ಗೂಗಲ್ ಕ್ರೋಮ್ ನಲ್ಲಿ ಶೀಘ್ರದಲ್ಲೇ ಕಾಣಿಸಿಕೊಳ್ಳಲಿದೆ ಈ ಕೃತಕ ಬುದ್ಧಿಮತ್ತೆ ವೈಶಿಷ್ಟ್ಯ, ಬಳಕೆದಾರರಿಗೇನು ಲಾಭ?

Google Chrome New Feature: ಕೃತಕ ಬುದ್ಧಿಮತ್ತೆಯ ಮೇಲೆ ಕಾರ್ಯನಿರ್ವಹಿಸುವ ವೈಶಿಷ್ಟ್ಯವು Google Chrome ನಲ್ಲಿ ಶೀಘ್ರದಲ್ಲೇ ಬರಲಿದೆ. ಅದರ ಸಹಾಯದಿಂದ, ಬಳಕೆದಾರರು ಒಂದೇ ರೀತಿಯ ಟ್ಯಾಬ್ಗಳ ಗುಂಪುಗಳನ್ನು ರಚಿಸುವುದು ಸಾಧ್ಯವಾಗಲಿದೆ. Technology News In Kannada

Google Chrome ವಿಶ್ವದ ಅತ್ಯಂತ ಜನಪ್ರಿಯ ಬ್ರೌಸರ್‌ಗಳಲ್ಲಿ ಒಂದಾಗಿದೆ. Google ತನ್ನ ಬ್ರೌಸರ್ ಅನ್ನು ಉತ್ತಮಗೊಳಿಸಲು ಮತ್ತು ಹೆಚ್ಚು ಅನುಕೂಲಕರವಾಗಿಸಲು ಪ್ರತಿದಿನ ಹೊಸ ವೈಶಿಷ್ಟ್ಯಗಳನ್ನು ಸೇರಿಸುತ್ತಲೇ ಇರುತ್ತದೆ. ಪ್ರಸ್ತುತ ಟೆಕ್ ದೈತ್ಯ ಗೂಗಲ್ ಶೀಘ್ರದಲ್ಲೇ Chrome ನಲ್ಲಿ ಹೊಸ AI ವೈಶಿಷ್ಟ್ಯವನ್ನು ಸೇರಿಸಲಿದೆ. ಇದರ ಪರೀಕ್ಷೆ ಈಗಾಗಲೇ ಆರಂಭವಾಗಿದೆ. ಇದರ ಸಹಾಯದಿಂದ, ಬಳಕೆದಾರರು ವೇದಿಕೆಯಲ್ಲಿ ಒಂದೇ ರೀತಿಯ ಟ್ಯಾಬ್‌ಗಳ ಗುಂಪುಗಳನ್ನು ರಚಿಸಲು ಸಾಧ್ಯವಾಗಲಿದೆ. ಈ ಕೆಳಗೆ Google Chrome ನ ಮುಂಬರುವ ವೈಶಿಷ್ಟ್ಯಗಳ ಕುರಿತು ಮಾಹಿತಿ ನೀಡಲಾಗಿದೆ. Technology News In Kannada

ಮಾಧ್ಯಮ ವರದಿಗಳ ಪ್ರಕಾರ, ಗೂಗಲ್ ಕ್ರೋಮ್‌ನಲ್ಲಿ ಬರುವ AI ವೈಶಿಷ್ಟ್ಯದ ಹೆಸರು 'ಆರ್ಗನೈಸ್ ಟ್ಯಾಬ್‌ಗಳು'. Leopeva64 ಎಂಬ ಹೆಸರಿನ Twitter ಬಳಕೆದಾರರಿಂದ ಈ ವೈಶಿಷ್ಟ್ಯವನ್ನು ಮೊದಲು ಗುರುತಿಸಲಾಗಿದೆ. ಈ ವೈಶಿಷ್ಟ್ಯವು ಎಡ್ಜ್‌ನಲ್ಲಿರುವ 'ಗ್ರೂಪ್ ಸಿಮಿಲರ್ ಟ್ಯಾಬ್‌ಗಳು' ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ಬಳಕೆದಾರರು ಹೇಳುತ್ತಾರೆ. ಈ ವೈಶಿಷ್ಟ್ಯದ ಪರೀಕ್ಷೆ ನಡೆಯುತ್ತಿದೆ. ಈ ವೈಶಿಷ್ಟ್ಯದ ಮೂಲಕ, ಬಳಕೆದಾರರು ಒಂದೇ ರೀತಿಯ ವಿಷಯವನ್ನು ಹೊಂದಿರುವ ಟ್ಯಾಬ್‌ಗಳ ಗುಂಪುಗಳನ್ನು ರಚಿಸಲು ಸಾಧ್ಯವಾಗಲಿದೆ.

