ನವದೆಹಲಿ: ಜನಪ್ರಿಯ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ವಾಟ್ಸಾಪ್ ತನ್ನ ಬಳಕೆದಾರರಿಗೆ ಗೌಪ್ಯತೆ ನೀತಿಯಲ್ಲಿ ಬದಲಾವಣೆಯನ್ನು ಸ್ವೀಕರಿಸಲು ಮೇ 15 ಅನ್ನು ನಿಗದಿಪಡಿಸಿತ್ತು, ಆದರೆ ನಂತರ ಬಳಕೆದಾರರು ವಿವಾದಾತ್ಮಕ ನವೀಕರಣವನ್ನು ಸ್ವೀಕರಿಸುವ ಗಡುವನ್ನು ರದ್ದುಗೊಳಿಸಿತು.ನಿಯಮಗಳನ್ನು ಸ್ವೀಕರಿಸದಿರುವುದು ಖಾತೆಗಳನ್ನು ಅಳಿಸಲು ಕಾರಣವಾಗುವುದಿಲ್ಲ ಎಂದು ವಾಟ್ಸಪ್ ಹೇಳಿದೆ.
ಇದನ್ನೂ ಓದಿ : ಒಮ್ಮೆಗೆ ಡೌನ್ ಆದ Facebook, WhatsApp, Instagram- ಟ್ವಿಟರ್‌ನಲ್ಲಿ ಮೈಮ್‌ಗಳ ಪ್ರವಾಹ
ಈ ಹಿಂದೆ ಮೂಲ ಕಂಪನಿ ಫೇಸ್‌ಬುಕ್‌ನೊಂದಿಗೆ ಡೇಟಾವನ್ನು ಹಂಚಿಕೊಳ್ಳಲಾಗುತ್ತಿದೆ ಎಂಬ ಬಳಕೆದಾರರ ಕಳವಳದಿಂದಾಗಿ ವಾಟ್ಸಾಪ್ (WhatsApp) ತೀವ್ರ ಹಿನ್ನಡೆ ಅನುಭವಿಸಿತ್ತು, ಇದರಿಂದಾಗಿ ಬಹುತೇಕ ಬಳಕೆದಾರರು ಸಿಗ್ನಲ್ ಮತ್ತು ಟೆಲಿಗ್ರಾಂ ನಂತಹ ಮೆಸೆಂಜರ್ ಸೇವೆಗಳಿಗೆ ಮೊರೆ ಹೋಗಿದ್ದರು.
ಆದಾಗ್ಯೂ, ಗೌಪ್ಯತೆ ನೀತಿಗಳನ್ನು ಸ್ವೀಕರಿಸದವರ ಕಾರ್ಯವನ್ನು ವಾಟ್ಸಾಪ್ ಸೀಮಿತಗೊಳಿಸುತ್ತದೆ ಎಂದು ಹೇಳಲಾಗುತ್ತಿರುವುದರಿಂದ ಅದು ಈಗ ತನ್ನ ನಿಲುವನ್ನು ಬದಲಾಯಿಸಿಕೊಂಡಿದೆ ಎನ್ನಲಾಗಿದೆ. ವಾಟ್ಸಾಪ್ ಬಳಕೆದಾರರು ತಮ್ಮ ಖಾತೆಯನ್ನು ಸಂಪೂರ್ಣವಾಗಿ ಕಳೆದುಕೊಳ್ಳುವುದಿಲ್ಲ, ಆದರೆ ಇದು ಮೊದಲಿಗಿಂತ ಹೆಚ್ಚಿನ ಸಮಸ್ಯೆಗಳನ್ನು ಸೃಷ್ಟಿಸುತ್ತಿದೆ ಎನ್ನಲಾಗಿದೆ.
