World's first living robots: ವಿಶ್ವದ ಮೊದಲ "Living robots"ಈಗ ಸಂತಾನೋತ್ಪತ್ತಿ ಮಾಡಬಹುದು: ಅಚ್ಚರಿ ತಂದ ವಿಜ್ಞಾನಿಗಳ ಹೇಳಿಕೆ

World's first living robots: ಯುನೈಟೆಡ್ ಸ್ಟೇಟ್ಸ್ ಮೂಲದ ವಿಜ್ಞಾನಿಗಳು ಈ ರೋಬೋಟ್‌ಗಳು ಯಾವುದೇ ಸಸ್ಯ ಅಥವಾ ಪ್ರಾಣಿಗಳಿಗಿಂತ ವಿಭಿನ್ನ ರೀತಿಯಲ್ಲಿ ಸಂತಾನೋತ್ಪತ್ತಿ ಮಾಡಬಹುದು ಎಂದು ಕಂಡುಹಿಡಿದಿದ್ದಾರೆ ಎಂದು ವರದಿಯೊಂದು ಹೇಳಿದೆ.

Written by - ZH Kannada Desk | Last Updated : Nov 30, 2021, 01:39 PM IST
  • ವಿಶ್ವದ ಮೊದಲ "Living robots"ಈಗ ಸಂತಾನೋತ್ಪತ್ತಿ ಮಾಡಬಹುದು
  • ಯಾವುದೇ ಸಸ್ಯ ಅಥವಾ ಪ್ರಾಣಿಗಳಿಗಿಂತ ವಿಭಿನ್ನ ರೀತಿಯಲ್ಲಿ ಸಂತಾನೋತ್ಪತ್ತಿ
  • ಯುನೈಟೆಡ್ ಸ್ಟೇಟ್ಸ್ ಮೂಲದ ವಿಜ್ಞಾನಿಗಳ ಸಂಶೋಧನೆ
World's first living robots: ವಿಶ್ವದ ಮೊದಲ "Living robots"ಈಗ ಸಂತಾನೋತ್ಪತ್ತಿ ಮಾಡಬಹುದು: ಅಚ್ಚರಿ ತಂದ ವಿಜ್ಞಾನಿಗಳ ಹೇಳಿಕೆ

World's first living robots: ವಿಶ್ವದ ಮೊದಲ ಜೀವಂತ ರೋಬೋಟ್‌ಗಳನ್ನು (Living robots) ರಚಿಸಿದ ನಂತರ, ಯುನೈಟೆಡ್ ಸ್ಟೇಟ್ಸ್ ಮೂಲದ ವಿಜ್ಞಾನಿಗಳು ಈಗ ಈ ರೋಬೋಟ್‌ಗಳು ಯಾವುದೇ ಸಸ್ಯ ಅಥವಾ ಪ್ರಾಣಿಗಳಿಗಿಂತ ವಿಭಿನ್ನ ರೀತಿಯಲ್ಲಿ ಸಂತಾನೋತ್ಪತ್ತಿ ಮಾಡಬಹುದು ಎಂದು ಕಂಡುಹಿಡಿದಿದ್ದಾರೆ ಎಂದು ವರದಿಯೊಂದು ಹೇಳಿದೆ. ವಿಜ್ಞಾನಿಗಳು ಕ್ಸೆನೋಬೋಟ್‌ಗಳನ್ನು (xenobots) "ಸ್ವಯಂ-ನಕಲಿಸುವ ಮೊದಲ ಜೀವಂತ ರೋಬೋಟ್‌ಗಳು" ಎಂದು ಕರೆದಿದ್ದಾರೆ.

ಆ ರೋಬೋಟ್‌ಗಳು (World's first living robots) ಚಲಿಸಬಹುದು, ಗುಂಪುಗಳಲ್ಲಿ ಒಟ್ಟಿಗೆ ಕೆಲಸ ಮಾಡಬಹುದು ಮತ್ತು ಸ್ವಯಂ-ಗುಣಪಡಿಸುವ ಲಕ್ಷಣಗಳನ್ನು ಹೊಂದಿವೆ ವರ್ಮೊಂಟ್ ವಿಶ್ವವಿದ್ಯಾಲಯ, ಟಫ್ಟ್ಸ್ ವಿಶ್ವವಿದ್ಯಾಲಯ ಮತ್ತು ಹಾರ್ವರ್ಡ್ ವಿಶ್ವವಿದ್ಯಾಲಯದ ವೈಸ್ ಇನ್‌ಸ್ಟಿಟ್ಯೂಟ್ ಫಾರ್ ಬಯೋಲಾಜಿಕಲ್ ಇನ್‌ಸ್ಪೈರ್ಡ್ ಇಂಜಿನಿಯರಿಂಗ್‌ನ ವಿಜ್ಞಾನಿಗಳ ಗುಂಪು ಕಂಡುಹಿಡಿದಿದೆ. 

