ನೀವು ಧರಿಸುತ್ತಿರುವ Mask ಅಸಲಿಯೇ/ನಕಲಿಯೇ ಎಂದು ಹೀಗೆ ತಿಳಿಯಿರಿ

File Image

ನವದೆಹಲಿ: ಕರೋನಾವೈರಸ್ ತಪ್ಪಿಸಲು ಮಾಸ್ಕ್ ಅತ್ಯಂತ ಮುಖ್ಯ. ಲಸಿಕೆ ಬರುವವರೆಗೆ ಮಾಸ್ಕ್‌ ನಮ್ಮ ರಕ್ಷಣಾತ್ಮಕ ಗುರಾಣಿ. ಆದರೆ ನಿಮ್ಮ ಮಾಸ್ಕ್‌ ನಿಜವಾಗಿಯೂ ಕರೋನಾದಿಂದ ನಿಮ್ಮನ್ನು ರಕ್ಷಿಸುತ್ತಿದೆಯೇ? ಅಥವಾ ಪ್ರಮಾಣೀಕೃತ ಮಾಸ್ಕ್‌ ಹೆಸರಿನಲ್ಲಿ ನಿಮ್ಮ ಜೀವನದೊಂದಿಗೆ ಆಟವಾಡುತ್ತಿದೆಯೇ? ಈ ವರದಿಯಲ್ಲಿ ಮನೆಯಲ್ಲಿ ಕುಳಿತು ನಿಮ್ಮ ಮಾಸ್ಕ್‌ ನಕಲಿಯೇ ಅಥವಾ ನೈಜವಾದುದ್ದೇ ಎಂದು ನೀವು ಹೇಗೆ ಕಂಡುಹಿಡಿಯಬಹುದು ಎಂದು ನಾವು ನಿಮಗೆ ತಿಳಿಸುತ್ತೇವೆ. ಮಾರುಕಟ್ಟೆಯಿಂದ ಮಾಸ್ಕ್‌ಗಳನ್ನು ಖರೀದಿಸುವಾಗ ಯಾವ ಮಾಸ್ಕ್‌ ಉತ್ತಮವೆಂದು ನೀವು ಹೇಗೆ ನಿರ್ಧರಿಸುತ್ತೀರಿ? ಹೆಚ್ಚಿನ ಜನರು N 95 ಮಾಸ್ಕ್‌ಗಳನ್ನು ಅಥವಾ ಪ್ರಮಾಣೀಕರಿಸಿದ ಮಾಸ್ಕ್‌ಗಳನ್ನು ಅವರಿಗೆ ಉತ್ತಮವೆಂದು ಭಾವಿಸುತ್ತಾರೆ.

ಬರಾಜ್‌ನಲ್ಲಿ ಶಸ್ತ್ರಚಿಕಿತ್ಸೆಯ ಮಾಸ್ಕ್‌ಗಳ ಹೆಸರಿನಲ್ಲಿ ನಕಲಿ ಮಾಸ್ಕ್‌ಗಳ ಮಾರಾಟ:
ಸಾಮಾನ್ಯವಾಗಿ ಜನರು ಮೂರು ರೀತಿಯ ಮಾಸ್ಕ್‌ಗಳನ್ನು ಬಳಸುತ್ತಾರೆ. ಮೊದಲನೆಯದು ಶಸ್ತ್ರಚಿಕಿತ್ಸೆಯ ಅಂದರೆ ಸರ್ಜಿಕಲ್ ಮಾಸ್ಕ್‌ಗಳು. ಈ ನೀಲಿ ಬಣ್ಣದ ಮಾಸ್ಕ್‌ಗಳನ್ನು 2 ರಿಂದ 10 ರೂಪಾಯಿಗೆ ಮಾರಾಟ ಮಾಡಲಾಗುತ್ತದೆ. ಒಮ್ಮೆ ಬಳಸಿದ ನಂತರ ಜನರು ಅದನ್ನು ಎಸೆಯುತ್ತಾರೆ. ಇದರಿಂದ ಜನರು ಸೋಂಕಿಗೆ ಒಳಗಾಗುವುದಿಲ್ಲ ಎಂದು ಭಾವಿಸುತ್ತಾರೆ. ಆದರೆ ಮಾರುಕಟ್ಟೆಯಲ್ಲಿ ಶಸ್ತ್ರಚಿಕಿತ್ಸೆಯ ಮಾಸ್ಕ್‌ಗಳ (Mask) ಹೆಸರಿನಲ್ಲಿ ನಕಲಿ ಮಾಸ್ಕ್‌ಗಳನ್ನು ಮಾರಾಟ ಮಾಡಲಾಗುತ್ತಿದೆ, ಅದು ನಿಮ್ಮನ್ನು ಕರೋನಾದಿಂದ ರಕ್ಷಿಸಲು ಸಾಧ್ಯವಿಲ್ಲ.