ಇದನ್ನು ಓದಿ: ದೆಹಲಿಯಲ್ಲಿನ ಬಡ ಕನ್ನಡಿಗರ ಕುಟುಂಬಗಳಿಗೆ ಯೂತ್ ಕಾಂಗ್ರೆಸ್ ಅಧ್ಯಕ್ಷ ಶ್ರೀನಿವಾಸ್ ನೆರವು
ಕಂಪನಿಯು ನಿರಂತರ ಜ್ಞಾಪನೆಗಳನ್ನು ಕಳುಹಿಸಿದ ನಂತರವೂ ಬಳಕೆದಾರರು ನೀತಿಯನ್ನು ಸ್ವೀಕರಿಸಲು ಅಥವಾ ಅದನ್ನು ನಿರಾಕರಿಸಲು ಬಯಸದಿದ್ದರೆ, ಅದರ ಕೆಲವು ವೈಶಿಷ್ಟ್ಯಗಳನ್ನು ಬಳಸಲು ಅವರಿಗೆ ಸಾಧ್ಯವಾಗುವುದಿಲ್ಲ. ಆದಾಗ್ಯೂ, ಈ ವೈಶಿಷ್ಟ್ಯಗಳನ್ನು ಬಳಸುವ ಏಕೈಕ ಮಾರ್ಗವೆಂದರೆ ಅದರ ನೂತನ ನೀತಿಯನ್ನು ಸಂಪೂರ್ಣವಾಗಿ ಒಪ್ಪಿಕೊಳ್ಳಬೇಕಾಗುತ್ತದೆ.
'ಕೆಲವು ವಾರಗಳ ಸೀಮಿತ ಕಾರ್ಯದ ನಂತರ, ನಿಮಗೆ ಒಳಬರುವ ಕರೆಗಳು ಅಥವಾ ನೋಟಿಫಿಕೇಶನ್ ಗಳನ್ನು ಸ್ವೀಕರಿಸಲು ಸಾಧ್ಯವಾಗುವುದಿಲ್ಲ ಮತ್ತು ನಿಮ್ಮ ಫೋನ್‌ಗೆ ಸಂದೇಶಗಳು ಮತ್ತು ಕರೆಗಳನ್ನು ಕಳುಹಿಸುವುದನ್ನು ವಾಟ್ಸಾಪ್ ನಿಲ್ಲಿಸುತ್ತದೆ. ಆ ಸಮಯದಲ್ಲಿ, ಬಳಕೆದಾರರು ಹೊಸ ನಿಯಮಗಳನ್ನು ಸ್ವೀಕರಿಸಬೇಕು, ಅಥವಾ ಅವರು ವಾಟ್ಸಾಪ್ ಬಳಕೆಯನ್ನು ಸ್ಥಗಿತಗೊಳಿಸಬೇಕು ಎನ್ನುವ ಕಂಪನಿಯ ಹೇಳಿಕೆಯನ್ನು ದಿ ಗಾರ್ಡಿಯನ್ ಪತ್ರಿಕೆ ಉಲ್ಲೇಖಿಸಿದೆ.
ಇದನ್ನೂ ಓದಿ : ಯುವಕರಿಗೆ ಕೊರೊನಾ ಬರುವ ಸಾಧ್ಯತೆ ಜಾಸ್ತಿ..! ಕಾರಣವೇನು ಗೊತ್ತೇ
ಟೀಕೆಗಳನ್ನು ಎದುರಿಸಿದ ನಂತರ, ಹೊಸ ಗೌಪ್ಯತೆ ನೀತಿಯನ್ನು ಬಳಕೆದಾರರು ಸ್ವೀಕರಿಸಲು ವಾಟ್ಸಾಪ್ ಸುಲಭಗೊಳಿಸಿತು. ಈ ನೂತನ ನೀತಿಯನ್ನು ಇನ್ನೂ ಸ್ವೀಕರಿಸದವರಿಗೆ ಚಾಟ್ ಪಟ್ಟಿಗಳು, ಸಂದೇಶಗಳನ್ನು ಕಳುಹಿಸುವುದು ಮತ್ತು ಸ್ವೀಕರಿಸುವುದು ಮತ್ತು ಅಪ್ಲಿಕೇಶನ್‌ನಲ್ಲಿರುವ ಮತ್ತು ಇನ್ನಿತರ ವೈಶಿಷ್ಟ್ಯಗಳನ್ನು ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ ಎನ್ನಲಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
![Lok Sabha Election 2024: "ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಮೀಸಲಾತಿ ಮಿತಿ ಶೇ 50 ಕ್ಕಿಂತಲೂ ಹೆಚ್ಚಳ"](https://kannada.cdn.zeenews.com/kannada/sites/default/files/styles/zm_175x100/public/2024/04/24/400912-kpnanjundi.png?itok=wMqp2FnZ "Lok Sabha Election 2024: "ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಮೀಸಲಾತಿ ಮಿತಿ ಶೇ 50 ಕ್ಕಿಂತಲೂ ಹೆಚ್ಚಳ"")
