Covid 19 Booster Dose: April 10 ರಿಂದ 18+ ಎಲ್ಲರಿಗೂ ಕೂಡ Booster Dose ಲಸಿಕೆಯ ಅಭಿಯಾನ ಆರಂಭ, ಆದರೆ ಈ ಷರತ್ತು ಅನ್ವಯಿಸಲಿದೆ

Covid19 Precaution Dose: ಬರುವ ಏಪ್ರಿಲ್ 10 ರಿಂದ, 18 ವರ್ಷಕ್ಕಿಂತ ಮೇಲ್ಪಟ್ಟ ಜನರು ಖಾಸಗಿ ಲಸಿಕಾ ಕೇಂದ್ರಗಳಲ್ಲಿ ಲಸಿಕೆಯ (Covid19 Precaution Dose) ಬೂಸ್ಟರ್ ಡೋಸ್ (Third Dose of Vaccination) ಪಡೆಯಬಹುದು ಎಂದು ಸರ್ಕಾರದ (Central Government) ವತಿಯಿಂದ ತಿಳಿಸಲಾಗಿದೆ.

Covid-19 Booster Dose

ನವದೆಹಲಿ: ಕೊರೊನಾ (Corona Pandemic) ವಿರುದ್ಧದ ಹೋರಾಟದ ನಡುವೆಯೇ ಕೇಂದ್ರ ಸರ್ಕಾರ ಶುಕ್ರವಾರ ಮಹತ್ವದ ಘೋಷಣೆ ಮಾಡಿದೆ. ಇದೀಗ 18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲಾ ಜನರು ಕೋವಿಡ್-19 (Covid-19) ರ ಮುನ್ನೆಚ್ಚರಿಕೆ ಡೋಸ್ (Covid19 Precaution Dose) ಅಂದರೆ ಲಸಿಕೆಯ ಮೂರನೇ ಡೋಸ್ (Third Dose of Vaccination)  ಅನ್ನು ತೆಗೆದುಕೊಳ್ಳಬಹುದು. ಏಪ್ರಿಲ್ 10 ರಿಂದ, 18 ವರ್ಷಕ್ಕಿಂತ ಮೇಲ್ಪಟ್ಟ ಜನರು ಖಾಸಗಿ ಲಸಿಕಾ ಕೇಂದ್ರದಲ್ಲಿ ಲಸಿಕೆ (Covid 19 Booster Dose) ಬೂಸ್ಟರ್ ಡೋಸ್ ಪಡೆಯಬಹುದು ಎಂದು ಸರ್ಕಾರದ ವತಿಯಿಂದ ತಿಳಿಸಲಾಗಿದೆ.

ಕೊರೊನಾ ವೈರಸ್‌ನ ನಾಲ್ಕನೇ ಅಲೆಯ (Coronavirus Fourth Wave) ಮೊದಲು ಸಾಂಕ್ರಾಮಿಕ ರೋಗದ (Coronavirus) ವಿರುದ್ಧ ಇದು ಸರ್ಕಾರದ ದೊಡ್ಡ ಹೆಜ್ಜೆಯಾಗಿದೆ ಎಂದೇ ಹೇಳಬಹುದು. ಈ ಹಿಂದೆ, ಕೇಂದ್ರ ಸರ್ಕಾರವು ಆರೋಗ್ಯ ಕಾರ್ಯಕರ್ತರು ಮತ್ತು 60 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಕರೋನಾ ಲಸಿಕೆಯ ಬೂಸ್ಟರ್ ಡೋಸ್‌ ನೀಡಲು ಅನುಮತಿ ನೀಡಿತ್ತು.

