ಲಾಕ್‌ಡೌನ್‌ ಬಳಿಕ ಮತ್ತೆ ತೆರೆಯಲಿವೆ ಪ್ರಸಿದ್ಧ ಸ್ಮಾರಕಗಳು, ಇಲ್ಲಿದೆ ವಿವರ

ನವದೆಹಲಿ: ಅನ್ಲಾಕ್ 2.0 ನಲ್ಲಿ ದೀರ್ಘಾವದಿಯಿಂದ   ಲಾಕ್‌ಡೌನ್ (Lockdown)‌‌ ಮಾಡಲಾಗಿರುವ ರಾಷ್ಟ್ರೀಯ ಸ್ಮಾರಕಗಳನ್ನು ತೆರೆಯಲಾಗುತ್ತಿದೆ. ಕೇಂದ್ರ ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಸಚಿವಾಲಯವು ಕೆಂಪು ಕೋಟೆ, ತಾಜ್ ಮಹಲ್ (Taj Mahal) ಸೇರಿದಂತೆ ದೇಶದ ಎಲ್ಲಾ ಸ್ಮಾರಕಗಳನ್ನು ಜುಲೈ 6 ರಿಂದ ತೆರೆಯಲು ನಿರ್ಧರಿಸಿದೆ. ಈ ಎಲ್ಲ ರಾಷ್ಟ್ರೀಯ ಸ್ಮಾರಕಗಳನ್ನು ಎಲ್ಲಾ ಭದ್ರತಾ ವ್ಯವಸ್ಥೆಗಳೊಂದಿಗೆ ತೆರೆಯಲಾಗುವುದು.

ಕರೋನಾವೈರಸ್ ಸೋಂಕಿನಿಂದಾಗಿ ಮಾರ್ಚ್ 16 ರಂದು ದೇಶದ ಎಲ್ಲಾ ಸ್ಮಾರಕಗಳನ್ನು ಮುಚ್ಚಲು ಕೇಂದ್ರ ಸಂಸ್ಕೃತಿ ಸಚಿವಾಲಯ ಆದೇಶಿಸಿತ್ತು. ಆದೇಶದ ನಂತರ ಭಾರತದ ಪುರಾತತ್ವ ಸಮೀಕ್ಷೆಯಿಂದ 3400ಕ್ಕೂ ಹೆಚ್ಚು ಸ್ಮಾರಕಗಳನ್ನು ಮುಚ್ಚಲಾಯಿತು. ಆದಾಗ್ಯೂ ಅನ್ಲಾಕ್ 1.0 ಸಮಯದಲ್ಲಿ ಕೆಲವು ಸ್ಮಾರಕಗಳನ್ನು ತೆರೆಯಲಾಯಿತು.

ಜುಲೈ 6 ರಿಂದ ಎಲ್ಲಾ ಸ್ಮಾರಕಗಳನ್ನು ತೆರೆಯಲಾಗುವುದು ಎಂದು ಕೇಂದ್ರ ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಸಚಿವ ಪ್ರಹ್ಲಾದ್ ಪಟೇಲ್ ಟ್ವೀಟ್ ಮಾಡಿದ್ದಾರೆ.

सांची (मध्यप्रदेश),पुराना किला (दिल्ली),खजुराहो (विश्व धरोहर) के प्रतीकात्मक चित्र।मैने @MinOfCultureGoI @ASIGoI के साथ निर्णय लिया है कि आगामी ६जुलाई से सभी स्मारकों को पूर्णसुरक्षा के साथ खोले जा सकता है @PMOIndia @JPNadda @incredibleindia @tourismgoi @MinOfCultureGoI @BJP4MP pic.twitter.com/opPzj5Mg7l

— Prahlad Singh Patel (@prahladspatel) July 2, 2020

ಆದಾಗ್ಯೂ ಕರೋನಾ ಸೋಂಕಿನ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ರಾಜ್ಯದಲ್ಲಿರುವ ಸ್ಮಾರಕಗಳನ್ನು ತೆರೆಯಬೇಕೆ ಅಥವಾ ಬೇಡವೇ ಎಂಬುದನ್ನು ನಿರ್ಧರಿಸುವ ಹಕ್ಕು ರಾಜ್ಯ ಸರ್ಕಾರಗಳಿಗಿದೆ.

ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಸಚಿವಾಲಯವೂ ಈ ನಿಟ್ಟಿನಲ್ಲಿ ಹೊಸ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಈ ಮಾರ್ಗಸೂಚಿಗಳಲ್ಲಿ ಧಾರಕ ವಲಯದ ಹೊರಗಿರುವ ಸ್ಮಾರಕಗಳನ್ನು ಮಾತ್ರ ತೆರೆಯಲಾಗುವುದು ಎಂದು ಹೇಳಲಾಗಿದೆ. ಸ್ಮಾರಕಗಳು ತೆರೆಯುವ ಮುನ್ನ ಗೃಹ ಸಚಿವಾಲಯ ಹೊರಡಿಸಿದ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು ಎಂದು ನಿರ್ದೇಶಿಸಲಾಗಿದೆ.

• ಸ್ಮಾರಕಗಳಿಗೆ ಪ್ರವೇಶಿಸಲು ಇ-ಎಂಟ್ರಿ ಟಿಕೆಟ್ ನೀಡಲಾಗುತ್ತದೆ.
• ಸ್ಮಾರಕಕ್ಕೆ ಭೇಟಿ ನೀಡುವವರ ಸಂಖ್ಯೆ ಸೀಮಿತವಾಗಿರುತ್ತದೆ.
• ಸ್ಮಾರಕದ ಒಳಗೆ ಗುಂಪು ಛಾಯಾಗ್ರಹಣವನ್ನು ಅನುಮತಿಸಲಾಗುವುದಿಲ್ಲ.
• ಟಿಕೆಟ್ ವಿಂಡೋದಿಂದ ನೀಡಬೇಕಾದ ಸ್ಲಿಪ್ ಟಿಕೆಟ್ ನೀಡಲಾಗುವುದಿಲ್ಲ.
• ಸ್ಮಾರಕದ ಪ್ರತಿಯೊಂದು ಭಾಗವನ್ನು ಕಾಲಕಾಲಕ್ಕೆ ಸ್ವಚ್ಛಗೊಳಿಸಬೇಕು.
• ಪ್ರವಾಸಿಗರಿಗೆ ಸ್ಮಾರಕದೊಳಗೆ ಸಂಚರಿಸಲು ನಿಗದಿತ ಸಮಯವನ್ನು ನೀಡಲಾಗುವುದು.
• ಸ್ಮಾರಕಗಳು ಮತ್ತು ಕೆಫೆಟೇರಿಯಾಗಳ ಪಾರ್ಕಿಂಗ್‌ನಲ್ಲಿ ಬಿ ಇ-ಪಾವತಿ ವ್ಯವಸ್ಥೆಯನ್ನು ಅಳವಡಿಸಲಾಗುವುದು.
• ಸ್ಮಾರಕದ ಪ್ರವೇಶ ದ್ವಾರದಲ್ಲಿ ಪ್ರವಾಸಿಗರ ಕೈಗಳನ್ನು ಸ್ವಚ್ಛಗೊಳಿಸಲು ವ್ಯವಸ್ಥೆ ಮಾಡಬೇಕು.
• ಪ್ರವಾಸಿಗರು ಸಾಮಾಜಿಕ ದೂರವನ್ನು ಅನುಸರಿಸಬೇಕು ಮತ್ತು ಮುಖಕ್ಕೆ ತಪ್ಪದೇ ಮಾಸ್ಕ್ ಹಾಕಿಕೊಳ್ಳಬೇಕು.
• ಸ್ಮಾರಕಗಳಲ್ಲಿ ನಡೆಯಲಿರುವ ಧ್ವನಿ ಪ್ರದರ್ಶನಗಳು ಮತ್ತು ಚಲನಚಿತ್ರಗಳ ಪ್ರದರ್ಶನವು ಮುಂದಿನ ಆದೇಶದವರೆಗೆ ಮುಚ್ಚಲ್ಪಡುತ್ತದೆ.