#Kiccha46 ಮೂಲಕ ಹೊಸ ಡೆಮೊನ್ ಅವತಾರ ತಾಳಿದ ಬಾದಶಾ ಕಿಚ್ಚ..!

ಬೆಂಗಳೂರು: 'ಕಿಚ್ಚ 46' ನಿರ್ಮಾಪಕರು ಚಿತ್ರದ ಮೊದಲ ಟೀಸರ್ ಅನ್ನು ಬಿಡುಗಡೆ ಮಾಡುತ್ತಿದ್ದಂತೆ ಕಿಚ್ಚ ಸುದೀಪ್ ಅವರ ಮುಂದಿನ ಸಿನಿಮಾ ಪ್ರಾಜೆಕ್ಟ್‌ನ ಚಿತ್ರಣ ಈಗ ಅನಾವರಣಗೊಂಡಿದೆ.

ಈ ಚಿತ್ರದ ಟೈಟಲ್ ನನ್ನು ಇನ್ನೂ ಅನಾವರಣಗೊಳಿಸಿಲ್ಲ,ಆದರೆ ಈ ಟೀಸರ್ ನೋಡಿದಾಗ 'ಡೆಮನ್ ವಾರ್ ಬಿಗಿನ್ಸ್' ಎಂಬ ಅಡಿಬರಹ ಮತ್ತು ಪ್ರೋಮೋದ ದೃಶ್ಯಗಳ ಮೂಲಕ ಕಿಚ್ಚ ಸುದೀಪ್ ಶತ್ರುಗಳಿಂದ ತುಂಬಿದ ಯುದ್ಧಕ್ಕೆ ಹೊರಡಬೇಕಾದ ಚಿತ್ರದಲ್ಲಿ ರಾಕ್ಷಸನಂತೆ ತೋರುತ್ತಿದ್ದಾರೆ. "ನಾನು ಮನುಷ್ಯನಲ್ಲ, ನಾನು ರಾಕ್ಷಸ" ಎಂದು ಹೇಳುವ ಡೈಲಾಗ್ ಅಂತೂ ಟೀಸರ್ ಗೆ ಹೊಸ ಆಯಾಮವನ್ನು ನೀಡುತ್ತದೆ.

ಇದನ್ನೂ ಓದಿ: ರೇಣುಕಾಚಾರ್ಯ-ಯಡಿಯೂರಪ್ಪ ಸುದೀರ್ಘ ಮಾತುಕತೆ: ಪಕ್ಷ ವಿರೋಧಿ ಹೇಳಿಕೆ ನೀಡದಂತೆ ಸೂಚನೆ

ಟೀಸರ್ ನಲ್ಲಿ ದೃಶ್ಯಗಳನ್ನು ನೋಡಿದಾಗ  ರಕ್ತಪಾತ, ಹೆಚ್ಚಿನ ಆಕ್ಷನ್ ಮತ್ತು ಥ್ರಿಲ್‌ಗಳನ್ನು ಹೊಂದಿದೆ. ನಾಯಕನಲ್ಲಿರುವ ರಾಕ್ಷಸನು ಜರ್ಜರಿತನಾಗಿದ್ದಾನೆ, ಮೂಗೇಟಿಗೊಳಗಾದನು, ಆದರೆ ಅದೇ ಧ್ವನಿಯಲ್ಲಿ ರಾಕ್ಷಸ ರೂಪದಲ್ಲಿ ಗರ್ಜಿಸುವುದು ಒಂದು ರೀತಿ ಖಳನಾಯಕನ ರೂಪದಲ್ಲಿ ಹೀರೋನೊಬ್ಬನನ್ನು ನೋಡಿದಂತೆ ಭಾಸವಾಗುತ್ತದೆ.

𝐓𝐇𝐄 𝐃𝐄𝐌𝐎𝐍 𝐖𝐀𝐑 𝐁𝐄𝐆𝐈𝐍𝐒😈#Kichcha46Teaser out now!

