Yezdi Bike: ರಾಯಲ್ ಎನ್‌ಫೀಲ್ಡ್‌ಗೆ ಟಕ್ಕರ್ ನೀಡಲು ಬರುತ್ತಿದೆ ಹೊಸ ಶಕ್ತಿಶಾಲಿ ಬೈಕ್

Yezdi Bike: 1970 ರ ದಶಕದಲ್ಲಿ ಯೆಜ್ಡಿ ಬೈಕ್ ದೊಡ್ಡ ಹಿಟ್ ಆಗಿತ್ತು. ಇದೀಗ ಮತ್ತೊಮ್ಮೆ ಯೆಜ್ಡಿ ಬೈಕ್ ಅನ್ನು ವಾಪಸ್ ತರಲು ಕಂಪನಿ ಸಿದ್ಧತೆ ನಡೆಸಿದೆ. ಯೆಜ್ಡಿ ಬೈಕ್ ರಾಯಲ್ ಎನ್‌ಫೀಲ್ಡ್ ಬೈಕ್ಗೆ ಭಾರೀ ಪೈಪೋಟಿ ನೀಡಲಿದೆ ಎಂದು ನಿರೀಕ್ಷಿಸಲಾಗಿದೆ. ಅದರ ವೈಶಿಷ್ಟ್ಯಗಳು ಮತ್ತು ಪ್ರಾರಂಭ ದಿನಾಂಕವನ್ನು ತಿಳಿಯೋಣ.

Yezdi Bike

Yezdi Bike: ಭಾರತದಲ್ಲಿ ಜಾವಾ ಬೈಕ್‌ಗಳನ್ನು ಬಿಡುಗಡೆ ಮಾಡಿದ ನಂತರ, ಕ್ಲಾಸಿಕ್ ಲೆಜೆಂಡ್ಸ್ ಕೂಡ ಶೀಘ್ರದಲ್ಲೇ ಯೆಜ್ಡಿ ಬ್ರಾಂಡ್ ಅನ್ನು ಭಾರತೀಯ ಮಾರುಕಟ್ಟೆಗೆ ತರಲು ತಯಾರಿ ನಡೆಸುತ್ತಿದೆ. ಬೈಕ್ ತಯಾರಕ ಯೆಜ್ಡಿ ಮತ್ತೊಮ್ಮೆ ಭಾರತೀಯ ಮಾರುಕಟ್ಟೆಗೆ ಬರಲಿದೆ ಎಂಬ ಊಹಾಪೋಹಗಳು ದಟ್ಟವಾಗಿವೆ. ಜಾವಾ ಮೋಟಾರ್‌ಸೈಕಲ್‌ಗಳೊಂದಿಗಿನ ಸಂಬಂಧ ಕೊನೆಗೊಂಡ ನಂತರ ಯೆಜ್ಡಿ ಬೈಕ್‌ಗಳು ಈ ಯೋಜನೆಯನ್ನು ಮಾಡಿದೆ ಎಂದು ಹೇಳಲಾಗುತ್ತಿದೆ.

ರಾಯಲ್ ಎನ್‌ಫೀಲ್ಡ್‌ಗೆ ಪೈಪೋಟಿ : 
ಕ್ಲಾಸಿಕ್ ಲೆಜೆಂಡ್ಸ್‌ನ ಸಹ-ಸಂಸ್ಥಾಪಕ ಅನುಪಮ್ ಥರೇಜಾ ಇತ್ತೀಚೆಗೆ ಟ್ವೀಟ್‌ನಲ್ಲಿ ನಾವು ಇನ್ನೊಬ್ಬ ಸಹೋದರನನ್ನು ಮರಳಿ ಕರೆಸಿದ್ದೇವೆ ಎಂದು ಹೇಳಿದ್ದಾರೆ. ಒಮ್ಮೆ ಬಿಡುಗಡೆಯಾದ ನಂತರ, Yezdi ADV ನೇರವಾಗಿ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್‌ನೊಂದಿಗೆ ಸ್ಪರ್ಧಿಸುತ್ತದೆ. ವಿಶೇಷವೆಂದರೆ ಯೆಜ್ಡಿಯ ಹೊಸ ಬೈಕ್ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ಬೆಲೆ ವಿಭಾಗದಲ್ಲಿ ಬರಲಿದೆ. ಹೊಸ Yezdi ಬೈಕ್ ಜಾವಾ ಪೆರಾಕ್‌ನೊಂದಿಗೆ ಬರುವ 334cc ಎಂಜಿನ್‌ನೊಂದಿಗೆ ಮಾತ್ರ ನೀಡಲಾಗುವುದು. ಪೆರಾಕ್‌ನ ಈ ಎಂಜಿನ್ 30 hp ಪವರ್ ಮತ್ತು 32Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಇದನ್ನೂ ಓದಿ- PM Kisan: ಪಿಎಂ ಕಿಸಾನ್ ಯೋಜನೆಯ ಮರುಪಾವತಿ ಪಟ್ಟಿ ಬಿಡುಗಡೆ; ನಿಮ್ಮ ಹೆಸರನ್ನು ಪರಿಶೀಲಿಸಿ

