Paytmನಲ್ಲೂ ಲಭ್ಯವಿದೆ COVID-19 ಲಸಿಕೆ ಸ್ಲಾಟ್, ಅದನ್ನು ಈ ರೀತಿ ಪರಿಶೀಲಿಸಿ

ಕರೋನಾ ಯುಗದಲ್ಲಿ ಜನರ ಅನುಕೂಲಕ್ಕಾಗಿ, Paytm ಬಹಳ ವಿಶೇಷವಾದ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಇದರ ಸಹಾಯದಿಂದ ನಿಮ್ಮ ಪ್ರದೇಶದಲ್ಲಿ COVID-19 ಲಸಿಕೆಯ ಸ್ಲಾಟ್ ಅನ್ನು ನೀವು ಪರಿಶೀಲಿಸಬಹುದು.

Covid 19 Slot in Paytm

ನವದೆಹಲಿ: ಒಂದೆಡೆ ದೇಶದಲ್ಲಿ ಕರೋನಾವೈರಸ್ ಪ್ರಕರಣಗಳು ದಿನೇ ದಿನೇ ಹೆಚ್ಚಾಗುತ್ತಿದೆ. ಇನ್ನೊಂದೆಡೆ ಸಾಧ್ಯವಾದಷ್ಟು ಬೇಗ ದೇಶದ ಎಲ್ಲಾ ಜನರಿಗೆ ಲಸಿಕೆ ನೀಡಲು ಸರ್ಕಾರ ಪ್ರಯತ್ನಿಸುತ್ತಿದೆ. ಈಗ ದೇಶದಲ್ಲಿ 18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲರಿಗೂ ಲಸಿಕೆ ಹಾಕಲು ಸರ್ಕಾರ ಕ್ರಮ ಕೈಗೊಳ್ಳುತ್ತಿದೆ. ಆದರೆ ಇದಕ್ಕಾಗಿ ನೀವು ಮುಂಚಿತವಾಗಿ ಸ್ಲಾಟ್ ತೆಗೆದುಕೊಳ್ಳಬೇಕು. 

ಅಂತಹ ಪರಿಸ್ಥಿತಿಯಲ್ಲಿ, ಜನರಿಗೆ ಸಹಾಯ ಮಾಡಲು, ಈಗ ಡಿಜಿಟಲ್ ಪಾವತಿ ಸೇವೆ Paytm 'ಕೋವಿಡ್ ಲಸಿಕೆ ಸ್ಲಾಟ್ ಫೈಂಡರ್' ಎಂಬ ವಿಶೇಷ ವೈಶಿಷ್ಟ್ಯವನ್ನು ಸಹ ಪರಿಚಯಿಸಿದೆ. ಈ ವೈಶಿಷ್ಟ್ಯದ ಬಗ್ಗೆ ವಿವರವಾಗಿ ತಿಳಿದುಕೊಳ್ಳೋಣ…

COVID-19 ಲಸಿಕೆ ಸ್ಲಾಟ್ ಫೈಂಡರ್ ವೈಶಿಷ್ಟ್ಯವನ್ನು ಹೇಗೆ ಬಳಸುವುದು?
>> ನೀವು COVID-19 ಲಸಿಕೆಗಾಗಿ ಕಾಯುತ್ತಿದ್ದರೆ, ಇದಕ್ಕಾಗಿ ನೀವು ಎಲ್ಲಿಯೂ ಹೋಗಬೇಕಾಗಿಲ್ಲ. ಬದಲಾಗಿ, ನೀವು ಮನೆಯಲ್ಲಿ ಕುಳಿತು Paytm ನ COVID-19 ಲಸಿಕೆ (Covid 19 Vaccine) ಸ್ಲಾಟ್ ಫೈಂಡರ್ ವೈಶಿಷ್ಟ್ಯವನ್ನು ಬಳಸಿಕೊಂಡು ಹತ್ತಿರದ ಪ್ರದೇಶದ ಲಸಿಕೆ ಕೇಂದ್ರದಲ್ಲಿ ಸ್ಲಾಟ್ ಅನ್ನು ಪರಿಶೀಲಿಸಬಹುದು. ಸ್ಲಾಟ್ ಇದ್ದರೆ, ಅದನ್ನು ಸಹ ಬುಕ್ ಮಾಡಬಹುದು.