ಈ ರೀತಿಯ ನೈಜ/ನಕಲಿ ಮಾಸ್ಕ್‌ಗಳನ್ನು ಪತ್ತೆ ಹಚ್ಚಿ:

• ಮೊದಲನೆಯದಾಗಿ ಶಸ್ತ್ರಚಿಕಿತ್ಸೆಯ/ಸರ್ಜಿಕಲ್ ಮಾಸ್ಕ್‌ನ್ನು ಪರೀಕ್ಷಿಸಲು, ನೀವು ಮಾಸ್ಕ್‌ನ್ನು ಕತ್ತರಿಗಳಿಂದ ಕತ್ತರಿಸಿ, ಮಾಸ್ಕ್‌ ಒಳಗೆ ಬಿಳಿ ಪಂಜರದಂತಹ ಪದರವನ್ನು ನೋಡಿದರೆ ಆ ಮಾಸ್ಕ್‌ ಅಸಲಿ ಮಾಸ್ಕ್ ಆಗಿದೆ ಎಂದರ್ಥ. ಈ ಪದರವನ್ನು ಮೆಲ್ಟನ್ ಲೇಯರ್ ಎಂದು ಕರೆಯಲಾಗುತ್ತದೆ. ವೈರಸ್ ಕಣಗಳು ಪ್ರವೇಶಿಸದಂತೆ ತಡೆಯುವ ಪದರ ಇದು. ಈ ಪದರವು ಮಾರುಕಟ್ಟೆಯಿಂದ ಖರೀದಿಸಿದ ಅನೇಕ ಮಾಸ್ಕ್‌ಗಳಲ್ಲಿ ಕಂಡುಬರುವುದಿಲ್ಲ. 
• ನೀವು ಮಾಸ್ಕ್‌ನ್ನು ಕತ್ತರಿಸಲು ಬಯಸದಿದ್ದರೆ, ನಂತರ ಮೇಣದಬತ್ತಿಯ ಸಹಾಯದಿಂದ ಸುಟ್ಟು ಮಾಸ್ಕ್‌ನ್ನು ಪೂರ್ಣ ಬಲದಿಂದ ಉಫ್.... ಎಂದು ಉರುಬಿದಾಗ ಮೇಣದಬತ್ತಿ ನಂದಿ ಹೋದರೆ ಮಾಸ್ಕ್‌ ಅಸಲಿ ಎಂದರ್ಥ.  
• ಇದಲ್ಲದೆ ಬಿಳಿ ಬೆಳಕಿನ ಕಡೆಗೆ ಮಾಸ್ಕ್‌ನ್ನು ನೋಡುವ ಮೂಲಕ ಬೆಳಕು ಸ್ಪಷ್ಟವಾಗಿದ್ದರೆ ಮಾಸ್ಕ್‌ ಅಸಲಿ ಎಂದು, ಆದರೆ ಮಾಸ್ಕ್‌ನ ಇನ್ನೊಂದು ಬದಿಯನ್ನು ನೀವು ನೋಡಲಾಗದಿದ್ದರೆ ಮಾಸ್ಕ್‌ ನಕಲಿ ಎಂದು ಕಂಡು ಹಿಡಿಯಬಹುದು.

