India Tour Of West Indies : ಜುಲೈ 22 ರಿಂದ ಟೀಂ ಇಂಡಿಯಾವು ವೆಸ್ಟ್ ಇಂಡೀಸ್ ಪ್ರವಾಸ ಆರಂಭವಾಗಲಿದೆ. ಈ ಪ್ರವಾಸಕ್ಕಾಗಿ ಟೀಂ ಇಂಡಿಯಾ ವೆಸ್ಟ್ ಇಂಡೀಸ್ ತಲುಪಿದೆ. ಟೀಂ ಇಂಡಿಯಾ ಇಂಗ್ಲೆಂಡ್‌ನಿಂದ ವೆಸ್ಟ್ ಇಂಡೀಸ್‌ಗೆ ಬರಲು ಚಾರ್ಟರ್ಡ್ ಫ್ಲೈಟ್ ಬಳಸಿದೆ. ಈ ಚಾರ್ಟರ್ಡ್ ವಿಮಾನ ಬಳಕೆಯ ವೆಚ್ಚವು ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಈ ಪ್ರಯಾಣಕ್ಕಾಗಿ ಟೀಂ ಇಂಡಿಯಾ ಕೋಟಿಗಟ್ಟಲೆ ಹಣ ಖರ್ಚು ಮಾಡಿದೆ. ಬಿಸಿಸಿಐ ಏಕೆ ಇಷ್ಟು ಖರ್ಚು ಮಾಡಿದೆ ಎಂಬ ಕಾರಣವೂ ಬಯಲಿಗೆ ಬಂದಿದೆ.
ಚಾರ್ಟರ್ಡ್ ಫ್ಲೈಟ್‌ಗೆ ಖರ್ಚಾಗಿದ್ದು ಎಷ್ಟು ಕೋಟಿ ?
ಇತ್ತೀಚೆಗಷ್ಟೇ ಟೀಂ ಇಂಡಿಯಾದ ಇಂಗ್ಲೆಂಡ್ ಪ್ರವಾಸ ಮುಗಿದಿದೆ. ಇಂಗ್ಲೆಂಡ್‌ನ ಮ್ಯಾಂಚೆಸ್ಟರ್‌ನಿಂದ ಟೀಮ್ ಇಂಡಿಯಾ ನೇರವಾಗಿ ವೆಸ್ಟ್ ಇಂಡೀಸ್ ತಲುಪಿದೆ. ಈ ವಿಮಾನದ ವೆಚ್ಚವನ್ನು ಈಗ ಬಹಿರಂಗಪಡಿಸಲಾಗಿದೆ. ಟೀಂ ಇಂಡಿಯಾವನ್ನು ಇಂಗ್ಲೆಂಡ್‌ನಿಂದ ವೆಸ್ಟ್ ಇಂಡೀಸ್‌ಗೆ ಕರೆತರಲು ಬಿಸಿಸಿಐ 3.5 ಕೋಟಿ ರೂಪಾಯಿ ಖರ್ಚು ಮಾಡಿದೆ. ಈ ಚಾರ್ಟರ್ಡ್ ವಿಮಾನವು ಆಟಗಾರರನ್ನು ಮ್ಯಾಂಚೆಸ್ಟರ್‌ನಿಂದ ಪೋರ್ಟ್ ಆಫ್ ಸ್ಪೇನ್‌ಗೆ ಕರೆತಂದಿದೆ. ಈ ಪ್ರವಾಸದಲ್ಲಿ ಟೀಂ ಇಂಡಿಯಾ ಮೂರು ಪಂದ್ಯಗಳ ಏಕದಿನ ಹಾಗೂ 5 ಪಂದ್ಯಗಳ ಟಿ20 ಸರಣಿಯನ್ನು ಆಡಬೇಕಿದೆ.
ಇದನ್ನೂ ಓದಿ : Team India : ಜಿಂಬಾಬ್ವೆ ಸರಣಿಗೆ ಟೀಂ ಇಂಡಿಯಾಗೆ ಹೊಸ ನಾಯಕ..!
ಹೀಗಾಗಿ ಈ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ
ಟೀಂ ಇಂಡಿಯಾದ ಚಾರ್ಟರ್ಡ್ ಫ್ಲೈಟ್‌ನಲ್ಲಿ ಪ್ರಯಾಣಿಸುವ ವಿಷಯವು ಚರ್ಚೆಗೆ ಕಾರಣವಾದಾಗ, ಕರೋನಾವನ್ನು ದೃಷ್ಟಿಯಲ್ಲಿಟ್ಟುಕೊಂಡು ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ, ಆದರೆ ಇದರ ಹಿಂದಿನ ನಿಜವಾದ ಕಾರಣ ಬೇರೆಯದ್ದೇ ಆಗಿದೆ.
