'ಮಾರ್ಟಿನ್' ರಿಲೀಸ್‌ಗೂ ಮುನ್ನವೇ 'ಕೆಡಿ' ತೆರೆ ಮೇಲೆ ಬರಲಿದೆಯಾ? ಫ್ಯಾನ್ಸ್‌ ಡೌಟ್‌!

Dhruva Sarja Movies: ಚಂದನವನದ ಅಂಗಳದಲ್ಲಿ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ನಟನೆಯ ಎರಡು ಪ್ಯಾನ್ ಇಂಡಿಯಾ ಸಿನಿಮಾಗಳಾದ ಮಾರ್ಟಿನ್‌ ಹಾಗೂ ಕೆಡಿ ಇವುಗಳಲ್ಲಿ ಯಾವುದು ಮ,ಒದಲು ತೆರೆಕಾಣಬಹುದು ಎಂಬ ಗುಸು ಗುಸು ಶುರುವಾಗಿದೆ. ಹಾಗದ್ರೆ ಯಾವು ಚಿತ್ರ ಮೊದಲು ತೆರೆಮೇಲೆ ಅಪ್ಪಳಿಸಲಿದೆ? ಇಲ್ಲಿದೆ ಸಂಪೂರ್ಣ ಮಾಹಿತಿ.

Martain Vs KD: ಸ್ಯಾಂಡಲ್‌ವುಡ್‌ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ನಟನೆಯ ಎರಡು ಪ್ಯಾನ್ ಇಂಡಿಯಾ ಸಿನಿಮಾಗಳ ಮೇಲೆ ಚಿತ್ರಮಂದಿ ಕಣ್ಣಿಟ್ಟಿದ್ದು, ಈಗಾಗಲೇ ಅಂಬಾರಿ ಅರ್ಜುನ್ ನಿರ್ದೇಶನ 'ಮಾರ್ಟಿನ್' ಶೂಟಿಂಗ್ ಬಹುತೇಕ ಮುಗಿದಿದೆ. ಇಷ್ಟರೊಳಗೆ ತೆರೆಕಾಣಬೇಕಿದ್ದ ಮಾರ್ಟಿನ್‌  ಸಿನಿಮಾ, ಯಾಕೋ ಬಿಡುಗಡೆ ನಿಧಾನವಾಗಿ ಸಾಗುತ್ತಿದೆ. ಧ್ರುವ ಫ್ಯಾನ್ಸ್‌ 'ಮಾರ್ಟಿನ್' ಜಪ ಮಾಡುತ್ತಿರುವಾಗಲೇ ಅಭಿಮಾನಿಗಳಿಗೆ ಮತ್ತೊಂದು ಹೊಸ ಅಪ್‌ಡೇಟ್ ಸಿಕ್ಕಿದೆ. 

ಹೌದು.. ನಿರ್ದೇಶಕ ಜೋಗಿ ಪ್ರೇಮ್ ಫ್ಯಾನ್ಸ್‌ಗೆ  ಗುಡ್‌ ನ್ಯೂಸ್ ಕೊಟ್ಟಿದ್ದು, 'ಮಾರ್ಟಿನ್‌'ಗಿಂತ ತಡವಾಗಿ ಆರಂಭ ಆಗಿದ್ದ 'ಕೆಡಿ' ಸಿನಿಮಾದ ಶೂಟಿಂಗ್ ಬಹುತೇಕ ಮುಗಿದಿದೆ ಅನ್ನೋ ಸುದ್ದಿ ಓಡಾಡುತ್ತಿದೆ. ಹೊಸ ವರ್ಷದ ಸಂಭ್ರಮದ ಮೂಡಿನಲ್ಲಿ ಜೋಗಿ ಪ್ರೇಮ ಜನವರಿ 3 ರಂದು ಕೆಡಿ ಚಿತ್ರದ ಖುಷಿ ವಿಷಯವೊಂದನ್ನು ಹಂಚಿಕೊಂಡಿದ್ದಾರೆ. ಇಡೀ ತಂಡ ಹೊಸ ವರ್ಷವನ್ನು ಕೇಕ್ ಕಟ್ ಮಾಡಿ ಸಂಭ್ರಮಿಸುವ ವಿಡಿಯೋವನ್ನೂ ಶೇರ್ ಮಾಡಿದ್ದಾರೆ. ಇಲ್ಲಿ ಖುಷಿ ವಿಷಯ ಏನಪ್ಪಾ ಅಂದ್ರೆ, ಈ ವಿಡಿಯೋ ಜೊತೆಗೆ ಇದೇ ವರ್ಷ 'ಕೆಡಿ' ಸಿನಿಮಾ ರಿಲೀಸ್ ಆಗುತ್ತೆ ಅಂತಾನೂ ಹೇಳಿಕೊಂಡಿದ್ದಾರೆ. 

