ನವದೆಹಲಿ: ಹೈಡ್ರೋಕ್ಲೋರೋಕ್ವಿನ್ ಔಷಧಿಯ ಬಳಕೆಯ ವ್ಯಾಪ್ತಿಯನ್ನು ಹೆಚ್ಚಿಸಿರುವ ಆರೋಗ್ಯ ಸಚಿವಾಲಯ ಹೊಸ ಸಲಹೆಯೊಂದನ್ನು ನೀಡಿದೆ. ಇದರಲ್ಲಿ ಹೈಡ್ರೋಕ್ಲೋರೋಕ್ವಿನ್ (Hydroxychloroquine) ಔಷಧಿಯನ್ನು ಸಿಂಪ್ಟೋಮ್ಯಾಟಿಕ್ ಹೆಲ್ತ್‌ಕೇರ್ ಮತ್ತು ಆರೋಗ್ಯ ಕಾರ್ಯಕರ್ತರಿಗೆ ತೆಗೆದುಕೊಳ್ಳುವಂತೆ ಸಚಿವಾಲಯ ಸೂಚಿಸಿದೆ.
ಇತ್ತೀಚಿನ ಮಾಹಿತಿಯ ಪ್ರಕಾರ ಕೊರೊನಾವೈರಸ್ (Coronavirus) ಪೀಡಿತ ಮತ್ತು ಬಾಧಿತವಲ್ಲದ ಪ್ರದೇಶಗಳಲ್ಲಿ ಕೆಲಸ ಮಾಡುವ ಆರೋಗ್ಯ ಕಾರ್ಯಕರ್ತರು ಸಹ ಈ ಔಷಧಿಯನ್ನು ಬಳಸಬಹುದು. ಇದರೊಂದಿಗೆ ಕಂಟೈನ್‌ಮೆಂಟ್ ಏರಿಯಾದಲ್ಲಿ ನೇಮಕಗೊಂಡಿರುವ ನೌಕರರು, ಅರೆಸೈನಿಕ / ಪೊಲೀಸರು, ಕರೋನಾ ಸಂಬಂಧಿತ ಚಟುವಟಿಕೆಗಳಲ್ಲಿ ತೊಡಗಿರುವ ನೌಕರರು ಮತ್ತು ಪ್ರಯೋಗಾಲಯದಲ್ಲಿ ಕೆಲಸ ಮಾಡುವ ಎಲ್ಲ ಉದ್ಯೋಗಿಗಳಿಗೆ ಹೈಡ್ರೋಕ್ಲೋರೋಕ್ವಿನ್ ಔಷಧಿಗಳನ್ನು ಬಳಸುವಂತೆ ಆರೋಗ್ಯ ಸಚಿವಾಲಯ ಸಲಹೆ ನೀಡಿದೆ.
ಕೋವಿಡ್ 19 ಗಾಗಿ ಸ್ಥಾಪಿಸಲಾದ ರಾಷ್ಟ್ರೀಯ ಕಾರ್ಯಪಡೆಯ ಆರೋಗ್ಯ ಸಚಿವಾಲಯದ ಸುರಕ್ಷಿತ ಬಳಕೆಯನ್ನು ಪರಿಶೀಲಿಸಿದ ನಂತರ ಸರ್ಕಾರ ಈ ನಿರ್ಧಾರವನ್ನು ತೆಗೆದುಕೊಂಡಿದೆ.
ದೇಶದಲ್ಲಿ ಕರೋನಾ ವೈರಸ್ ಕೋವಿಡ್ -19 (Covid-19) ಸೋಂಕುಗಳ ಸಂಖ್ಯೆ ಸ್ಥಿರವಾಗಿ ಹೆಚ್ಚುತ್ತಿದೆ. ಆರೋಗ್ಯ ಸಚಿವಾಲಯದ ಪ್ರಕಾರ ಭಾರತದಲ್ಲಿ ಈವರೆಗೆ ಒಟ್ಟು 1.25 ಲಕ್ಷ ಕರೋನಾ ಪ್ರಕರಣಗಳು ದಾಖಲಾಗಿದ್ದು, ಸಾವಿನ ಸಂಖ್ಯೆ 3,720 ಕ್ಕೆ ತಲುಪಿದೆ. ಕೋವಿಡ್ -19 ರಿಂದ ಈವರೆಗೆ 51,784 ಜನರನ್ನು ಗುಣಪಡಿಸಲಾಗಿದೆ ಎಂಬುದು ಸಮಾಧಾನಕರ ಸಂಗತಿಯಾಗಿದೆ. ವಿಶ್ವಾದ್ಯಂತ ಕರೋನಾ ಸೋಂಕಿನ ಅಂಕಿಅಂಶಗಳು ವೇಗವಾಗಿ ಹೆಚ್ಚುತ್ತಿವೆ. ವಿಶ್ವಾದ್ಯಂತ ಒಟ್ಟು 52.1 ಲಕ್ಷ ಜನರು ಕರೋನಾ ಸೋಂಕಿಗೆ ಒಳಗಾಗಿದ್ದಾರೆ.