ಟೈಮ್ಸ್ ಆಫ್ ಇಂಡಿಯಾ ವರದಿಯ ಪ್ರಕಾರ, 'ಬಿಸಿಸಿಐ ಚಾರ್ಟರ್ಡ್ ಫ್ಲೈಟ್‌ಗೆ 3.5 ಕೋಟಿ ರೂಪಾಯಿ ಖರ್ಚು ಮಾಡಿದೆ, ಇದು ತಂಡವನ್ನು ಮ್ಯಾಂಚೆಸ್ಟರ್‌ನಿಂದ ಪೋರ್ಟ್ ಆಫ್ ಸ್ಪೇನ್‌ಗೆ ರಾತ್ರಿ 11.30 ರವರೆಗೆ ಕರೆದೊಯ್ಯಿತು. ತಂಡಕ್ಕೆ ಚಾರ್ಟರ್ಡ್ ಫ್ಲೈಟ್ ಬುಕ್ ಮಾಡಲು ಕರೋನಾ ಕಾರಣವಲ್ಲ. ವಾಣಿಜ್ಯ ವಿಮಾನದಲ್ಲಿ ಇಷ್ಟು ಟಿಕೆಟ್ ಬುಕ್ ಮಾಡುವುದು ಕಷ್ಟ. ಭಾರತ ತಂಡವು ಕೋಚ್ ರಾಹುಲ್ ದ್ರಾವಿಡ್ ಸೇರಿದಂತೆ 16 ಆಟಗಾರರು ಮತ್ತು ಸಹಾಯಕ ಸಿಬ್ಬಂದಿಯನ್ನು ಒಳಗೊಂಡಿದೆ. ವೆಸ್ಟ್ ಇಂಡೀಸ್ ಗೆ ತೆರಳಿರುವ ಆಟಗಾರರ ಪತ್ನಿಯರೂ ಇದ್ದಾರೆ ಎಂದು ಹೇಳಲಾಗುತ್ತಿದೆ.
ಈ ಪ್ರಯಾಣವನ್ನು ಕಡಿಮೆ ವೆಚ್ಚದಲ್ಲಿ ಮಾಡಬಹುದಿತ್ತು
ಮೂಲಗಳು ಮಾಹಿತಿ ನೀಡಿದ ಪ್ರಕಾರ, 'ಸಾಮಾನ್ಯವಾಗಿ ಈ ವೆಚ್ಚವು ವಾಣಿಜ್ಯ ವಿಮಾನದಲ್ಲಿ ಸುಮಾರು 2 ಕೋಟಿ ರೂ. ಮ್ಯಾಂಚೆಸ್ಟರ್‌ನಿಂದ ಪೋರ್ಟ್ ಆಫ್ ಸ್ಪೇನ್‌ಗೆ ಬಿಸಿನೆಸ್ ಕ್ಲಾಸ್ ಟಿಕೆಟ್‌ಗೆ ಸುಮಾರು 2 ಲಕ್ಷ ರೂ. ಚಾರ್ಟರ್ಡ್ ಫ್ಲೈಟ್ ಹೆಚ್ಚು ದುಬಾರಿಯಾಗಿದೆ, ಆದರೆ ಇದು ತಾರ್ಕಿಕ ಆಯ್ಕೆಯಾಗಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ : Shoaib Akhtar : ಹಾರ್ದಿಕ್ ಪಾಂಡ್ಯಗೆ ಪ್ರಮುಖ ಸಲಹೆ ನೀಡಿದ ಪಾಕ್ ಮಾಜಿ ಕ್ರಿಕೆಟರ್..!
ಟೀಂ ಇಂಡಿಯಾ ವೆಸ್ಟ್ ಇಂಡೀಸ್ ಪ್ರವಾಸ
ಜುಲೈ 22: 1ನೇ ODI ಪಂದ್ಯ
ಜುಲೈ 24: 2ನೇ ODI ಪಂದ್ಯ
ಜುಲೈ 27: ಮೂರನೇ ODI ಪಂದ್ಯ
ಜುಲೈ 29 : 1ನೇ ಟಿ20ಐ ಪಂದ್ಯ
ಆಗಸ್ಟ್ 1: ಎರಡನೇ ಟಿ20 ಪಂದ್ಯ
ಆಗಸ್ಟ್ 2: ಮೂರನೇ ಟಿ20 ಪಂದ್ಯ
ಆಗಸ್ಟ್ 6: ನಾಲ್ಕನೇ ಟಿ20 ಪಂದ್ಯ
ಆಗಸ್ಟ್ 7: ಐದನೇ ಟಿ20 ಪಂದ್ಯ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
