Health Tips: ಈ ಡ್ರೈ ಫ್ರೂಟ್ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ!

ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟ ಹೆಚ್ಚಾದಾಗ ಮಧುಮೇಹ ಮತ್ತು ಹೃದ್ರೋಗದ ಅಪಾಯ ಉಂಟಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ನಾವು ತಕ್ಷಣ ನಮ್ಮ ದೈನಂದಿನ ಆಹಾರದಲ್ಲಿ ಬದಲಾವಣೆಗಳನ್ನು ಮಾಡಬೇಕಾಗುತ್ತದೆ.

ವಾಲ್‍ನಟ್ಸ್ ಸೇವನೆಯಿಂದ ಕೊಲೆಸ್ಟ್ರಾಲ್ ಮಟ್ಟ ಕಡಿಮೆಯಾಗುತ್ತದೆ

ನವದೆಹಲಿ: ನಿಮ್ಮ ದೇಹದಲ್ಲಿ ಕೊಲೆಸ್ಟ್ರಾಲ್(Cholesterol) ಮಟ್ಟವು ತುಂಬಾ ಹೆಚ್ಚಾದರೆ, ಹೃದಯಾಘಾತ ಮತ್ತು ಪಾರ್ಶ್ವವಾಯುಗಳಂತಹ ಮಾರಣಾಂತಿಕ ಕಾಯಿಲೆಗಳ ಅಪಾಯವೂ ಹೆಚ್ಚಾಗುತ್ತದೆ. ದೇಹದಲ್ಲಿನ ಕೆಟ್ಟ ಕೊಲೆಸ್ಟ್ರಾಲ್ ಹೆಚ್ಚಳದಿಂದಾಗಿ ಅಪಧಮನಿಗಳಲ್ಲಿ ಕೊಬ್ಬು ಸಂಗ್ರಹವಾಗುತ್ತದೆ. ಇದರಿಂದ ರಕ್ತ ಪರಿಚಲನೆಯಲ್ಲಿ ತೊಂದರೆಗಳು ಪ್ರಾರಂಭವಾಗುತ್ತವೆ. ಆದ್ದರಿಂದ ನೀವು ಕ್ಲಿನಿಕಲ್ ಪರೀಕ್ಷೆ ಮಾಡಿಕೊಂಡು ಕೊಲೆಸ್ಟ್ರಾಲ್ ಮಟ್ಟದ ಬಗ್ಗೆ ಮಾಹಿತಿ ಪಡೆದುಕೊಳ್ಳಬೇಕು. ಒಂದು ವೇಳೆ ನಿಮ್ಮ ದೇಹದಲ್ಲಿ ಕೊಲೆಸ್ಟ್ರಾಲ್ ಹೆಚ್ಚಾಗಿರುವುದು ಕಂಡುಬಂದ ತಕ್ಷಣ ಅದನ್ನು ನಿಯಂತ್ರಿಸುವ ಬಗ್ಗೆ ಗಮನಹರಿಸಬೇಕು. ವೈದ್ಯರು ಸಹ ಕೆಲವು ಆಹಾರದಿಂದ ದೂರವಿರಲು ಸಲಹೆ ನೀಡುತ್ತಾರೆ.

ವಾಲ್‍ನಟ್ಸ್ ತಿನ್ನುವುದರಿಂದ ಕೊಲೆಸ್ಟ್ರಾಲ್ ಕಡಿಮೆಯಾಗುತ್ತದೆ

ವಾಲ್‍ನಟ್ಸ್ ಸೇವನೆಯಿಂದ ಕೊಲೆಸ್ಟ್ರಾಲ್ ಮಟ್ಟ ಕಡಿಮೆಯಾಗುತ್ತದೆ ಎಂದು ಅಧ್ಯಯನವೊಂದರಲ್ಲಿ ಕಂಡು ಬಂದಿದೆ. ‘ದಿ ಜರ್ನಲ್ ಆಫ್ ನ್ಯೂಟ್ರಿಷನ್’ನಲ್ಲಿ ಪ್ರಕಟವಾದ ಸಂಶೋಧನೆಯ ಪ್ರಕಾರ, ಜಾರ್ಜಿಯಾ ವಿಶ್ವವಿದ್ಯಾನಿಲಯದ ಕಾಲೇಜ್ ಆಫ್ ಫ್ಯಾಮಿಲಿ ಅಂಡ್ ಕನ್ಸ್ಯೂಮರ್ ಸೈನ್ಸಸ್ (FACS) ಸಂಶೋಧಕರು ನಡೆಸಿದ ಅಧ್ಯಯನದಲ್ಲಿ, ಹೃದಯರಕ್ತನಾಳದ (Heart and Arterial Diseases) ಅಪಾಯದಲ್ಲಿರುವ ಜನರಿಗೆ 8 ವಾರಗಳವರೆಗೆ ವಾಲ್‌ನಟ್ಸ್ ತಿನ್ನಲು ನೀಡಲಾಗಿತ್ತು. ಇದರ ನಂತರ ಅವರ ಒಟ್ಟು ಟ್ರೈಗ್ಲಿಸರೈಡ್‌ಗಳು ಮತ್ತು ಕಡಿಮೆ-ಸಾಂದ್ರತೆಯ ಲಿಪೊಪ್ರೋಟೀನ್ (LDL) ಅಥವಾ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟದಲ್ಲಿ ಗಮನಾರ್ಹ ಇಳಿಕೆ ಕಂಡುಬಂದಿದೆ.

