Amarinder Singh : ಹೊಸ ರಾಜಕೀಯ ಪಕ್ಷ ಆರಂಭದ ಬಗ್ಗೆ ಮಹತ್ವದ ಮಾಹಿತಿ ನೀಡಿದೆ ಅಮರಿಂದರ್ ಸಿಂಗ್!

ಚಂಡೀಗಢ : ಮುಂದಿನ ವರ್ಷದ ಆರಂಭದಲ್ಲಿ ನಡೆಯಲಿರುವ ಪಂಜಾಬ್‌ ವಿಧಾನಸಭಾ ಚುನಾವಣೆಗೂ ಮುನ್ನ ಮಾಜಿ ಸಿಎಂ ಅಮರಿಂದರ್ ಸಿಂಗ್ ಅವರು ತಮ್ಮದೇ ಆದ ರಾಜಕೀಯ ಪಕ್ಷವನ್ನು ಪ್ರಾರಂಭಿಸುವುದಾಗಿ ಬುಧವಾರ ಘೋಷಿಸಿದ್ದಾರೆ. ಆದರೆ, ಬಿಜೆಪಿಯೊಂದಿಗೆ ಮೈತ್ರಿ ಮಾಡಿಕೊಳ್ಳಬಹುದಾದ ಪಕ್ಷದ ಹೆಸರನ್ನು ಭಾರತ ಚುನಾವಣಾ ಆಯೋಗ(Election Commission of India)ದೊಂದಿಗೆ ಸಮಾಲೋಚಿಸಿದ ನಂತರ ಪ್ರಕಟಿಸಲಾಗುವುದು ಎಂದು ಅವರು ಹೇಳಿದರು. ರಾಜ್ಯದ ಸಮಸ್ಯೆಗಳ ಕುರಿತು ಗುರುವಾರ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರನ್ನು ಭೇಟಿ ಮಾಡುವುದಾಗಿ ಅಮರಿಂದರ್ ಸಿಂಗ್ ಇಲ್ಲಿ ಮಾಧ್ಯಮಗಳಿಗೆ ತಿಳಿಸಿದರು. ಇತ್ತೀಚಿನ ದಿನಗಳಲ್ಲಿ ಇದು ಅವರೊಂದಿಗಿನ ಮೂರನೇ ಭೇಟಿಯಾಗಿದೆ.

ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ನವಜೋತ್ ಸಿಂಗ್ ಸಿಧು(Navjot Singh Sidhu) ವಿರುದ್ಧ ತಮ್ಮ ಅಭ್ಯರ್ಥಿಯನ್ನು ಕಣಕ್ಕಿಳಿಸುವುದಾಗಿ ಹೇಳಿದ್ದಾರೆ. "ಸಿಧು (ನವಜೋತ್ ಸಿಂಗ್ ಸಿಧು) ಸಂಬಂಧಿಸಿದಂತೆ, ಅವರು ಎಲ್ಲಿ ಹೋರಾಡಿದರೂ ನಾವು ಅವರೊಂದಿಗೆ ಹೋರಾಡುತ್ತೇವೆ" ಎಂದು ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಚಂಡೀಗಢದಲ್ಲಿ ಹೇಳಿದರು.

ಇದನ್ನೂ ಓದಿ : 