🔗 https://t.co/nuVPnwIhJ3#Kichcha46 @theVcreations @Kichchacreatiin @saregamasouth @TSrirammt @shivakumarart @vijaykartikeyaa @shekarchandra71 @AJANEESHB @ganeshbaabu21 #SaregamaMusic @KRG_Connects #Kiccha46 pic.twitter.com/YW5NN9n4TQ

— Kichcha Sudeepa (@KicchaSudeep) July 2, 2023

ಇದನ್ನೂ ಓದಿ: ಸಿಎಂ ಸಿದ್ದರಾಮಯ್ಯನವರೇ 10 ಕೆಜಿ ಅಕ್ಕಿ ಎಲ್ಲಿ: ಬಿಜೆಪಿ ಪ್ರಶ್ನೆ

ವಿ ಕ್ರಿಯೇಷನ್ಸ್‌ನ ಕಲೈಪ್ಪುಲಿ ಎಸ್. ಥಾನು ಚಿತ್ರಕ್ಕೆ ಬಂಡವಾಳ ಹೂಡುವುದರೊಂದಿಗೆ ಚೊಚ್ಚಲ ವಿಜಯ್ ಕಾರ್ತಿಕೇಯ ಚಿತ್ರವನ್ನು ನಿರ್ದೇಶಿಸಿದ್ದಾರೆ ಮತ್ತು ಸುದೀಪ್ ಕೂಡ ಕಿಚ್ಚ ಕ್ರಿಯೇಷನ್ಸ್‌ನ ಅವರ ಹೋಮ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಟೀಸರ್ ಕನ್ನಡ, ತಮಿಳು, ಹಿಂದಿ, ಮಲಯಾಳಂ ಮತ್ತು ತೆಲುಗು ಸೇರಿದಂತೆ ಐದು ವಿಭಿನ್ನ ಭಾಷೆಗಳಲ್ಲಿ ಬಿಡುಗಡೆಯಾಗಿದೆ,

ಬಿ.ಅಜನೀಶ್ ಲೋಕನಾಥ್ ಅವರ ಸ್ಕೋರ್ ಪ್ರೋಮೋದ ಮತ್ತೊಂದು ವಿಶೇಷವಾಗಿದೆ. ತಮಿಳಿನ ಜನಪ್ರಿಯ ಸಂಗೀತ ನಿರ್ದೇಶಕ ಹ್ಯಾರಿಸ್ ಜಯರಾಜ್ ಅವರು ಚಿತ್ರಕ್ಕೆ ಸಂಗೀತ ನೀಡಲಿದ್ದಾರೆ ಎಂದು ಟೀಸರ್ ಬಿಡುಗಡೆಯ ಸುತ್ತಲಿನ ಬಝ್ ಸೂಚಿಸಿದೆ, ಆದರೆ ಟೀಸರ್ ಬದಲಿಗೆ ಅಜನೀಶ್ ಅವರಿಗೆ ಜವಾಬ್ದಾರಿಯನ್ನು ವಹಿಸಲಾಗಿದೆ ಎಂದು ತಿಳಿಸುತ್ತದೆ. ಕಾಂತಾರ ಸಂಯೋಜಕರ ಟ್ರೇಡ್‌ಮಾರ್ಕ್ ತಾಳವಾದ್ಯಗಳು ಮತ್ತು ಸ್ಟ್ರಿಂಗ್ ವಾದ್ಯಗಳನ್ನು ಧ್ವನಿಪಥದ ಪ್ರಮುಖ ಲಕ್ಷಣವಾಗಿ ತೋರುವುದರೊಂದಿಗೆ ವೀಡಿಯೊ ಗ್ಲಿಂಪ್ಸ್ ಚಿತ್ರದ 'ಕಂಪನ'ದ ರುಚಿಯನ್ನು ನೀಡುತ್ತದೆ.