Viral Video: ಯುವತಿಯ ಜೊತೆ ಕುಳಿತಿದ್ದ ಯುವಕನ ಮೇಲೆ ಗುಂಡಿನ ಸುರಿಮಳೆ!

CCTV Shows Chilling Murder: ಕೊಲೆಯಾದ ಅಮನ್ ಜೊತೆ ಕುಳಿತುಕೊಂಡಿದ್ದ ಮಹಿಳೆಯ ಬಗ್ಗೆ ಪೊಲೀಸರಿಗೆ ಅನುಮಾನ ವ್ಯಕ್ತವಾಗಿದೆ. ಆಕೆ ಅಮನ್‌ನ ಸ್ಮಾರ್ಟ್‌ಫೋನ್‌ & ವ್ಯಾಲೆಟ್‌ನೊಂದಿಗೆ ಎಸ್ಕೇಪ್‌ ಆಗಿದ್ದಾಳೆ. ಕ್ರಿಮಿನಲ್‌ ದಾಖಲೆ ಹೊಂದಿರುವ ಆಕೆಯನ್ನು ಪತ್ತೆಹಚ್ಚಲಾಗುತ್ತಿದೆ.

ಯುವಕನ ಮೇಲೆ ಗುಂಡಿನ ದಾಳಿ!

Murder Viral Video: ಬರ್ಗರ್ ಕಿಂಗ್ ಔಟ್‌ಲೆಟ್‌ನೊಳಗೆ ಮಹಿಳೆಯೊಬ್ಬರ ಜೊತೆ ಕುಳಿತಿದ್ದ ಯುವಕನ ಮೇಲೆ ಗುಂಡಿನ ಸುರಿಮಳೆಗೈದಿರುವ ಘಟನೆ ಪಶ್ಚಿಮ ದೆಹಲಿಯ ರಜೌರಿ ಗಾರ್ಡನ್‌ನಲ್ಲಿ ನಡೆದಿದೆ. ಈ ಭೀಕರ ಕೊಲೆಯ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ನೋಡಲು ಭಯಾನಕವಾಗಿದೆ. ಗುಂಡಿಗೆ ಬಲಿಯಾದ ಯುವಕನನ್ನು 26 ವರ್ಷದ ಅಮನ್ ಎಂದು ಗುರುತಿಸಲಾಗಿದೆ.  

ಜೂನ್ 18ರಂದು ಅಮನ್ ಬರ್ಗರ್ ಕಿಂಗ್ ಔಟ್‌ಲೆಟ್‌ನೊಳಗೆ ಮಹಿಳೆಯೊಬ್ಬರ ಜೊತೆಗೆ ಕುಳಿತುಕೊಂಡಿದ್ದ. ಆಕೆ ತನ್ನ ಸ್ಮಾರ್ಟ್‌ಫೋನ್‌ನಲ್ಲಿನ ಫೋಟೋವನ್ನು ಆತನಿಗೆ ತೋರಿಸುತ್ತಿದ್ದಳು. ರಾತ್ರಿ 9.41ರ ವೇಳೆ ಈ ದಾಳಿ ನಡೆದಿದೆ. ಅಮನ್ ಹಿಂದೆ ಕುಳಿತಿದ್ದ ಇಬ್ಬರು ವ್ಯಕ್ತಿಗಳು ಆತನ ಮೇಲೆ ಗುಂಡು ಹಾರಿಸಿದ್ದಾರೆ. ಗುಂಡೇಟಿನ ಶಬ್ಧಕ್ಕೆ ಭಯಬಿದ್ದ ಜನರು ಸ್ಥಳದಿಂದ ಓಡಿಹೋಗಿದ್ದಾರೆ. 

