲಿ ಗಲ್ಲಿ’.

ಇದನ್ನೂ ಓದಿ: Viral News: ಗಂಡನ ಈ ಕೃತ್ಯದಿಂದ ಬೇಸತ್ತ 42 ವರ್ಷದ ಅತ್ತೆ 27ರ ಅಳಿಯನ ಜೊತೆ ಎಸ್ಕೇಪ್!

ಪಶ್ಚಿಮ ದೆಹಲಿಯ ನಂಗ್ಲೋಯ್ ಜಾಟ್‌ನಲ್ಲಿ ದೆವ್ವಗಳಿರುವ ಬೀದಿ ಇದೆ. ಈ ರಸ್ತೆ ರೋಹ್ಟಕ್ ರಸ್ತೆಯಿಂದ ಶಿವ ಮಂದಿರದವರೆಗೆ ಬರುತ್ತದೆ. ಜನರು ಮೊದಲ ಬಾರಿಗೆ ಈ ರಸ್ತೆಯ ಹೆಸರನ್ನು ಕೇಳಿದಾಗ, ಖಂಡಿತವಾಗಿಯೂ ದಿಗ್ಭ್ರಮೆಗೊಳ್ಳುತ್ತಾರೆ. ದೆವ್ವಗಳು ಇಲ್ಲಿ ವಾಸಿಸುತ್ತವೆಯೇ ಎಂಬ ಪ್ರಶ್ನೆಯ ಅನೇಕರಲ್ಲಿ ಮೂಡುವುದು ಸಹಜ. ಹೀಗಾಗಿ 'ಭೂತೋನ್ ವಾಲಿ ಗಲ್ಲಿ' ಎಂಬ ಹೆಸರು ಹೇಗೆ ಬಂತು ಎಂದು ನಿಮಗೆ ತಿಳಿಸಲಿದ್ದೇವೆ.

ಘೋಸ್ಟ್ ಸ್ಟ್ರೀಟ್ ಎಲ್ಲಿದೆ?

ನಂಗ್ಲೋಯ್ ಮೇಲ್ಸೇತುವೆಯ ಕೆಳಗೆ ರೋಹ್ಟಕ್ ಮುಖ್ಯ ರಸ್ತೆಯಲ್ಲಿ ಭೂತದ ಲೇನ್ ಪ್ರಾರಂಭವಾಗುತ್ತದೆ, ಇದು ಸ್ಮಶಾನದ ಮೈದಾನಕ್ಕೆ ದಾರಿ ಸೂಚಿಸುತ್ತದೆ. 700 ಮೀಟರ್ ಉದ್ದದ ಈ ರಸ್ತೆಯನ್ನು ಗೂಗಲ್ ಸ್ಟ್ರೀಟ್ ವ್ಯೂನಲ್ಲಿ ನೋಡಬಹುದು.

ಈ ಬೀದಿಯ ಕೊನೆಯಲ್ಲಿ ಶಿವನ ದೇವಾಲಯವೂ ಇದೆ. ಈ ಬೀದಿಯ ಹೆಸರನ್ನು ಮೊದಲ ಬಾರಿಗೆ ಕೇಳುವವರಿಗೆ, ಅವರು ಖಂಡಿತವಾಗಿಯೂ ಇಲ್ಲಿ ದೆವ್ವ ವಾಸಿಸುತ್ತಿದೆಯೇ ಎಂದು ಕೇಳುತ್ತಾರೆ. ಈ ರಸ್ತೆ ಸ್ಮಶಾನದ ರಸ್ತೆಗೆ ಹೊಂದಿಕೊಂಡಂತೆ ಇರುವುದರಿಂದ ಜನರ ಕುತೂಹಲ ಮತ್ತಷ್ಟು ಹೆಚ್ಚಿದೆ. ಆದರೆ ಅಂಥದ್ದೇನೂ ಇಲ್ಲ. ಈ ರಸ್ತೆಯಲ್ಲಿ ಜನ ಸಾಮಾನ್ಯರು ಮಾತ್ರ ವಾಸಿಸುತ್ತಿದ್ದಾರೆ. ಇಡೀ ರಸ್ತೆ ಅಂಗಡಿಗಳಿಂದ ತುಂಬಿದೆ.

ಬಹಳ ಹಿಂದೆ ಇಲ್ಲಿ ಖಾಲಿ ಜಾಗ ಮಾತ್ರ ಇತ್ತು ಎಂದು ವ್ಯಕ್ತಿಯೊಬ್ಬರು ಹೇಳುತ್ತಾರೆ. ಅಷ್ಟೇ ಅಲ್ಲದೆ ಇಡೀ ದಿನ ದುಡಿದು ಮನೆಗೆ ಮರಳುವಾಗ ಜನರ ಮುಖಕ್ಕೆ ಕೆಸರು ಮೆತ್ತಿಕೊಂಡಿರುತ್ತಿತ್ತು. ಅದು ಸಂಜೆಯ ಹೊತ್ತಿಗೆ ಮುಖ ಭೂತದಂತೆ ಕಾಣುತ್ತಿತ್ತು. ಇದೇ ಕಾರಣಕ್ಕೆ ಈ ಬೀದಿಗೆ ಭೂತೋನ್ ವಾಲಿ ಗಲಿ ಎಂದು ಹೆಸರು ಬಂತಂತೆ.

ಇದನ್ನೂ ಓದಿ: Delhi Mumbai Expressway : ದೆಹಲಿ - ಮುಂಬೈ ಎಕ್ಸ್‌ಪ್ರೆಸ್‌ ವೇಗೆ ನಾಳೆ ಪ್ರಧಾನಿ ಮೋದಿ ಚಾಲನೆ! 1 ಲಕ್ಷ ಕೋಟಿ ವೆಚ್ಚದ ಯೋಜನೆಯಲ್ಲಿ ಏನೆಲ್ಲಾ ಸೌಕರ್ಯ?

ಈ ಬೀದಿಯಲ್ಲಿ ಜಾಟ್ ಕುಟುಂಬವೊಂದು ವಾಸಿಸುತ್ತಿತ್ತು ಎಂಬುದು ಇನ್ನೊಂದು ಕಥೆ. ಅವತು ರಾತ್ರಿ ವೇಳೆ ಹೊಲದಲ್ಲಿ ಕೆಲಸ ಮಾಡುತ್ತಿದ್ದರು. ಸಾಮಾನ್ಯವಾಗಿ ಜನರು ಹಗಲಿನಲ್ಲಿ ಹೊಲಗಳಲ್ಲಿ ಕೆಲಸ ಮಾಡುತ್ತಾರೆ ಮತ್ತು ರಾತ್ರಿಯಲ್ಲಿ ವಿಶ್ರಾಂತಿ ಪಡೆಯುತ್ತಾರೆ. ಆದರೆ ರಾತ್ರಿ ದೆವ್ವಗಳು ಏಳುವ ಸಮಯದಲ್ಲಿ ಈ ಕುಟುಂಬ ಅಲ್ಲಿ ಕೆಲಸ ಮಾಡುತ್ತಿತ್ತಂತೆ. ಹಾಗಾಗಿ ಅಕ್ಕಪಕ್ಕದ ಜನರು ಈ ಕುಟುಂಬವನ್ನು ದೆವ್ವ ಎಂದು ಕರೆಯಲು ಪ್ರಾರಂಭಿಸಿದ್ದರು. ಈ ಬಳಿಕ ಜನರು ಇವರಿದ್ದ ಬೀದಿಯನ್ನು ಭೂತಗಳ ಬೀದಿ ಎಂದು ಕರೆಯಲು ಪ್ರಾರಂಭಿಸಿದರು.