ಇದನ್ನೂ ಓದಿ: ರಾಘವೇಂದ್ರ ರಾಜಕುಮಾರ್ ಅವರಿಂದ ಬಿಡುಗಡೆಯಾಯಿತು "ರಂಗ ಸಮುದ್ರ" ಚಿತ್ರದ ಟ್ರೇಲರ್

Wish u Happy New year..#KD allset to conquer worldwide theatres this 2024.. 🙏❤️ #TheDevil #prems #kDthedevil @DhruvaSarja @TheShilpaShetty @duttsanjay @Reeshmananaiah @Ramesh_aravind @ArjunJanyaMusic #ravichandran @KvnProductions @SUPRITH_87 @twinduoRL @williamdaviddop pic.twitter.com/qAi8msXyKr

— PREM❣️S (@directorprems) January 3, 2024

ಡೈರೆಕ್ಟರ್‌ ಜೋಗಿ ಪ್ರೇಮ್‌, "ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು.. ಇದೇ 2024ರಲ್ಲಿ 'ಕೆಡಿ' ಸಿನಿಮಾ ಇಡೀ ವಿಶ್ವವನ್ನು ವಶಪಡಿಸಿಕೊಳ್ಳುವುದಕ್ಕೆ ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿದೆ" ಎಂದು ವಿಡಿಯೋ ಜೊತೆಗೆ ತಮ್ಮ ಎಕ್ಸ್ (ಟ್ವಿಟರ್) ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಹೀಗಾಗಿ ಅಭಿಮಾನಿಗಳಲ್ಲಿ ಹೊಸದೊಂದು ಅನುಮಾನ ಮೂಡುವುದಕ್ಕೆ ಶುರುವಾಗಿದೆ. ಒಂದ್ಕಡೆ ಕಳೆದ ವರ್ಷವೇ ಬಿಡುಗಡೆ 'ಮಾರ್ಟಿನ್' ಆಗಬೇಕಿತ್ತೆಂದರೇ, ಇನ್ನೊಂದು ಕಡೆ 'ಕೆಡಿ' ಚಿತ್ರದ ಶೂಟಿಂಗ್‌ ಬಹುತೇಕ ಮುಗಿದೆ ಅನ್ನೋ ಸುದ್ದಿ ಹೊರಬಿದ್ದಿದೆ. 

ಇದೀಗ 'ಮಾರ್ಟಿನ್' ರೆಡಿಯಿದ್ದರೂ, ರಿಲೀಸ್ ಡೇಟ್ ಅನ್ನು ಅನೌನ್ಸ್ ಮಾಡಿಲ್ಲ. ಹೀಗಾಗಿ ಬೈ ಚಾನ್ಸ್ 'ಕೆಡಿ' ಮೊದಲು ಬಿಡುಗಡೆ ಆಗಬಹುದಾ? ಅನ್ನೋ ಗುಮಾನಿ ಅಭಿಮಾನಿಗಳಲ್ಲಿ ಮೂಡಿರೋದಂತೂ ನಿಜ. ಸದ್ಯ 'ಮಾರ್ಟಿನ್' ಹಾಗೂ 'ಕೆಡಿ' ಎರಡೂ ಪ್ಯಾನ್ ಇಂಡಿಯಾ ಸಿನಿಮಾಗಳೇ ಆದರೂ, 'ಕೆಡಿ' ಚಿತ್ರದಲ್ಲಿ ಪ್ಯಾನ್ ಇಂಡಿಯಾ ತಾರೆಯರು ಇದ್ದಾರೆ. ಹೀಗಾಗಿ ಈ ಸಿನಿಮಾ ಬೇಗನೇ ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ರೀಚ್ ಆಗಬಹುದು. ಒಂದು ವೇಳೆ 'ಕೆಡಿ' ಸಿನಿಮಾ ತೆರೆಕಂಡ ಬಳಿಕ 'ಮಾರ್ಟಿನ್' ರಿಲೀಸ್ ಆದರೆ, ನಷ್ಟಕ್ಕಿಂತ ಹೆಚ್ಚು ಲಾಭವೇ. 

ಇದನ್ನೂ ಓದಿ: 10 ನಿಮಿಷ ಹೃದಯ ಬಡಿತವೇ ನಿಂತಿತ್ತು..! ಪವಾಡ ರೀತಿ ಸಾವಿನ ದವಡೆಯಿಂದ ಬದುಕಿಬಂದ ನಟ 

ಸದ್ಯ ಎರಡೂ ಸಿನಿತಂಡಗಳು ಇಂತಹದ್ದೊಂದು ಚರ್ಚೆ ಮಾಡಿಬಹುದು ಅನ್ನೋ ಅನುಮಾನ ಹಲವರಲ್ಲಿದ್ದು, ಇನ್ನೊಂದು ಮೂಲ ಬೇರೆ ಕಥೆಯನ್ನೇ ಹೇಳುತ್ತಿದೆ. ಇದೇ ಸಂಕ್ರಾಂತಿ ವೇಳೆಗೆ 'ಮಾರ್ಟಿನ್' ಸಿನಿಮಾದ ರಿಲೀಸ್ ಡೇಟ್ ಬಗ್ಗೆ ಚಿತ್ರತಂಡ ಬಿಗ್ ಅಪ್‌ಡೇಟ್ ಕೊಡಬಹುದು. ಅದಕ್ಕೆ ಬೇಕಿರೋ ಸಕಲ ಸಿದ್ಧತೆಗಳನ್ನೂ ಚಿತ್ರತಂಡ ಮಾಡಿಕೊಳ್ಳುತ್ತಿದೆ ಅನ್ನೋ ಮಾತುಗಳು ಕೂಡ ಕೇಳಿ ಬರುತ್ತಿದೆ. ಹೀಗಾಗಿ 'ಮಾರ್ಟಿನ್' ಮೊದಲು ರಿಲೀಸ್ ಆಗುತ್ತಾ? 'ಕೆಡಿ' ಮೊದಲು ರಿಲೀಸ್ ಆಗುತ್ತಾ? ಅನ್ನೋ ಪ್ರಶ್ನೆಯಂತೂ ಮೂಡಿರೋದು ನಿಜ.