Google Diwali Surprise: ಬೆಳಕಿನ ಹಬ್ಬ ದೀಪಾವಳಿಗೆ ಕ್ಷಣಗಣನೆ ಆರಂಭವಾಗಿದೆ. ಇನ್ನು ಕೇವಲ ಒಂದು ವಾರ ಬಾಕಿ ಇರುವಾಗಲೇ ಭಾರತದಾದ್ಯಂತ ಹಬ್ಬದ ಸಂಭ್ರಮ ಮನೆ ಮಾಡಿದೆ. ಈ ಸಂಭ್ರಮದಲ್ಲಿ ಸರ್ಚ್ ಇಂಜಿನ್ ಗೂಗಲ್ ಕೂಡ ಸೇರಿಕೊಂಡಿದೆ. ಗೂಗಲ್ ದೇಶದ ಬಳಕೆದಾರರಿಗೆ 'ದೀಪಾವಳಿ ಸರ್ಪ್ರೈಸ್' ನೀಡಿದೆ. ಭಾರತದಲ್ಲಿನ ಬಳಕೆದಾರರು ತನ್ನ ಪುಟದಲ್ಲಿನ ಹುಡುಕಾಟ ಪಠ್ಯ ಪೆಟ್ಟಿಗೆಯಲ್ಲಿ 'ದೀಪಾವಳಿ' ಎಂದು ಹುಡುಕಬೇಕೆಂದು ಕಂಪನಿಯು ಬಯಸುತ್ತದೆ. ಈ ಕುರಿತಂತೆ ಟ್ವೀಟ್ ಮಾಡಿರುವ ಗೂಗಲ್, 'ಸರ್ಪ್ರೈಸ್'ಗಾಗಿ ಗೂಗಲ್ ಸರ್ಚ್ ಬಾಕ್ಸ್‌ನಲ್ಲಿ ದೀಪಾವಳಿ ಎಂದು ಹುಡುಕಿ ಎಂದು ಬರೆದಿದೆ.
ಗೂಗಲ್ ಇಂಡಿಯಾದ ವೆಬ್‌ಸೈಟ್‌ನಲ್ಲಿನ ಹುಡುಕಾಟ ಬಾಕ್ಸ್‌ನಲ್ಲಿ 'ದೀಪಾವಳಿ' ಎಂದು ಸರ್ಚ್ ಮಾಡಿದಾಗ ಹಬ್ಬದ ಕುರಿತು ಹಲವಾರು ಫಲಿತಾಂಶಗಳು ಲಭ್ಯವಾಗಲಿವೆ. ಈ ಫಲಿತಾಂಶಗಳ ಮೇಲ್ಭಾಗದಲ್ಲಿ ದೀಪದೊಂದಿಗೆ 'ದೀಪಾವಳಿ' ಎಂಬ ಪದ ಮತ್ತು ಕೆಳಗೆ 'ಹಬ್ಬ' ಎಂದು ಬರೆಯಲಾಗಿದೆ, ದೀಪವು ಹೊಳೆಯುವ ನಕ್ಷತ್ರಗಳಿಂದ ಆವೃತವಾಗಿರಲಿದೆ. ದೀಪದ ಮೇಲೆ ಕ್ಲಿಕ್ ಮಾಡಿದಾಗ, ಬಳಕೆದಾರರ ಪರದೆಯು ಪ್ರಕಾಶಮಾನವಾದ ಹೊಳೆಯುವ ದೀಪಗಳಿಂದ ತುಂಬಿರುತ್ತದೆ. ಈ ದೀಪಗಳ ಹಿಂದೆ ಹೊಳೆಯುವ ನಕ್ಷತ್ರಗಳಿವೆ. ಕರ್ಸರ್ ಅನ್ನು ಮೂವ್ ಮಾಡಿದಂತೆ ಒಂದು ದೀಪವು ಪರದೆಯ ಸುತ್ತಲೂ ಹೋಗುತ್ತದೆ. ಅದೇ ಸುಂದರವಾದ ಅನಿಮೇಷನ್ 'ದೀಪಾವಳಿ 2022' ಅನ್ನು ಹುಡುಕುವಾಗ ಸಹ ಕಾಣಿಸಿಕೊಳ್ಳುತ್ತದೆ.
ಇದನ್ನೂ ಓದಿ- PM Kisan: ಈ ಒಂದು ತಪ್ಪಿನಿಂದ 4 ಕೋಟಿ ರೈತರಿಗೆ ನಷ್ಟ!