ಕ್ಸೆನೋಬೋಟ್‌ಗಳು (xenobots) ಒಂದು ಮಿಲಿಮೀಟರ್‌ಗಿಂತ ಕಡಿಮೆ ಗಾತ್ರವನ್ನು ಹೊಂದಿದ್ದು, ಆಫ್ರಿಕನ್ ಕ್ಲಾವ್ಡ್ ಫ್ರಾಗ್‌ನ (African clawed frog) ಸ್ಟೆಮ್ ಸೆಲ್ಸ್ ಗಳಿಂದ ರಚಿಸಲಾಗಿದೆ. ವೈಜ್ಞಾನಿಕವಾಗಿ ಕ್ಸೆನೋಪಸ್ ಲೇವಿಸ್ (Xenopus laevis) ಎಂದು ಕರೆಯಲಾಗುತ್ತದೆ. ಹೊಸ ಆವಿಷ್ಕಾರವು ವೈದ್ಯಕೀಯ ಕ್ಷೇತ್ರದಲ್ಲಿ ಫಲಪ್ರದವಾಗಬಲ್ಲದು ಎಂದು ವಿಜ್ಞಾನಿಗಳು ನಂಬಿದ್ದಾರೆ. 

ಇದನ್ನು ಅಭಿವೃದ್ಧಿಪಡಿಸಿದ ವಿಜ್ಞಾನಿಗಳು ವಿಜ್ಞಾನಕ್ಕೆ ತಿಳಿದಿರುವ ಯಾವುದೇ ಪ್ರಾಣಿ ಅಥವಾ ಸಸ್ಯಕ್ಕಿಂತ ವಿಭಿನ್ನವಾದ ಜೈವಿಕ ಸಂತಾನೋತ್ಪತ್ತಿಯ ಸಂಪೂರ್ಣ ಹೊಸ ರೂಪವನ್ನು ಕಂಡುಹಿಡಿದಿದ್ದಾರೆ ಎಂದು ಹೇಳಿದರು.

"ನಾನು ಅದರಿಂದ ಆಶ್ಚರ್ಯಚಕಿತನಾದೆ. ಕಪ್ಪೆಗಳು ಸಾಮಾನ್ಯವಾಗಿ ಬಳಸುವ ಪುನರುತ್ಪಾದನೆಯ ವಿಧಾನವನ್ನು ಹೊಂದಿವೆ ಆದರೆ ನೀವು ಭ್ರೂಣದ ಉಳಿದ ಭಾಗದಿಂದ (ಕೋಶಗಳನ್ನು) ಮುಕ್ತಗೊಳಿಸಿದಾಗ ಮತ್ತು ಹೊಸ ಪರಿಸರದಲ್ಲಿ ಹೇಗೆ ಇರಬೇಕೆಂದು ಲೆಕ್ಕಾಚಾರ ಮಾಡಲು ನೀವು ಅವರಿಗೆ ಅವಕಾಶವನ್ನು ನೀಡುತ್ತೀರಿ. ಅವು ಚಲಿಸಲು ಹೊಸ ಮಾರ್ಗವನ್ನು ಕಂಡುಕೊಳ್ಳುತ್ತದೆ. ಅಲ್ಲದೆ, ಸಂತಾನೋತ್ಪತ್ತಿ ಮಾಡಲು ಹೊಸ ಮಾರ್ಗವನ್ನು ಸಹ ಕಂಡುಕೊಳ್ಳುತ್ತಾರೆ." ಎಂದು ಹೊಸ ಸಂಶೋಧನೆಯ ಸಹ-ಮುಖ್ಯ ಲೇಖಕರಾಗಿದ್ದ ಟಫ್ಟ್ಸ್ ವಿಶ್ವವಿದ್ಯಾಲಯದ ಅಲೆನ್ ಡಿಸ್ಕವರಿ ಸೆಂಟರ್‌ನ ಜೀವಶಾಸ್ತ್ರದ ಪ್ರಾಧ್ಯಾಪಕ ಮತ್ತು ನಿರ್ದೇಶಕ ಮೈಕೆಲ್ ಲೆವಿನ್ ಹೇಳಿದರು.

