RBI MPC: ಯುಪಿಐ ಮೂಲಕ ನಗದು ಠೇವಣಿ ಸೌಲಭ್ಯ: ಆರ್‌ಬಿಐ ಗವರ್ನರ್ ಹೇಳಿದ್ದೇನು?

RBI New Propsals: ಭಾರತೀಯ ರಿಸರ್ವ್ ಬ್ಯಾಂಕ್ ಹಣ ಠೇವಣೆ ಮಾಡಲು ನಗದು ಠೇವಣಿ ಯಂತ್ರಗಳಲ್ಲಿ ಯುಪಿಐ ಬಳಸಿ ಠೇವಣಿ ಮಾಡಲು ಈಗ ಪ್ರಸ್ತಾಪಿಸಲಾಗಿದೆ. ಈ ಕ್ರಮವು ಗ್ರಾಹಕರ ಅನುಕೂಲವನ್ನು ಇನ್ನಷ್ಟು ಹೆಚ್ಚಿಸಲಿದೆ. ಇದರ ಇನ್ನಷ್ಟು ಮಾಹಿತಿ ಇಲ್ಲಿದೆ.

RBI Proposes UPI at Cash Deposit Machines: ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಗವರ್ನರ್, ಶಕ್ತಿಕಾಂತ ದಾಸ್ ಏಪಿಲ್‌ 5 2024 ಶುಕ್ರವಾರದಂದು ಹೊಸ ಪ್ರಸ್ತಾವನೆಯನ್ನು ಹಂಚಿಕೊಂಡಿದ್ದಾರೆ. ಜನರು ನಗದು ಠೇವಣಿ ಯಂತ್ರಗಳಲ್ಲಿ (ಸಿಡಿಎಂ) ಯುಪಿಐ ಮೂಲಕ ಹಣವನ್ನು ಠೇವಣಿ ಮಾಡಲು ಅನುವು ಮಾಡಿಕೊಡುತ್ತದೆ. ಈ ಪ್ರಸ್ತಾಪವು ಆರ್‌ಬಿಐ ಹಣಕಾಸು ನೀತಿ ಸಮಿತಿಯ ಪ್ರಕಟಣೆಗಳ ಒಂದು ಭಾಗವಾಗಿದೆ . CDM ಗಳು ಬಳಕೆದಾರರಿಗೆ ಬ್ಯಾಂಕ್‌ಗೆ ಹೋಗುವ ಅಗತ್ಯವಿಲ್ಲದೆಯೇ ನಿಮ್ಮ ಬ್ಯಾಂಕ್ ಕಾರ್ಡ್ ಅನ್ನು ಬಳಸಿಕೊಂಡು ನೇರವಾಗಿ ಬ್ಯಾಂಕ್ ಖಾತೆಗೆ ಹಣವನ್ನು ಜಮಾ ಮಾಡಲು ಅನುಮತಿಸುತ್ತದೆ. ಸದ್ಯ, RBI UPI ಅನ್ನು ಅನುಮತಿಸುವುದರೊಂದಿಗೆ, ಗ್ರಾಹಕರು ತಮ್ಮ ಬ್ಯಾಂಕ್ ಕಾರ್ಡ್ ಬದಲಿಗೆ UPI ಅನ್ನು ಬಳಸಬಹುದು.

ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್  "ಎಟಿಎಂಗಳಲ್ಲಿ ಯುಪಿಐ ಬಳಸಿ ಕಾರ್ಡ್‌ರಹಿತ ನಗದು ಹಿಂಪಡೆಯುವಿಕೆಯಿಂದ ಪಡೆದ ಅನುಭವವನ್ನು ಗಮನಿಸಿದರೆ, ಯುಪಿಐ ಬಳಸಿ ನಗದು ಠೇವಣಿ ಯಂತ್ರಗಳಲ್ಲಿರುವ ಸಿಡಿಎಂಗಳಲ್ಲಿ ನಗದು ಠೇವಣಿ ಮಾಡಲು ಪ್ರಸ್ತಾಪಿಸಲಾಗಿದೆ. ಈ ಕ್ರಮವು ಗ್ರಾಹಕರ ಅನುಕೂಲವನ್ನು ಇನ್ನಷ್ಟು ಹೆಚ್ಚಿಸುತ್ತದೆ ಮತ್ತು ಬ್ಯಾಂಕ್‌ಗಳಲ್ಲಿ ಕರೆನ್ಸಿ ನಿರ್ವಹಣೆ ಪ್ರಕ್ರಿಯೆಯನ್ನು ಮಾಡುತ್ತದೆ. ಇದು ಹೆಚ್ಚು ಪರಿಣಾಮಕಾರಿ" ಎಂದು ಹೇಳಿದ್ದಾರೆ. ಇಷ್ಟು ಮಾತ್ರವಲ್ಲದೇ ಆರ್‌ಬಿಐ PPI ವ್ಯಾಲೆಟ್‌ಗಳಿಂದ UPI ಪಾವತಿಗಳನ್ನು ಮಾಡಲು ಮೂರನೇ ವ್ಯಕ್ತಿಯ UPI ಅಪ್ಲಿಕೇಶನ್‌ಗಳ ಬಳಕೆಯನ್ನು ಅನುಮತಿಸಲು  ಕೂಡ ಪ್ರಸ್ತಾಪಿಸಿದ್ದಾರೆ.