Android ಮತ್ತು Apple ಸಾಧನಗಳಲ್ಲಿ ಗೂಗಲ್ ಮೊಬೈಲ್ ಅಪ್ಲಿಕೇಶನ್‌ನಲ್ಲಿ 'ದೀಪಾವಳಿ' ಅಥವಾ 'ದೀಪಾವಳಿ 2022 ' ಕೀವರ್ಡ್‌ಗಳನ್ನು ಹುಡುಕುವಾಗ ಬಳಕೆದಾರರು ಒಂದೇ ರೀತಿಯ ಫಲಿತಾಂಶಗಳನ್ನು ಪಡೆಯುತ್ತಾರೆ . ಅಪ್ಲಿಕೇಶನ್‌ನಲ್ಲಿ (ಐಒಎಸ್ ಮತ್ತು ಆಂಡ್ರಾಯ್ಡ್ ಎರಡರಲ್ಲೂ) ಯಾವುದೇ ದೀಪದ ಮೇಲೆ ಕ್ಲಿಕ್ ಮಾಡಿದಾಗ, ಬಳಕೆದಾರರ ಮೊಬೈಲ್ ಪರದೆಯು ಪ್ರಕಾಶಮಾನವಾದ ಬೆಳಕಿನಿಂದ ತುಂಬಿರುತ್ತದೆ ಮತ್ತು ದೀಪವು ಬಳಕೆದಾರರ ಕೈ/ಬೆರಳಿನ ಚಲನೆಯನ್ನು ಅನುಸರಿಸುತ್ತದೆ. ಲ್ಯಾಪ್‌ಟಾಪ್ ಮತ್ತು ಡೆಸ್ಕ್ ಟಾಪ್ ನಲ್ಲಿಯೂ ದೀಪಾವಳಿ ಎಂದು ಗೂಗಲ್ ಸರ್ಚ್ ಮಾಡಿದರೆ ಅಲ್ಲಿಯೂ ಸಹ ಸ್ಕ್ರೀನ್ ನಲ್ಲಿ ಇದೇ ರೀತಿ ಪ್ರಕಾಶಮಾನವಾದ ದೀಪವನ್ನು ಕಾಣಬಹುದು.
ಇದನ್ನೂ ಓದಿ- Instagram Reels:ಭಾರತೀಯ ಬಳಕೆದಾರರಿಗೆ ದೀಪಾವಳಿ ಗಿಫ್ಟ್, ರೀಲ್ಸ್ ಮಾಡಿ ಲಕ್ಷಾಂತರ ರೂ. ಸಂಪಾದಿಸಿ
ಗೂಗಲ್ ಬಳಸಿ ಪರದೆಯ ಮೇಲೆ ದಿಯಾಗಳನ್ನು ಬೆಳಗಿಸುವುದು ಹೇಗೆ?
ನಿಮ್ಮ ಬ್ರೌಸರ್ ವಿಂಡೋದಲ್ಲಿ Google ಹುಡುಕಾಟವನ್ನು ತೆರೆಯಿರಿ, Chrome ಬ್ರೌಸರ್ ಬಳಸುವವರು ವಿಳಾಸ ಪಟ್ಟಿಯನ್ನು ಸಹ ಬಳಸಬಹುದು.
ಹಂತ 1- 'Diwali' ಅಥವಾ 'Diwali 2022' ಕೀವರ್ಡ್‌ಗಳಿಗಾಗಿ ಹುಡುಕಿ.
ಹಂತ 2 - ಪರದೆಯ ಮೇಲೆ ಕಾಣಿಸಿಕೊಳ್ಳುವ ಫಲಿತಾಂಶದಲ್ಲಿ ಮೇಲೆ ದೀಪದ ಜೊತೆಗೆ ದೀಪಾವಳಿ ಎಂದು ಬರೆಯಲಾಗಿರುತ್ತದೆ.
ಹಂತ 3 - ಈ ದಿಯಾ ಮೇಲೆ ಕ್ಲಿಕ್ ಮಾಡಿ.
ಹಂತ 4 - ಈಗ ಪರದೆಯ ಮೇಲೆ ಕರ್ಸರ್ ಅನ್ನು ಸರಿಸಿ, ಅದು ಹೊಳೆಯುವ ಬೆಳಕಿನಿಂದ ತುಂಬುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