ಸ್ಟೆಮ್ ಸೆಲ್‌ಗಳು (Stem cells) ವಿಶೇಷವಲ್ಲದ ಕೋಶಗಳಾಗಿವೆ. ಅವುಗಳು ವಿಭಿನ್ನ ಕೋಶ ಪ್ರಕಾರಗಳಾಗಿ ಬೆಳೆಯುವ ಸಾಮರ್ಥ್ಯವನ್ನು ಹೊಂದಿವೆ. ಕ್ಸೆನೋಬೋಟ್‌ಗಳನ್ನು (xenobots) ತಯಾರಿಸಲು, ಸಂಶೋಧಕರು ಕಪ್ಪೆ ಭ್ರೂಣಗಳಿಂದ ಜೀವಂತ ಸ್ಟೆಮ್ ಸೆಲ್‌ಗಳನ್ನು ಬಳಸಿದ್ದಾರೆ. 

"ಹೆಚ್ಚಿನ ಜನರು ರೋಬೋಟ್‌ಗಳನ್ನು ಲೋಹಗಳು ಮತ್ತು ಪಿಂಗಾಣಿಗಳಿಂದ ಮಾಡಲ್ಪಟ್ಟಿದೆ ಎಂದು ಭಾವಿಸುತ್ತಾರೆ. ಇದು ರೋಬೋಟ್. ಆದರೆ ಇದು ಸ್ಪಷ್ಟವಾಗಿ ತಳೀಯವಾಗಿ ಮಾರ್ಪಡಿಸದ ಕಪ್ಪೆ ಕೋಶದಿಂದ ಮಾಡಲ್ಪಟ್ಟ ಜೀವಿಯಾಗಿದೆ" ಎಂದು ಕಂಪ್ಯೂಟರ್ ವಿಜ್ಞಾನ ಮತ್ತು ರೊಬೊಟಿಕ್ಸ್ ಪ್ರಾಧ್ಯಾಪಕ ಜೋಶ್ ಬೊಂಗಾರ್ಡ್ ಹೇಳಿದರು. 

ಇದನ್ನೂ ಓದಿ-Nomination Of Omicron: ಚೀನಾ ರಾಷ್ಟ್ರಪತಿ ಜಿನ್ಪಿಂಗ್ ಗೆ ಹೆದರಿ ಹೊಸ ಕೊರೊನಾ ತಳಿಗೆ 'ಒಮಿಕ್ರೋನ್' ಹೆಸರಿಡಲಾಗಿದೆಯಂತೆ! ಏನಿದೆ ಕನೆಕ್ಷನ್?

"ಆರಂಭದಲ್ಲಿ ಗೋಳಾಕಾರದ ಮತ್ತು ಸುಮಾರು 3,000 ಕೋಶಗಳಿಂದ ಮಾಡಿದ ಕ್ಸೆನೋಬೋಟ್‌ಗಳು ಪುನರಾವರ್ತಿಸಬಹುದು. ಆದರೆ ಇದು ವಿರಳವಾಗಿ ಮತ್ತು ನಿರ್ದಿಷ್ಟ ಸಂದರ್ಭಗಳಲ್ಲಿ ಮಾತ್ರ ಸಂಭವಿಸಿತು. ಕ್ಸೆನೋಬೋಟ್‌ಗಳು "ಕೈನೆಟಿಕ್ ರೆಪ್ಲಿಕೇಶನ್" (kinetic replication)ಅನ್ನು ಬಳಸಿದವು. ಇದು ಆಣ್ವಿಕ ಮಟ್ಟದಲ್ಲಿ ಸಂಭವಿಸುತ್ತದೆ ಎಂದು ತಿಳಿದಿದೆ. ಆದರೆ ಇಡೀ ಜೀವಕೋಶಗಳು ಅಥವಾ ಜೀವಿಗಳ ಪ್ರಮಾಣದಲ್ಲಿ ಹಿಂದೆಂದೂ ಗಮನಿಸಲಾಗಿಲ್ಲ" ಎಂದು ಬೊಂಗಾರ್ಡ್ ಹೇಳಿದರು.

ಇದನ್ನೂ ಓದಿ-First photo of Omicron:ಡೆಲ್ಟಾಕ್ಕಿಂತ ಹೆಚ್ಚು ರೂಪಾಂತರಗೊಂಡ ವೈರಸ್ ಹೀಗಿದೆ ನೋಡಿ..

ಅಧ್ಯಯನವನ್ನು ಸೋಮವಾರ ಪೀರ್-ರಿವ್ಯೂವಡ್ (peer-reviewed)ವೈಜ್ಞಾನಿಕ ಜರ್ನಲ್ PNAS ನಲ್ಲಿ ಪ್ರಕಟಿಸಲಾಗಿದೆ.

ಇದನ್ನೂ ಓದಿ-ಓಮಿಕ್ರಾನ್ 'ಎಚ್ಚರಿಕೆಯ ಗಂಟೆ' ಯಾಗಿರಬಹುದು: WHO ವಿಜ್ಞಾನಿ

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು TwitterFacebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ

 

More Stories

Trending News