ಇದನ್ನೂ ಓದಿ: ಸರ್ಕಾರಿ ನೌಕರರ ಆರು ಭತ್ಯೆಗಳಲ್ಲಿ ಹೆಚ್ಚಳ ! ಹೊರಬಿತ್ತು ನೋಟಿಫಿಕೇಶನ್

ರಿಸರ್ವ್ ಬ್ಯಾಂಕ್ ಆಫ್‌ ಇಂಡಿಯಾ "ಪ್ರಸ್ತುತ, ಪ್ರಿಪೇಯ್ಡ್ ಪಾವತಿ ಉಪಕರಣಗಳಿಂದ (PPIs) UPI ಪಾವತಿಗಳನ್ನು PPI ನೀಡುವವರು ಒದಗಿಸಿದ ವೆಬ್ ಅಥವಾ ಮೊಬೈಲ್ ಅಪ್ಲಿಕೇಶನ್ ಬಳಸುವ ಮೂಲಕ ಮಾತ್ರ ಮಾಡಬಹುದು. PPI  ವ್ಯಾಲೆಟ್‌ನಿಂದ UPI ಪಾವತಿಗಳನ್ನು ಮಾಡಲು ಮೂರನೇ ವ್ಯಕ್ತಿಯ UPI ಅಪ್ಲಿಕೇಶನ್‌ಗಳ ಬಳಕೆಯನ್ನು ಅನುಮತಿಸಲು ಸದ್ಯಕ್ಕೆ ಪ್ರಸ್ತಾಪಿಸಲಾಗಿದೆ. ಇದು ಗ್ರಾಹಕರ ಅನುಕೂಲತೆಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ ಮತ್ತು ಸಣ್ಣ ಮೌಲ್ಯದ ವಹಿವಾಟುಗಳಿಗೆ ಡಿಜಿಟಲ್ ಪಾವತಿಗಳನ್ನು ಅಳವಡಿಸಿಕೊಳ್ಳುವುದನ್ನು ಉತ್ತೇಜಿಸುತ್ತದೆ," ಎಂದು ಹೇಳಿಕೆ ನೀಡಿದೆ.

RBI ರೆಪೊ ದರವನ್ನು 6.5% ನಲ್ಲಿ ಯಥಾಸ್ಥಿತಿಯಲ್ಲಿ ಇರಿಸಲು ನಿರ್ಧರಿಸಿದೆ. ಏಪ್ರಿಲ್ 3 ರಿಂದ 5 ರವರೆಗೆ ಆರ್‌ಬಿಐನ ಹಣಕಾಸು ನೀತಿ ಸಮಿತಿಯ ಮೂರು ದಿನಗಳ ಸಭೆಯ ನಂತರ ಇದು ನಡೆದಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) 2024-25 ರ ಆರ್ಥಿಕ ವರ್ಷದಲ್ಲಿ 4.5% ರಿಟೇಲ್ ಹಣದುಬ್ಬರವನ್ನು ಅಂದಾಜು ಮಾಡಿದೆ. ಈ ಪ್ರಕ್ಷೇಪಣವು ಮೊದಲ ತ್ರೈಮಾಸಿಕದಲ್ಲಿ 4.9%, ಎರಡನೇ ತ್ರೈಮಾಸಿಕದಲ್ಲಿ 3.8%, ಮೂರನೇ ತ್ರೈಮಾಸಿಕದಲ್ಲಿ 4.6% ಮತ್ತು FY25 ರ ನಾಲ್ಕನೇ ತ್ರೈಮಾಸಿಕದಲ್ಲಿ 4.5% ರ ಹಣದುಬ್ಬರ ದರವನ್ನು ಒಳಗೊಂಡಿದೆ.