ezdi ADV ವೈಶಿಷ್ಟ್ಯಗಳು;
Yezdi ADV ಯ ವೈಶಿಷ್ಟ್ಯಗಳ ಬಗ್ಗೆ ಹೇಳುವುದಾದರೆ, ಬೈಕ್ ಪೂರ್ಣ-LED ಲೈಟಿಂಗ್, ಬ್ಲೂಟೂತ್ ಸಂಪರ್ಕದೊಂದಿಗೆ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ಡ್ಯುಯಲ್-ಚಾನೆಲ್ ABS ಅನ್ನು ಒಳಗೊಂಡಿರುವ ನಿರೀಕ್ಷೆಯಿದೆ. ಹಾರ್ಡ್‌ವೇರ್ ವೈರ್-ಸ್ಪೋಕ್ ವೀಲ್‌ಗಳು, ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್‌ಗಳು, ಹಿಂಭಾಗದ ಮೊನೊ-ಶಾಕ್ ಮತ್ತು ಡಿಸ್ಕ್ ಬ್ರೇಕ್‌ಗಳನ್ನು ಎರಡೂ ಚಕ್ರಗಳಲ್ಲಿ ನೋಡಬಹುದು. 

ಆನಂದ್ ಮಹೀಂದ್ರ ಅವರ ಟ್ವೀಟ್: 
ಕ್ಲಾಸಿಕ್ ಲೆಜೆಂಡ್ಸ್‌ನಲ್ಲಿ ಮಹೀಂದ್ರಾ ಮತ್ತು ಮಹೀಂದ್ರಾ ಗ್ರೂಪ್‌ನ (Mahendra and Mahendra Group) ಹೂಡಿಕೆಯ ನಂತರ ಜಾವಾ ಮೋಟಾರ್‌ಸೈಕಲ್‌ಗಳು, ಬಿಎಸ್‌ಎ ಮತ್ತು ಯೆಜ್ಡಿ ಪುನರಾಗಮನದ ಬಗ್ಗೆ ಮಾತನಾಡಲಾಗುತ್ತಿದೆ. ಅದೇ ಸಮಯದಲ್ಲಿ, ಈ ವರ್ಷದ ಆರಂಭದಲ್ಲಿ, ಕ್ಲಾಸಿಕ್ ಲೆಜೆಂಡ್ಸ್ ಭಾರತದಲ್ಲಿ ಯೆಜ್ಡಿ ರೋಡ್ಕಿಂಗ್‌ನ ಟ್ರೇಡ್‌ಮಾರ್ಕ್ ಅನ್ನು ಸಹ ಸಲ್ಲಿಸಿತು. ಅಂದಿನಿಂದ, ಯೆಜ್ಡಿ ಬೈಕ್ ಭಾರತಕ್ಕೆ ಮರಳುವ ಬಗ್ಗೆ ಚರ್ಚೆಗಳು ವೇಗವನ್ನು ಪಡೆದುಕೊಂಡಿವೆ. ಇತ್ತೀಚೆಗಷ್ಟೇ ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಕೂಡ ಯೆಜ್ಡಿ ಭಾರತಕ್ಕೆ ಮರಳುವ ಕುರಿತು ಟ್ವೀಟ್ ಮಾಡಿದ್ದರು.

I guess I’ve got #Y on my mind.
After all, the legend is back! https://t.co/8H95PohYN6#YezdiForever pic.twitter.com/r6VNo8lTkt

— anand mahindra (@anandmahindra) November 10, 2021

ಇದನ್ನೂ ಓದಿ- Knowledge Story: ನೀವೂ ಆನ್ಲೈನ್ ವಹಿವಾಟು ನಡೆಸುತ್ತೀರಾ? IFSC Code ತಪ್ಪಾಗಿ ನಮೂದಿಸಿದರೆ ಹಣ ಏನಾಗುತ್ತೆ?

1970 ರ ದಶಕದಲ್ಲಿ, ಯೆಜ್ಡಿ ಬೈಕ್‌ಗಳ ಸಾಕಷ್ಟು ಚಲನೆ ಇತ್ತು. ಆ ಸಮಯದಲ್ಲಿ ಇದನ್ನು ಆಯಿಲ್ ಕಿಂಗ್ ಹೆಸರಿನಲ್ಲಿ ಭಾರತದಲ್ಲಿ ಪ್ರಾರಂಭಿಸಲಾಯಿತು.