ಇದನ್ನೂ ಓದಿ: Milk Side Effects: ಈ ಆರೋಗ್ಯ ಸಮಸ್ಯೆ ಇರುವವರು ಅಪ್ಪಿತಪ್ಪಿಯೂ ಹಾಲು ಕುಡಿಯಬೇಡಿ

ಈ ವಯಸ್ಸಿನ ಜನರ ಮೇಲೆ ಸಂಶೋಧನೆ

ಈ ಸಂಶೋಧನೆಗಾಗಿ ಹೃದಯರಕ್ತನಾಳದ ಕಾಯಿಲೆಯ ಹೆಚ್ಚಿನ ಅಪಾಯವನ್ನು ಹೊಂದಿರುವ 30 ರಿಂದ 75 ವರ್ಷ ವಯಸ್ಸಿನ 52 ಜನರನ್ನು ಆಯ್ಕೆ ಮಾಡಲಾಗಿತ್ತು. ಅವರನ್ನು 3 ಗುಂಪುಗಳಾಗಿ ವಿಂಗಡಿಸಲಾಗಿತ್ತು. ಒಂದು ಗುಂಪಿನ ಜನರಿಗೆ 68 ಗ್ರಾಂ ವಾಲ್‌ನಟ್‌ಗಳನ್ನು ನೀಡಲಾಯಿತು, ಅಂದರೆ ದೈನಂದಿನ ಆಹಾರದಲ್ಲಿ ಸುಮಾರು 470 ಕ್ಯಾಲೋರಿಗಳು. ಆದರೆ ಇತರ ಗುಂಪಿನಲ್ಲಿನ ಜನರಿಗೆ ವಾಲ್‌ನಟ್‌ಗಳ ಬದಲಿಗೆ ಅದೇ ಸಂಖ್ಯೆಯ ಕ್ಯಾಲೊರಿಗಳನ್ನು ಹೊಂದಿರುವ ಮತ್ತೊಂದು ಪದಾರ್ಥ ನೀಡಲಾಗಿತ್ತು. 3ನೇ ನಿಯಂತ್ರಣ ಗುಂಪಿನ ಜನರಿಗೆ ವಾಲ್ನಟ್ಸ್‍ಗಳನ್ನು ನೀಡಿರಲಿಲ್ಲ. 8 ವಾರಗಳ ನಂತರ ಈ ಜನರಿಗೆ ಹೆಚ್ಚಿನ ಕೊಬ್ಬಿನ(Bad Cholesterol)ಆಹಾರವನ್ನು ನೀಡಲಾಗಿತ್ತು. ಅವರ ರಕ್ತದ ಲಿಪಿಡ್‌ಗಳು, ಗ್ಲೂಕೋಸ್ ಅಥವಾ ಸಕ್ಕರೆಯ ಮಟ್ಟಗಳಲ್ಲಿನ ಬದಲಾವಣೆಗಳನ್ನು ಪರೀಕ್ಷಿಸಲಾಯಿತು. 2 ಗುಂಪುಗಳಲ್ಲಿ ಉಪವಾಸ ರಕ್ತದ ಲಿಪಿಡ್‌ಗಳಲ್ಲಿ ಇದೇ ರೀತಿಯ ಸುಧಾರಣೆಗಳು ಕಂಡುಬಂದರೆ, ವಾಲ್‍ನಟ್ಸ್ ತಿನ್ನುವ ಗುಂಪಿನಲ್ಲಿರುವವರು ಊಟದ ನಂತರದ ಟ್ರೈಗ್ಲಿಸರೈಡ್(Triglycerides) ಮಟ್ಟ ಕಡಿಮೆ ಹೊಂದಿರುವುದು ಕಂಡುಬಂದಿದೆ.

ವಾಲ್‍ನಟ್ಸ್ ನ ಪರಿಣಾಮವೇನು?

ವಾಲ್‌ನಟ್‌(Walnuts)ಗಳನ್ನು ಸೇವಿಸಿದ ಜನರು ತಮ್ಮ ಒಟ್ಟು ಕೊಲೆಸ್ಟ್ರಾಲ್ ಅನ್ನು ಶೇ.5ರಷ್ಟು ಮತ್ತು ಎಲ್‌ಡಿಎಲ್ ಅನ್ನು ಶೇ.6 ರಿಂದ 9ರಷ್ಟು ಕಡಿಮೆ ಮಾಡಿಕೊಂಡಿದ್ದಾರೆಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಸಂಶೋಧಕರು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಶಿಫಾರಸು ಮಾಡಲಾದ 51 ವ್ಯಾಯಾಮಗಳ ಸಮಗ್ರ ವಿಶ್ಲೇಷಣೆಯನ್ನು ನೀಡಿದರು. ಇದರಲ್ಲಿ ಒಟ್ಟು ಕೊಲೆಸ್ಟ್ರಾಲ್‌ನಲ್ಲಿ ಶೇ.1ರಷ್ಟು ಮತ್ತು ಎಲ್‌ಡಿಎಲ್‌ನಲ್ಲಿ ಶೇ.5 ರಷ್ಟು ಇಳಿಕೆ ಕಂಡುಬಂದಿದೆ.

ಇದನ್ನೂ ಓದಿ: ಮೊಟ್ಟೆಗಳನ್ನು ತಿನ್ನುವುದರಿಂದ ಹೆಚ್ಚಾಗಲಿದೆಯೇ ಡಯಾಬಿಟೀಸ್ ? ಬಯಲಾಗಿದೆ ಆಘಾತಕಾರಿ ಸತ್ಯ