General Election 2024: ಮಹಿಳೆಯರ ಓಲೈಕೆಗೆ ಇಲ್ಲಿದೆ ಬಿಜೆಪಿ ಬೃಹತ್ ಪ್ಲಾನ್

2024 Lok Sabha Election: 2024ರಲ್ಲಿ ನಡೆಯಲಿರುವ ಲೋಕಸಭೆ ಚುನಾವಣೆಗೆ ಬಿಜೆಪಿ ಭರದ ಸಿದ್ಧತೆ ಆರಂಭಿಸಿದೆ, ಜನಸಂಖ್ಯೆಯ ಅರ್ಧದಷ್ಟು ಮತದಾರರು ಅಂದರೆ ಮಹಿಳಾ ಮತದಾರರನ್ನು ತನ್ನತ್ತ ಸೆಳೆಯಲು ಪಕ್ಷ ವಿಶೇಷ ಯೋಜನೆ ರೂಪಿಸಿದೆ. ಇದನ್ನು ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಅವರಿಂದ ಚಾಲನೆ ದೊರೆತ ಬಳಿಕ, ಬಿಜೆಪಿ ತರಬೇತಿ ಕಾರ್ಯಕ್ರಮದ ಮೂಲಕ ಇದನ್ನು ದೇಶಾದ್ಯಂತ ಡಿಸೆಂಬರ್ ವರೆಗೆ ಆನ್ಲೈನ್ ನಲ್ಲಿ ಬಿಜೆಪಿ ತರಬೇತಿ ನೀಡಲಿದೆ.

2024 Lok Sabha Election: 2024ರಲ್ಲಿ ನಡೆಯಲಿರುವ ಲೋಕಸಭೆ ಚುನಾವಣೆಗೆ ಬಿಜೆಪಿ ಭರದ ಸಿದ್ಧತೆ ಆರಂಭಿಸಿದೆ, ಜನಸಂಖ್ಯೆಯ ಅರ್ಧದಷ್ಟು ಮತದಾರರು ಅಂದರೆ ಮಹಿಳಾ ಮತದಾರರನ್ನು ತನ್ನತ್ತ ಸೆಳೆಯಲು ಪಕ್ಷ ವಿಶೇಷ ಯೋಜನೆ ರೂಪಿಸಿದೆ. ದೇಶದ ಪ್ರತಿ ಲೋಕಸಭಾ ಕ್ಷೇತ್ರದಲ್ಲಿ 200 ಮಹಿಳೆಯರನ್ನು 'ಕಮಲ ಮಿತ್ರ'ರನ್ನಾಗಿಸಲು ಪಕ್ಷ ಸಿದ್ಧತೆ ನಡೆಸಿದೆ. ಮಹಿಳಾ ಮೋರ್ಚಾದ ಪದಾಧಿಕಾರಿಗಳು ಮತ್ತು ಕಾರ್ಯಕರ್ತರಿಗೆ ತರಬೇತಿ ನೀಡುವ ಮೂಲಕ ದೇಶಾದ್ಯಂತ ಒಂದು ಲಕ್ಷಕ್ಕೂ ಹೆಚ್ಚು 'ಕಮಲ ಮಿತ್ರ' ಮಹಿಳೆಯರನ್ನು ರೂಪಿಸಲು ಬಿಜೆಪಿ ಯೋಜಿಸಿದೆ. ಪಕ್ಷದ ಮಹಿಳಾ ಮೋರ್ಚಾದ ರಾಷ್ಟ್ರೀಯ ಅಧ್ಯಕ್ಷೆ ವನತಿ ಶ್ರೀನಿವಾಸನ್ ನೇತೃತ್ವದಲ್ಲಿ ನಡೆಯುತ್ತಿರುವ ಈ ‘ಕಮಲ ಮಿತ್ರ’ ತರಬೇತಿ ಕಾರ್ಯಕ್ರಮವನ್ನು ಬಿಜೆಪಿ ಅಧ್ಯಕ್ಷ ಜೆಪಿ ನಡ್ಡಾ ಶುಕ್ರವಾರ ಪಕ್ಷದ ಪ್ರಧಾನ ಕಚೇರಿಯಲ್ಲಿ ಉದ್ಘಾಟಿಸಲಿದ್ದಾರೆ.

ಬಿಜೆಪಿಯ ಈ ಯೋಜನೆ ಬಗ್ಗೆ ತಿಳಿಯಿರಿ
ಕಮಲ್ ಮಿತ್ರ ಒಂದು ವಿಶಿಷ್ಟ ತರಬೇತಿ ಕಾರ್ಯಕ್ರಮವಾಗಿದ್ದು, ತನ್ಮೂಲಕ ಬಿಜೆಪಿ ತನ್ನ ಮಹಿಳಾ ನಾಯಕರು ಮತ್ತು ಕಾರ್ಯಕರ್ತರಿಗೆ ನರೇಂದ್ರ ಮೋದಿ ಸರ್ಕಾರ ಜಾರಿಗೆ ತಂದ ಯೋಜನೆಗಳ ಬಗ್ಗೆ ತರಬೇತಿ ನೀಡಲಿದೆ. ಇದಕ್ಕಾಗಿ, ಉಜ್ವಲ ಯೋಜನೆ, ಸುಕನ್ಯಾ ಸಮೃದ್ಧಿ ಯೋಜನೆ, ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಮತ್ತು ಮಾತೃತ್ವ ವಂದನಾ ಯೋಜನೆಗಳಂತಹ 15 ಪ್ರಮುಖ ಯೋಜನೆಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ಹಿಂದಿ, ಇಂಗ್ಲಿಷ್, ತಮಿಳು, ತೆಲುಗು, ಮಲಯಾಳಂ, ಕನ್ನಡ, ಬಾಂಗ್ಲಾ, ಗುಜರಾತಿ ಮತ್ತು ಮರಾಠಿ ಸೇರಿದಂತೆ ಹಲವು ಭಾರತೀಯ ಭಾಷೆಗಳಲ್ಲಿ ಸಿದ್ಧಪಡಿಸಲಾಗಿದೆ.