ಇದನ್ನೂ ಓದಿ- Coronavirus: ಭಾರತದ ಕರೋನಾ ಪರಿಸ್ಥಿತಿ ಬಗ್ಗೆ WHO ವಿಜ್ಞಾನಿ ಕಳವಳ

>> ಇದಕ್ಕಾಗಿ, ನೀವು ಮೊದಲು Paytm ಅಪ್ಲಿಕೇಶನ್ ಅನ್ನು ತೆರೆಯಬೇಕು ಮತ್ತು ಅದರ ಹೋಂ ಬಟನ್ ಸ್ಕ್ರೋಲ್ ಮಾಡಿದ ನಂತರ, ನೀವು COVID-19 ಲಸಿಕೆ ಸ್ಲಾಟ್ ಫೈಂಡರ್ ಎಂಬ ಹೊಸ ವೈಶಿಷ್ಟ್ಯವನ್ನು ನೋಡುತ್ತೀರಿ.

>> COVID-19 ಲಸಿಕೆ ಸ್ಲಾಟ್ ಫೈಂಡರ್ ಕ್ಲಿಕ್ ಮಾಡಿ. ಇದರ ನಂತರ ನೀವು ನಿಮ್ಮ ಪ್ರದೇಶದ ಪಿನ್ ಕೋಡ್ ಅನ್ನು ನಮೂದಿಸಬೇಕು. ಅಲ್ಲದೆ, ಲಸಿಕೆ ಪಡೆಯುವ ವ್ಯಕ್ತಿ 18 ರಿಂದ 44 ವರ್ಷ ಮತ್ತು 45 ವರ್ಷಕ್ಕಿಂತ ಮೇಲ್ಪಟ್ಟವರೇ ಎಂಬ ಆಯ್ಕೆಯನ್ನು ಆರಿಸಬೇಕಾಗುತ್ತದೆ.

>> ನೀವು 18 ರಿಂದ 44 ವರ್ಷ ವಯಸ್ಸಿನವರಾಗಿದ್ದರೆ, ಅದನ್ನು ಆರಿಸಿ ನಂತರ ಕೆಳಗೆ ನೀಡಿರುವ ಚೆಕ್ ಅವೈಲೆಬಿಲಿಟಿ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.

ಇದನ್ನೂ ಓದಿ- Corona Treatment: ಕರೋನಾ ಚಿಕಿತ್ಸೆಗಾಗಿ ಸರ್ಕಾರ ನೀಡುತ್ತಿದೆ 5 ಲಕ್ಷ ರೂಪಾಯಿ, ಪ್ರಮುಖ ವಿಷಯಗಳನ್ನು ತಿಳಿದುಕೊಳ್ಳಿ

>> ಲಸಿಕೆ ಲಭ್ಯತೆ ಕ್ಲಿಕ್ ಮಾಡುವ ಮೂಲಕ ಸ್ಲಾಟ್‌ನಲ್ಲಿ ಯಾವ ದಿನದ ಸ್ಲಾಟ್ ಇದೆ ಎಂಬುದನ್ನು ನೀವು ತಿಳಿಯುವಿರಿ. ಯಾವುದೇ ಸ್ಲಾಟ್ ಇಲ್ಲದಿದ್ದರೆ, ಅಲ್ಲಿ ಸ್ಲಾಟ್‌ಗಳು ಲಭ್ಯವಿದ್ದಾಗ ನನಗೆ ಸೂಚಿಸು ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ. ಹೀಗೆ ಮಾಡುವುದರಿಂದ ಸ್ಲಾಟ್ ಬಂದ ತಕ್ಷಣ ನಿಮಗೆ ಅಧಿಸೂಚನೆಗಳು ಸಿಗುತ್ತವೆ.

>> ಸ್ಲಾಟ್ ಇದ್ದರೆ ಯಾವ ದಿನ ಸ್ಲಾಟ್ ಲಭ್ಯವಿದೆಯೋ ಆ ದಿನಾಂಕದಂದು ಹಸಿರು ಬಣ್ಣ ಕಾಣಲಿದೆ. ನಿಮ್ಮ ಆಯ್ಕೆಯ ಪ್ರಕಾರ ದಿನಾಂಕವನ್ನು ಆರಿಸುವ ಮೂಲಕ ಆ ದಿನಕ್ಕೆ ಸ್ಲಾಟ್ ಅನ್ನು ಕಾಯ್ದಿರಿಸಿ. ಈ ಮೂಲಕ ನಿಮಗೆ ಯಾವಾಗ ಅನುಕೂಲವಾಗುತ್ತದೆಯೋ ಆಗ ಸಮಯ ನಿಗದಿಗೊಳಿಸಿ ಕರೋನಾ ಲಸಿಕೆ ಪಡೆಯಬಹುದಾಗಿದೆ.