ಸಾರ್ವಜನಿಕರು ಈ ಮಾಸ್ಕ್‌ಗಳನ್ನು ನಂಬುತ್ತಾರೆ:
ಸಾರ್ವಜನಿಕರು ಹೆಚ್ಚು ನಂಬುವ ಮಾಸ್ಕ್‌ಗಳು N-95 ಮಾಸ್ಕ್‌ಗಳು (N 95 Mask). ಕರೋನಾ ಅಥವಾ ಮಾಲಿನ್ಯದ ಸಮಯದಲ್ಲಿ ತಮ್ಮನ್ನು ರಕ್ಷಿಸಿಕೊಳ್ಳಲು ಕವಾಟಗಳನ್ನು ಹೊಂದಿರುವ ಈ ಮಾಸ್ಕ್‌ಗಳು ಹೆಚ್ಚು ಪರಿಣಾಮಕಾರಿ ಎಂದು ಜನರು ಭಾವಿಸುತ್ತಾರೆ. ಏಕೆಂದರೆ ಅವು ಫಿಲ್ಟರ್‌ಗಳಂತೆ ಕಾಣುತ್ತವೆ. ಅಂತಹ ಮಾಸ್ಕ್‌ಗಳ ಪ್ಯಾಕೆಟ್‌ಗಳಲ್ಲೂ ಹಲವು ರೀತಿಯ ಪ್ರಮಾಣೀಕರಣಗಳಿರುತ್ತವೆ. ಆದ್ದರಿಂದ ಜನರು ಅವುಗಳನ್ನು ಬೇಗ ನಂಬುತ್ತಾರೆ. ಆದರೆ ಈ ಅನೇಕ ಪ್ರಮಾಣೀಕರಣಗಳು ನಕಲಿ. ಹಲವು ಬಾರಿ ಅಂತಹ ಮಾಸ್ಕ್‌ಗಳ ಕವರ್ ಗಳ ಮೇಲೆ ನಮೂದಿಸಲಾಗಿರುವ ಹೆಸರು ಪ್ರಸಿದ್ಧ ಕಂಪನಿಯದ್ದಾಗಿರುತ್ತದೆ. ಆದರೆ ಅಸಲಿಗೆ ಅದು ಆ ಕಂಪನಿಯ ಉತ್ಪನ್ನವೇ ಆಗಿರುವುದಿಲ್ಲ. ಯಾವುದೇ ಕಂಪನಿಯಿಂದ ಬಿಡುಗಡೆ ಮಾಡಲಾಗಿರುವ ಮಾಸ್ಕ್‌ ಪ್ರಮಾಣೀಕರಣ ಸರಿಯಾಗಿದ್ದರೆ, ಅದರಲ್ಲಿ ಪ್ರಮಾಣೀಕರಣ ಸಂಖ್ಯೆಯನ್ನು ಸಹ ಬರೆಯಲಾಗುತ್ತದೆ. ನೀವು ಹಳದಿ ಕವಾಟವನ್ನು ಹೊಂದಿದ್ದರೆ, ಅದು ನಿಜವಾದ ಪ್ರಮಾಣೀಕರಣವಾಗಿದೆ.

ಕರೋನಾವನ್ನು ತಪ್ಪಿಸಲು ಈ ಮಾಸ್ಕ್‌ಗಳನ್ನು ಧರಿಸಬೇಡಿ :
ಕರೋನವೈರಸ್ (Coronavirus) ಅನ್ನು ತಪ್ಪಿಸಲು ಕವಾಟದ ಮಾಸ್ಕ್‌ಗಳನ್ನು ಧರಿಸಬೇಡಿ, ಇಂತಹ ಮಾಸ್ಕ್‌ಗಳಿಂದ ನಿಮ್ಮನ್ನು ಮಾಲಿನ್ಯದಿಂದ ಉಳಿಸಬಹುದು. ಆದರೆ ಕರೋನಾದಿಂದ ಅಲ್ಲ ಎಂದು ತಿಳಿಯುವುದು ನಿಮಗೆ ಬಹಳ ಮುಖ್ಯ. ಮಾಸ್ಕ್‌ನಲ್ಲಿರುವ ಈ ಕವಾಟ ಉಸಿರಾಟಕ್ಕೆ ಸಹಾಯ ಮಾಡುತ್ತದೆ. ಇದರಿಂದ ನಿಮ್ಮನ್ನು ನೀವು ಉಳಿಸಿಕೊಳ್ಳಬಹುದು ಆದರೆ ಇತರರಿಗೆ ಸೋಂಕು ತಗುಲಿಸಬಹುದು. 

ಬಟ್ಟೆ ಮಾಸ್ಕ್‌ ಧರಿಸುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ:

ಈಗ ಬಟ್ಟೆ ಮಾಸ್ಕ್‌ಗಳನ್ನು ಹೆಚ್ಚು ಸುರಕ್ಷಿತ ಎಂದು ಹೇಳಲಾಗುತ್ತಿದೆ. ಅನೇಕ ಜನರು ಈಗ ತಮ್ಮ ಉಡುಪಿನೊಂದಿಗೆ ಹೊಂದಾಣಿಕೆಯಾಗುವ ಮಾಸ್ಕ್‌ಗಳನ್ನು ಧರಿಸಲು ಇಷ್ಟಪಡುತ್ತಾರೆ. ಇದಕ್ಕಾಗಿ ಅವರು ಬಟ್ಟೆ ಮಾಸ್ಕ್‌ಗಳನ್ನು ಖರೀದಿಸುತ್ತಾರೆ.  ಏಕೆಂದರೆ ಅದನ್ನು ತೊಳೆದು ಮತ್ತೆ ಮತ್ತೆ ಬಳಸಬಹುದು. ಆದರೆ ಬಟ್ಟೆ ಮಾಸ್ಕ್‌ನ್ನು ಖರೀದಿಸುವಾಗ ಅಥವಾ ತಯಾರಿಸುವಾಗ, ಮಾಸ್ಕ್‌ನ್ನು ಮಧ್ಯದಲ್ಲಿ ಹೊಲಿಯದಂತೆ ನೀವು ಕಾಳಜಿ ವಹಿಸಬೇಕು.