ಇದನ್ನೂ ಓದಿ-Gyanvapi Issue: ಉಚ್ಛ ನ್ಯಾಯಾಲಯ ನೀಡಿದ 'ಶಿವಲಿಂಗದ ಕಾರ್ಬನ್ ಡೇಟಿಂಗ್' ಆದೇಶವನ್ನು ಸುಪ್ರೀಂನಲ್ಲಿ ಪ್ರಶ್ನಿಸಿದ ಮುಸ್ಲಿಂ ಸಮಿತಿ

ನಡ್ಡಾ ಅವರು ಪ್ರಾರಂಭಿಸಿದ ನಂತರ, ಬಿಜೆಪಿ ಈ ತರಬೇತಿ ಕಾರ್ಯಕ್ರಮದ ಮೂಲಕ ದೇಶಾದ್ಯಂತ ಡಿಸೆಂಬರ್‌ವರೆಗೆ ತರಬೇತಿಯನ್ನು ನೀಡಲಿದೆ, ಈ ತರಬೇತಿ ಆನ್ಲೈನ್ ರೂಪದಲ್ಲಿರಲಿದೆ. ಇದಕ್ಕಾಗಿ ಬಿಜೆಪಿ ಮಹಿಳಾ ಮೋರ್ಚಾ ವೈದ್ಯರು, ಪ್ರಾಧ್ಯಾಪಕರು, ಎಂಜಿನಿಯರ್‌ಗಳು, ವಕೀಲರು, ಐಟಿ ವೃತ್ತಿಪರರು ಮತ್ತು ಸಂಶೋಧನಾ ವಿದ್ವಾಂಸರು ಸೇರಿದಂತೆ ಪ್ರಬುದ್ಧ ಮಹಿಳೆಯರ ತಂಡವನ್ನು ಸಿದ್ಧಪಡಿಸಿದ್ದು, ಅವರು ಮಹಿಳೆಯರಿಗೆ ತರಬೇತಿ ನೀಡಲಿದ್ದಾರೆ. ಈ ಪ್ರಬುದ್ಧ ಮಹಿಳೆಯರ ಗುಂಪಿನಲ್ಲಿ ದೇಶಾದ್ಯಂತ ವಿವಿಧ ರಾಜ್ಯಗಳ ಪ್ರಬುದ್ಧ ಮತ್ತು ಸ್ಥಳೀಯ ಭಾಷೆಯಲ್ಲಿ ಪಾರಂಗತರಾದ ಮಹಿಳೆಯರನ್ನು ಸೇರಿಸಲಾಗಿದ್ದು, ಈ ತಂಡಗಳು ಮಹಿಳಾ ಮೋರ್ಚಾದ ಕಾರ್ಯಕರ್ತರಿಗೆ ತರಬೇತಿ ನೀಡಲಿವೆ.

ಇದನ್ನೂ ಓದಿ-The Kerala Story ನಿರ್ಮಾಪಕರಿಗೆ ಭಾರಿ ನೆಮ್ಮದಿಯ ಸುದ್ದಿ ಪ್ರಕಟಿಸಿದ ಸುಪ್ರೀಂ ಕೋರ್ಟ್

ತರಬೇತಿಯನ್ನು ಪಡೆದ ನಂತರ, ಎಲ್ಲಾ ಕೆಲಸಗಾರರು ಪರೀಕ್ಷೆ ನೀಡಬೇಕು ಮತ್ತು ಅದರಲ್ಲಿ ಉತ್ತೀರ್ಣರಾದವರಿಗೆ ಮಾತ್ರ ಕಮಲ ಮಿತ್ರ ಪ್ರಮಾಣಪತ್ರವನ್ನು ನೀಡಲಾಗುವುದು. ಮೋದಿ ಸರ್ಕಾರದ ಯೋಜನೆಗಳು ಮತ್ತು ಸಾಧನೆಗಳ ಮಾಹಿತಿಯನ್ನು ಗರಿಷ್ಠ ಸಂಖ್ಯೆಯ ಮಹಿಳೆಯರಿಗೆ ತಲುಪಿಸುವುದು ಈ ಅಭಿಯಾನದ ಗುರಿಯಾಗಿದೆ, ಇದರಿಂದ ದೇಶದ ಹೆಚ್ಚು ಹೆಚ್ಚು ಮಹಿಳೆಯರು ಅವುಗಳ ಲಾಭವನ್ನು ಪಡೆಯಬಹುದು. ಈ ಕಮಲ್ ಮಿತ್ರರ ಮಾಹಿತಿಯನ್ನು ನಮೋ ಪೋರ್ಟಲ್‌ನಲ್ಲಿಯೂ ಲಭ್ಯವಾಗುವಂತೆ ಮಾಡಲಾಗುವುದು, ಇದರಿಂದ ಯಾರು ಬೇಕಾದರೂ  ಅವರನ್ನು ಸಂಪರ್ಕಿಸಿ ಸಹಾಯ ಪಡೆಯಬಹುದು.

ಇದನ್ನೂ ನೋಡಿ-