ಬೂಸ್ಟರ್ ಡೋಸ್‌ ಪಡೆಯಲು ಈ ಷರತ್ತು ಅನ್ವಯಿಸಲಿದೆ   (Condition for Booster Dose)
ಕರೋನಾ ಲಸಿಕೆಯ ಬೂಸ್ಟರ್ ಡೋಸ್ ಅನ್ನು 18 ವರ್ಷಕ್ಕಿಂತ ಮೇಲ್ಪಟ್ಟವರು ಮತ್ತು 9 ತಿಂಗಳ ಹಿಂದೆ ಎರಡನೇ ಡೋಸ್ ಕೋವಿಡ್ ಲಸಿಕೆ ಪಡೆದವರು ಮಾತ್ರ ಪಡೆಯಬಹುದು. ಎಲ್ಲಾ ಖಾಸಗಿ ಆಸ್ಪತ್ರೆಗಳಲ್ಲಿ  (Private Vaccination Centres) ಲಸಿಕೆ ಸೌಲಭ್ಯ ಲಭ್ಯವಿರುತ್ತದೆ. ಆದರೆ, ಕೋವಿಡ್ -19  ಬೂಸ್ಟರ್ ಡೋಸ್ ತೆಗೆದುಕೊಳ್ಳುವುದು ಕಡ್ಡಾಯವಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ, ಜನರು ಮೂರನೇ ಡೋಸ್ ಲಸಿಕೆಯನ್ನು ತೆಗೆದುಕೊಳ್ಳಬೇಕೇ ಅಥವಾ ಬೇಡವೇ ಎಂಬುದು ಜನರ ಇಚ್ಛೆಯನ್ನು ಅವಲಂಭಿಸಿದೆ ಎಂದು ಸರ್ಕಾರ ಹೇಳಿದೆ.

ಇದನ್ನೂ ಓದಿ-Milk With Fig: ರಾತ್ರಿ ಮಲಗುವ ಮುನ್ನ ಹಾಲಿನೊಂದಿಗೆ ಈ ಡ್ರೈ ಫ್ರೂಟ್ಸ್ ಬೆರೆಸಿ ಕುಡಿದರೆ ಸಿಗುತ್ತೆ ಅದ್ಭುತ ಲಾಭ

ಬೂಸ್ಟರ್ ಶಾಟ್ ಕುರಿತು ಮಾಹಿತಿ ನೀಡಿರುವ ಸರ್ಕಾರ, ದೇಶದಲ್ಲಿ ಮೊದಲ ಮತ್ತು ಎರಡನೇ ಡೋಸ್‌ಗಳಿಗೆ ಸರ್ಕಾರಿ ಲಸಿಕೆ ಕೇಂದ್ರಗಳಲ್ಲಿ ನಡೆಯುತ್ತಿರುವ ಉಚಿತ ಲಸಿಕೆ ಕಾರ್ಯಕ್ರಮದ ಜೊತೆಗೆ ಆರೋಗ್ಯ ಕಾರ್ಯಕರ್ತರು, ಮುಂಚೂಣಿ ಕಾರ್ಯಕರ್ತರು ಮತ್ತು 60+ ಜನರಿಗೆ ಬೂಸ್ಟರ್ ಡೋಸ್ ನೀಡಿಕೆಯ ಕಾರ್ಯ ಮುಂದುವರೆಯಲಿದೆ ಮತ್ತು ಅದನ್ನು ಮತ್ತಷ್ಟು ವೇಗಗೊಳಿಸಲಾಗುವುದು ಎಂದಿದೆ. 

ಇದನ್ನೂ ಓದಿ-Hing Water : ಪ್ರತಿದಿನ 'ಇಂಗು ಬೆರಿಸಿದ ನೀರು' ಕುಡಿಯಿರಿ, ಬೊಜ್ಜು ಕಡಿಮೆ ಮಾಡಿಕೊಳ್ಳಿ

ಪ್ರಸ್ತುತ, ದೇಶದಲ್ಲಿ 15 ವರ್ಷಕ್ಕಿಂತ ಮೇಲ್ಪಟ್ಟ ಜನಸಂಖ್ಯೆಯ ಸುಮಾರು ಶೇ. 96 ರಷ್ಟು ಜನರು ಕನಿಷ್ಠ ಒಂದು ಡೋಸ್ ಕರೋನಾ ಲಸಿಕೆಯನ್ನು ಪಡೆದಿದ್ದಾರೆ. ಇನ್ನೊಂದೆಡೆ, 15 ವರ್ಷಕ್ಕಿಂತ ಮೇಲ್ಪಟ್ಟ ಜನಸಂಖ್ಯೆಯ ಸುಮಾರು ಶೇ. 83 ರಷ್ಟು ಜನರು ಲಸಿಕೆಯ ಎರಡೂ ಡೋಸ್‌ಗಳನ್ನು ಪಡೆದಿದ್ದಾರೆ.

ಇದನ್ನೂ ನೋಡಿ-