Whatsapp Tips And Tricks: ವಾಟ್ಸಾಪ್‌ನಲ್ಲಿ ಮರೆತೂ ಮಾಡದಿರಿ ಈ ತಪ್ಪು, ಇಲ್ಲವೇ ತೊಂದರೆಗೆ ಸಿಲುಕಬೇಕಾದೀತು

WhatsApp ಬಳಸುವಾಗ ನೀವು ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು, ಏಕೆಂದರೆ ಒಂದು ಸಣ್ಣ ತಪ್ಪು ನಿಮ್ಮನ್ನು ದೊಡ್ಡ ತೊಂದರೆಗೆ ಸಿಲುಕಿಸುತ್ತದೆ.

Whatsapp Tips And Tricks

ನವದೆಹಲಿ: ವಾಟ್ಸಾಪ್ (WhatsApp) ಇಂದು ಬಳಕೆದಾರರಲ್ಲಿ ಜನಪ್ರಿಯ ಸಂದೇಶ ಅಪ್ಲಿಕೇಶನ್ ಆಗಿದೆ. ಮಕ್ಕಳಾಗಲಿ ಅಥವಾ ವೃದ್ಧರಾಗಲಿ ಎಲ್ಲಾ ವಯಸ್ಸಿನವರೂ ಇಂದು ವಾಟ್ಸಾಪ್ ಬಳಸುತ್ತಾರೆ. ಇದಕ್ಕೆ ದೊಡ್ಡ ಕಾರಣವೆಂದರೆ WhatsApp ಬಳಸುವುದು ತುಂಬಾ ಸುಲಭ ಮತ್ತು ಇಲ್ಲಿ ನೀವು ಸಂದೇಶದಿಂದ ಕರೆ ಮಾಡುವವರೆಗೆ ಹಲವು ವೈಶಿಷ್ಟ್ಯಗಳನ್ನು ಪಡೆಯುತ್ತೀರಿ. 

WhatsApp ನಲ್ಲಿ, ಪ್ರೊಫೈಲ್ ಚಿತ್ರ ಮತ್ತು ಸ್ಥಿತಿಯನ್ನು ಹೊಂದಿಸುವುದರೊಂದಿಗೆ ನೀವು ಪ್ರಮುಖ ಸಂದೇಶಗಳನ್ನು ಉಳಿಸಬಹುದು. ಇದರಲ್ಲಿ ನೀಡಿರುವ ವೈಶಿಷ್ಟ್ಯಗಳು ತುಂಬಾ ಪ್ರಯೋಜನಕಾರಿ ಆಗಿದೆ. ಆದರೆ ಕೆಲವೊಮ್ಮೆ ಒಂದು ಸಣ್ಣ ತಪ್ಪು ಕೂಡ ನಿಮ್ಮನ್ನು ದೊಡ್ಡ ತೊಂದರೆಗೆ ಸಿಲುಕಿಸಬಹುದು. ಅದಕ್ಕಾಗಿಯೇ ನೀವು WhatsApp ಬಳಸುವಾಗ ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಬಹಳ ಮುಖ್ಯ. ಇಲ್ಲದಿದ್ದರೆ ನೀವು ಭಾರೀ ಸಮಸ್ಯೆಯನ್ನು ಎದುರಿಸಬೇಕಾಗಬಹುದು.  ನಿಮಗೆ ಹಾನಿ ಮಾಡುವಂತಹ ತಪ್ಪುಗಳ ಬಗ್ಗೆ ಈ ಲೇಖನದಲ್ಲಿ ನಾವು ನಿಮಗೆ ಮಾಹಿತಿ ನೀಡಲಿದ್ದೇವೆ.

ಇದನ್ನೂ ಓದಿ -  Book vaccination Slot on WhatsApp: ವ್ಯಾಕ್ಸಿನ್ ಗಾಗಿ ಇನ್ಮುಂದೆ WhatsApp ಮೇಲೂ ಸ್ಲಾಟ್ ಬುಕ್ ಮಾಡಬಹುದು, ಈ ರೀತಿ ನಿಮ್ಮ ಸರ್ಟಿಫಿಕೆಟ್ ಡೌನ್ಲೋಡ್ ಮಾಡಿ

ಅಪರಿಚಿತ ಸಂಖ್ಯೆಗಳನ್ನು ಉಳಿಸಬೇಡಿ:
ಸಾಮಾನ್ಯವಾಗಿ ನೀವು ಕ್ಯಾಬ್ ಅಥವಾ ಡೆಲಿವರಿ ಬಾಯ್ ಗೆ ವಾಟ್ಸಾಪ್ (WhatsApp) ನಲ್ಲಿ ಸ್ಥಳ ಹಂಚಿಕೊಳ್ಳುತ್ತೀರಿ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಅವರ ಸಂಖ್ಯೆಯನ್ನು ಫೋನ್‌ನಲ್ಲಿ ಉಳಿಸಬೇಕಾಗುತ್ತದೆ. ಆದರೆ ಹಲವು ಬಾರಿ ನೀವು ಆ ಸಂಖ್ಯೆಯನ್ನು ಡಿಲೀಟ್ ಮಾಡುವುದನ್ನು ಮರೆಯಬಹುದು. ಇಂತಹ ಅಪರಿಚಿತ ಸಂಖ್ಯೆಗಳನ್ನು ವಾಟ್ಸಾಪ್‌ನಲ್ಲಿ (WhatsApp) ಸೇವ್ ಮಾಡುವುದರಿಂದ ನಿಮ್ಮ ಪ್ರೊಫೈಲ್ ಫೋಟೋ ಮತ್ತು ಸ್ಟೇಟಸ್ ಅನ್ನು ಅಪರಿಚಿತರೂ ನೋಡಲು ಸಾಧ್ಯವಾಗುತ್ತದೆ. ಹಾಗಾಗಿ ಅಪರಿಚಿತ ಸಂಖ್ಯೆಗಳನ್ನು ಸೇವ್ ಮಾಡುವುದನ್ನು ತಪ್ಪಿಸಲು ಪ್ರಯತ್ನಿಸಿ. 