ಪಂಜಾಬ್ ನಲ್ಲಿ ಎರಡು ಭಾರಿ ಮುಖ್ಯಮಂತ್ರಿಯಾದ ಅಮರಿಂದರ್ ಸಿಂಗ್(Amarinder Singh), ಭಾರತ-ಪಾಕಿಸ್ತಾನ ಗಡಿಯ 50 ಕಿಮೀ ವರೆಗೆ ಬಿಎಸ್‌ಎಫ್ ನಿಯೋಜನೆಗೆ ಒಲವು ತೋರಿದರು, ಇದು ರಾಜ್ಯದ ಭದ್ರತೆಗೆ ಅಗತ್ಯವಿದೆ ಎಂದು ಹೇಳಿದರು. ಕಾಂಗ್ರೆಸ್‌ಗೆ ರಾಜೀನಾಮೆ ನೀಡಿದ ಮೇಲೆ, "ನಾನು ಕಳೆದ 52 ವರ್ಷಗಳಿಂದ ಕಾಂಗ್ರೆಸ್‌ನಲ್ಲಿದ್ದೇನೆ, ಮುಂದಿನ 10 ದಿನಗಳವರೆಗೆ ನಾನು ರಾಜೀನಾಮೆ ನೀಡಲು ಸಾಧ್ಯವಾಗದಿದ್ದರೆ, ಅದರಿಂದ ಏನು ಹಾನಿ" ಎಂದು ಉತ್ತರಿಸಿದರು.

As far as Sidhu (Navjot Singh Sidhu) is concerned, wherever he fights from we will fight him: Captain Amarinder Singh, in Chandigarh pic.twitter.com/kSW64DNQGv

— ANI (@ANI) October 27, 2021

ಇದಕ್ಕೂ ಮೊದಲು, ತಮ್ಮ ಮಾಜಿ ಕಾಂಗ್ರೆಸ್ ಸಹೋದ್ಯೋಗಿಗಳ ವೈಯಕ್ತಿಕ ದಾಳಿಗೆ ಪ್ರತಿಕ್ರಿಯಿಸಿದ ಅಮರೀಂದರ್ ಸಿಂಗ್, “ವೈಯಕ್ತಿಕ ದಾಳಿಯಿಂದ ಅವರು ಈಗ ಪಟಿಯಾಲ ಮತ್ತು ಇತರೆಡೆ ನನ್ನ ಬೆಂಬಲಿಗರಿಗೆ ಬೆದರಿಕೆ ಮತ್ತು ಕಿರುಕುಳಕ್ಕೆ ಒಳಗಾಗಿದ್ದಾರೆ ಎಂದರು.

ಇದನ್ನೂ ಓದಿ : 

"ನನ್ನ ಪ್ರತಿಸ್ಪರ್ಧಿಗಳಿಗೆ ಅವರು ಇಂತಹ ಕೀಳು ಮಟ್ಟದ ರಾಜಕೀಯ ಆಟಗಳಿಂದ ನನ್ನನ್ನು ಸೋಲಿಸಲು ಸಾಧ್ಯವಿಲ್ಲ ಎಂದು ಹೇಳುತ್ತೇನೆ. ಅವರು ಅಂತಹ ತಂತ್ರಗಳಿಂದ ಮತಗಳನ್ನು ಅಥವಾ ಜನರ ಹೃದಯಗಳನ್ನು ಗೆಲ್ಲುವುದಿಲ್ಲ." "ನನ್ನ ಬೆಂಬಲಕ್ಕೆ ನಿಂತವರು ಪಂಜಾಬ್‌(Punjab)ನ ಶಾಂತಿ ಮತ್ತು ಅಭಿವೃದ್ಧಿಗಾಗಿ ಕೆಲಸ ಮಾಡುವುದನ್ನು ಮುಂದುವರಿಸಲು ಬಯಸಿದ್ದರಿಂದ ಅವರು ಹಾಗೆ ಮಾಡಿದ್ದಾರೆ. ಅವರು ಬೆದರಿಕೆ ಅಥವಾ ಕಿರುಕುಳದ ಇಂತಹ ಸಣ್ಣ ಕೃತ್ಯಗಳಿಗೆ ಹೆದರುವುದಿಲ್ಲ. ನಾವು ಹೋರಾಟವನ್ನು ಮುಂದುವರಿಸುತ್ತೇವೆ. ಪಂಜಾಬ್‌ನ ಭವಿಷ್ಯಕ್ಕಾಗಿ ನಾವು ಇದ್ದೆ ಇರುತ್ತವೆ ಎಂದು ಹೇಳಿದ್ದಾರೆ.