ಆರ್ಗನೈಸ್ ಟ್ಯಾಬ್ಸ್ ವೈಶಿಷ್ಟ್ಯವು ಇನ್ನೂ ಅಭಿವೃದ್ಧಿ ಹಂತದಲ್ಲಿದೆ ಎಂದು ವರದಿ ಹೇಳಿದೆ. ಅದರ ಲಾಂಛ ಬಗ್ಗೆ ಏನನ್ನೂ ಹೇಳಲಾಗಿಲ್ಲ. ಈ ವರ್ಷದ ಅಂತ್ಯದ ವೇಳೆಗೆ ಕಂಪನಿ AI ವೈಶಿಷ್ಟ್ಯವನ್ನು ಹೊರತರಬಹುದು ಎಂಬ ಊಹಾಪೋಹಗಳಿವೆ.

ಮೈಕ್ರೋಸಾಫ್ಟ್ ಎಡ್ಜ್ ಗೆ ಭಾರಿ ಪೈಪೋಟಿ
ಗೂಗಲ್ ಕ್ರೋಮ್ ನಲ್ಲಿ ಬರುತ್ತಿರುವ ಆರ್ಗನೈಸ್ ಟ್ಯಾಬ್ ವೈಶಿಷ್ಟ್ಯ ಮೈಕ್ರೋಸಾಫ್ಟ್ ನ ಎಡ್ಜ್ ಗೆ ಕಠಿಣ ಪೈಪೋಟಿ ನೀಡಲಿದೆ ಎನ್ನಲಾಗುತ್ತಿದೆ. ಎಡ್ಜ್ ನಲ್ಲಿ ಈ ವೈಶಿಷ್ಟ್ಯವನ್ನು ಇತ್ತೀಚೆಗೆ ಬಿಡುಗಡೆ ಮಾಡಲಾಗಿದೆ ಎಂಬುದು ಇಲ್ಲಿ ಗಮನಾರ್ಹ.

ಇದನ್ನೂ ಓದಿ-ಮೊಬೈಲ್ ಒಳಗಡೆ ಮಳೆ ನೀರು ಹೋದರೆ ತಕ್ಷಣಕ್ಕೆ ಏನು ಮಾಡಬೇಕು?

HTTPS ನಲ್ಲಿ ಬದಲಾವಣೆಯಾಗಲಿದೆ
ವೈಶಿಷ್ಟ್ಯಗಳನ್ನು ಸೇರಿಸುವುದರ ಜೊತೆಗೆ, Google HTTPS ಐಕಾನ್ ಅನ್ನು ಬದಲಾಯಿಸಲು ಸಹ ಸಿದ್ಧತೆ ನಡೆಸುತ್ತಿದೆ. ಇದಲ್ಲದೇ, HTTPS ಬದಲಿಗೆ ಹೊಸ ಲಾಕ್ ಐಕಾನ್ ಅನ್ನು ಮುಂಬರುವ ದಿನಗಳಲ್ಲಿ ನೀವು ಕಾಣಬಹುದಾಗಿದೆ.

ಇದನ್ನೂ ಓದಿ-ಭಾರತದಲ್ಲಿ ಬಿಡುಗಡೆಯಾಗಿವೆ ಈ ಎರಡು ಜಬರ್ದಸ್ತ್ ಬೈಕ್ ಗಳು, ಬೆಲೆ ಕೇವಲ ಇಷ್ಟೇ, ಇಲ್ಲಿವೆ ವೈಶಿಷ್ಟ್ಯಗಳು!

ಇನ್ ಕಾಗ್ನಿಟೊ ಟ್ಯಾಬ್ ಅನ್ನು ಅಪ್ಡೇಟ್ ಮಾಡಲಾಗಿದೆ
ಕೆಲವು ತಿಂಗಳ ಹಿಂದೆ, ಗೂಗಲ್ ತನ್ನ ಇನ್ಕಾಗ್ನಿಟೊ ಮೋಡ್ ಟ್ಯಾಬ್ ಅನ್ನು ಅಪ್‌ಗ್ರೇಡ್ ಮಾಡಿದೆ ಮತ್ತು ಹೊಸ ಅದಕ್ಕೆ ವೈಶಿಷ್ಟ್ಯವನ್ನು ಸೇರಿಸಿದೆ. ಇದರಿಂದ ಅದರಲ್ಲಿ  ಟ್ಯಾಬ್ ಲಾಕ್ ಮಾಡುವ ಸೌಲಭ್ಯವಿರುತ್ತದೆ. ಇದು ಬಳಕೆದಾರರ ವೈಯಕ್ತಿಕ ಡೇಟಾವನ್ನು ಸುರಕ್ಷಿತವಾಗಿರಿಸುತ್ತದೆ ಮತ್ತು ಟ್ಯಾಬ್ ಅನ್ನು ಅನ್ಲಾಕ್ ಮಾಡಲು ಯಾರಿಗೂ ಸಾಧ್ಯವಾಗುವುದಿಲ್ಲ ಎಂದು ಕಂಪನಿ ಹೇಳಿಕೊಂಡಿದೆ.

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...