ಪೋರ್ನ್ ವಿಡಿಯೋಗಳನ್ನು ಕಳುಹಿಸಬೇಡಿ:
ವಾಟ್ಸಾಪ್‌ನಲ್ಲಿ ಪೋರ್ನ್ ವಿಡಿಯೋಗಳನ್ನು ಕಳುಹಿಸುವುದರಿಂದ ನಿಮ್ಮನ್ನು ಜೈಲಿಗೆ ತಳ್ಳಬಹುದು. ಅಂತಹ ವೀಡಿಯೊಗಳನ್ನು ಕಳುಹಿಸುವಾಗ ನಿಮ್ಮ ಸಂಖ್ಯೆಯನ್ನು ಯಾರಾದರೂ ವರದಿ ಮಾಡಿದರೆ, ನಿಮ್ಮ ಖಾತೆಯನ್ನು ಸಹ ನಿಷೇಧಿಸಬಹುದು. ಇಂತಹ ಪರಿಸ್ಥಿತಿಯಲ್ಲಿ, ಅಸಭ್ಯ ವೀಡಿಯೊಗಳನ್ನು ತಪ್ಪಾಗಿಯೂ ಯಾರಿಗೂ ಕಳುಹಿಸಬೇಡಿ. 

ಪ್ರೊಫೈಲ್ ಫೋಟೋದಲ್ಲಿ ಹೆಚ್ಚು ವಿವರಗಳನ್ನು ಹಾಕಬೇಡಿ:
ನಿಮ್ಮ ಪ್ರೊಫೈಲ್ ಫೋಟೋವನ್ನು ನೀವು ಹಾಕಿದಾಗಲೆಲ್ಲಾ ಅದರಲ್ಲಿ ಹೆಚ್ಚಿನ ವಿವರಗಳನ್ನು ಹಾಕದಂತೆ ಗಮನವಹಿಸಿ. ವಾಟ್ಸಾಪ್‌ನಲ್ಲಿ ಫೋಟೋಗಳನ್ನು (Whatsapp Photos) ಹಾಕುವಾಗ ಜಾಗರೂಕರಾಗಿರುವುದು ಬಹಳ ಮುಖ್ಯ. ಪ್ರೊಫೈಲ್ ಫೋಟೋದಲ್ಲಿ ನಿಮ್ಮ ಸೊಸೈಟಿ ಪ್ರದೇಶದ ಹೆಸರು ಕಾಣಿಸಲು ಬಿಡಬೇಡಿ, ಹಾಗೆಯೇ ಫೋಟೋದಲ್ಲಿ ಕಾರು ಅಥವಾ ಬೈಕ್ ಸಂಖ್ಯೆಯನ್ನು ಉಲ್ಲೇಖಿಸದಿರುವುದು ಉತ್ತಮ. ಇದು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಸೋರಿಕೆ ಮಾಡಬಹುದು.

ಇದನ್ನೂ ಓದಿ -  Whatsappನಲ್ಲಿ ಈ ಎರಡು ಕೆಲಸಗಳನ್ನು ಎಂದಿಗೂ ಮಾಡಬೇಡಿ, ಇಲ್ಲವೇ ನಿಮ್ಮ ಅಕೌಂಟ್ ಬ್ಯಾನ್ ಆಗುತ್ತೆ

ಎರಡು ಹಂತದ ಪರಿಶೀಲನೆ ಬಹಳ ಮುಖ್ಯ:
ವಾಟ್ಸಾಪ್‌ನಲ್ಲಿ ಭದ್ರತೆಯ ದೃಷ್ಟಿಯಿಂದ, ಎರಡು-ಹಂತದ ಪರಿಶೀಲನೆಯನ್ನು (Two-step verification) ಮಾಡುವುದು ಬಹಳ ಮುಖ್ಯ. ಇದರ ಮೂಲಕ, ನೀವು 6-ಅಂಕಿಯ ಪಿನ್ ಅನ್ನು ಹೊಂದಿಸಬೇಕು. ಅದರ ನಂತರ ಯಾವುದೇ ಸಂಖ್ಯೆಯಲ್ಲಿ ನಿಮ್ಮ ಸಂಖ್ಯೆಗೆ ಲಾಗಿನ್ ಮಾಡಲು ಈ ಪಿನ್ ಅಗತ್ಯವಿದೆ. ಅಲ್ಲದೆ, ಭದ್ರತೆಗಾಗಿ, ಮಧ್ಯದಲ್ಲಿ ಯಾವುದೇ ಸಮಯದಲ್ಲಿ ನಿಮಗೆ ಈ ಸಂಖ್ಯೆಯನ್ನು ಕೇಳಬಹುದು.