ಇದನ್ನೂ ಓದಿ: ಯುಜಿಸಿ-ನೆಟ್ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ 6 ಲಕ್ಷ ರೂ,ಗೆ ಮಾರಾಟ-ವರದಿ

CCTV Shows Chilling Murder Inside Burger King In Delhi, Man Shot Nearly 40 Times https://t.co/hy7I8IcN9h pic.twitter.com/WYJjM03bnZ

— NDTV (@ndtv) June 20, 2024

ಕೂಡಲೇ ಅಮನ್ ಬಿಲ್ಲಿಂಗ್ ಕೌಂಟರ್ ಕಡೆಗೆ ಓಡಿದ್ದಾನೆ. ಆಗ ದಾಳಿಕೋರರು ಆತನನ್ನು ಹಿಂಬಾಲಿಸಿ ಹಲವು ಬಾರಿ ಗುಂಡು ಹಾರಿಸಿದ್ದಾರೆ. ಈ ಘಟನೆಯಿಂದ ಬೆಚ್ಚಿಬಿದ್ದ ಜನರು ಸ್ಥಳದಿಂದ ಎಸ್ಕೇಪ್‌ ಆಗಿದ್ದರು. ಅಮನ್ ಜೊತೆ ಕುಳಿತಿದ್ದ ಮಹಿಳೆ ಮಾತ್ರ ಗುಂಡಿನ ದಾಳಿಗೆ ಹೆದರದೆ ಅಲ್ಲಿಯೇ ಕುಳಿತುಕೊಂಡಿದ್ದಳು. ಬಳಿಕ ಅವಳು ಅಲ್ಲಿಂದ ಎದ್ದು ಹೊರಗಡೆ ಹೋಗಿದ್ದಾಳೆ. ಬಿಲ್ಲಿಂಗ್ ಕೌಂಟರ್ ಹಿಂದೆ ಅಮನ್ ಶವ ಪತ್ತೆಯಾಗಿದೆ. ಗುಂಡಿನ ದಾಳಿ ನಡೆಸಿದ ದುಷ್ಕರ್ಮಿಗಳು 25 ರಿಂದ 30 ವರ್ಷ ವಯಸ್ಸಿನವರಾಗಿದ್ದರು ಅಂತಾ ಬರ್ಗರ್ ಕಿಂಗ್ ಸಿಬ್ಬಂದಿ ತಿಳಿಸಿದ್ದಾರೆ.

ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಕೊಲೆಯಾದ ಅಮನ್ ಮೇಲೆ ಮೂರು ಪಿಸ್ತೂಲ್‌ಗಳಿಂದ 38ಕ್ಕೂ ಹೆಚ್ಚು ಗುಂಡುಗಳನ್ನು ಹಾರಿಸಲಾಗಿದೆ ಎಂದು ಎಫ್‌ಐಆರ್‌ನಲ್ಲಿ ದಾಖಲಿಸಲಾಗಿದೆ. ಅಮನ್ ಜೊತೆ ಕುಳಿತುಕೊಂಡಿದ್ದ ಮಹಿಳೆಯ ಬಗ್ಗೆ ಪೊಲೀಸರಿಗೆ ಅನುಮಾನ ವ್ಯಕ್ತವಾಗಿದೆ. ಆಕೆ ಅಮನ್‌ನ ಸ್ಮಾರ್ಟ್‌ಫೋನ್‌ ಮತ್ತು ವ್ಯಾಲೆಟ್‌ನೊಂದಿಗೆ ಎಸ್ಕೇಪ್‌ ಆಗಿದ್ದಾಳೆ. ಕ್ರಿಮಿನಲ್‌ ದಾಖಲೆ ಹೊಂದಿರುವ ಆಕೆಯನ್ನು ಪತ್ತೆಹಚ್ಚಲು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.  

ಇದನ್ನೂ ಓದಿ: ವಿಶ್ವದ 3ನೇ ಅತಿದೊಡ್ಡ ದೇಶೀಯ ವಿಮಾನಯಾನ ಮಾರುಕಟ್ಟೆಯಾಗಿ ಭಾರತ...!