7th Pay Commission: കേന്ദ്ര ജീവനക്കാരുടെ ഊഴം കഴിഞ്ഞു, ഇനി സംസ്ഥാന ജീവനക്കാരുടേത്! വർദ്ധിച്ച ഡിഎ എപ്പോൾ ലഭിക്കും അറിയാം

7th Pay Commission Updates: കേന്ദ്ര ജീവനക്കാർക്ക് ശേഷം ഇപ്പോൾ സംസ്ഥാന സർക്കാർ ജീവനക്കാരും വർദ്ധിച്ച ക്ഷാമബത്ത പ്രതീക്ഷിക്കുന്നു. പല സംസ്ഥാനങ്ങളും വർദ്ധിച്ച ക്ഷാമബത്ത അനുവദിക്കുമെന്ന് പ്രഖ്യാപിച്ചിട്ടുണ്ട്, നിങ്ങളുടെ സംസ്ഥാനത്ത് അതിന്റെ സ്റ്റാറ്റസ് എന്താണെന്ന് അറിയാം...

7th Pay Commission Latest Updates: രാജ്യത്തെ ഒരു കോടിയിലധികം കേന്ദ്ര ജീവനക്കാർക്കും പെൻഷൻകാർക്കും അവരുടെ വർദ്ധിച്ച ക്ഷാമബത്ത (DA) ലഭിക്കാൻ തുടങ്ങി. കേന്ദ്ര സർക്കാർ ഡിഎയും, ഡിആറും 17% ൽ നിന്നും 28% ആയി ഉയർത്തി. അതായത് കേന്ദ്ര സർക്കാർ ജീവനക്കാരുടെ ശമ്പളത്തിൽ ഒറ്റയടിക്ക് 11 ശതമാനം നേരിട്ടുള്ള കുതിപ്പ് കാണാൻ കഴിയും എന്നർത്ഥം.

കേന്ദ്രസർക്കാർ ക്ഷാമബത്തയിൽ (DA) എന്തെങ്കിലും മാറ്റങ്ങൾ വരുത്തുമ്പോൾ കേന്ദ്ര ജീവനക്കാർക്ക് ശേഷം സംസ്ഥാന സർക്കാരുകളും അത് അവരുടെ സംസ്ഥാനങ്ങളിൽ നടപ്പാക്കുന്നു. പല സംസ്ഥാനങ്ങളും ഈ വർദ്ധിച്ച ഡിയർനെസ് അലവൻസ് നടപ്പാക്കിയിട്ടുണ്ട്, അതിനാൽ പലരും ഇത് നടപ്പിലാക്കാൻ തയ്യാറെടുക്കുന്നു, ഡിയർനെസ് അലവൻസ് സംബന്ധിച്ച് നിങ്ങളുടെ സംസ്ഥാനം ഇതുവരെ എന്താണ് തീരുമാനിച്ചതെന്നും നിങ്ങളും നോക്കുക. 

ഉത്തർപ്രദേശ് (Uttar Pradesh)

രാജ്യത്തെ ഏറ്റവും വലിയ സംസ്ഥാനത്തെ ഭരണകൂടം ജൂലൈ 1 മുതൽ ജീവനക്കാർക്കും പെൻഷൻകാർക്കും 28% നിരക്കിൽ ഡിയർനസ് അലവൻസും ഡിയർനസ് റിലീഫും അനുവദിക്കാൻ മുഖ്യമന്ത്രി യോഗി ആദിത്യനാഥിന് പ്രൊപ്പോസൽ അയച്ചിട്ടുണ്ട്. മുഖ്യമന്ത്രിയുടെ അനുമതി ലഭിച്ചു കഴിഞ്ഞാൽ ജീവനക്കാർക്ക് ക്ഷാമബത്ത ലഭിക്കാൻ തുടങ്ങും. സംസ്ഥാന സർക്കാരിന്റെ ഈ തീരുമാനം 16 ലക്ഷം സർക്കാർ ജീവനക്കാർക്കും 12 ലക്ഷം പെൻഷൻകാർക്കും ഗുണം ചെയ്യും.

ബിഹാർ (Bihar)

ബീഹാറിലെ നിതീഷ് സർക്കാരും സംസ്ഥാനത്തെ ജീവനക്കാർക്കും പെൻഷൻകാർക്കും ഉടൻ സമ്മാനങ്ങൾ നൽകാനുള്ള തയ്യാറെടുപ്പിലാണ്. 2021 ജൂലൈ 1 മുതൽ ബീഹാറിലെ ജീവനക്കാർക്കും പെൻഷൻകാർക്കും വർദ്ധിച്ച ക്ഷാമബത്ത ലഭിച്ചേക്കും. സംസ്ഥാന ധനവകുപ്പ് ഇത് അന്തിമമാക്കുന്ന തിരക്കിലാണ്. 

ജീവനക്കാർക്ക് ക്ഷാമബത്ത നൽകുമ്പോൾ ജൂലൈയിലെ കുടിശ്ശികയും നൽകും. ആഗസ്റ്റിൽ നടക്കുന്ന  മന്ത്രിസഭായോഗത്തിൽ ഇത് അംഗീകരിക്കപ്പെടുമെന്നാണ് പ്രതീക്ഷിക്കുന്നത്. ആഗസ്റ്റ് 15 ന് മുമ്പ് സംസ്ഥാനത്തെ സർക്കാർ ജീവനക്കാർക്ക് 28% ക്ഷാമബത്ത ലഭിക്കുമെന്നാണ് നിഗമനം.

രാജസ്ഥാൻ (Rajasthan)

രാജസ്ഥാനിലെ അശോക് ഗെഹ്ലോട്ട് സർക്കാരും ജീവനക്കാർക്ക് ആശ്വാസം നൽകിക്കൊണ്ട് ക്ഷാമബത്ത വർദ്ധിപ്പിക്കുമെന്ന് പ്രഖ്യാപിച്ചിട്ടുണ്ട്. സംസ്ഥാന സർക്കാർ ജീവനക്കാരുടെയും പെൻഷൻകാരുടെയും ക്ഷാമബത്ത 17 ൽ നിന്ന് 28 ശതമാനമായി ഉയർത്താൻ രാജസ്ഥാൻ സർക്കാരും തീരുമാനിച്ചിട്ടുണ്ട്. 

രാജസ്ഥാൻ സർക്കാർ ജീവനക്കാരുടെയും പെൻഷൻകാരുടെയും ക്ഷാമബത്ത 17 ൽ നിന്ന് 28 ശതമാനമായി ഉയർത്താൻ തീരുമാനിച്ചതായി ഗെഹ്ലോട്ട് സർക്കാർ അറിയിച്ചു. വർദ്ധിച്ച ക്ഷാമബത്ത 2021 ജൂലൈ 1 മുതൽ ബാധകമാകും. ഈ തീരുമാനം നടപ്പാക്കാൻ സംസ്ഥാന സർക്കാർ പ്രതിവർഷം 4,000 കോടി രൂപ ചെലവഴിക്കുമെന്ന് സർക്കാർ അറിയിച്ചു.  

ജാർഖണ്ഡ് (Jharkhand)

ജാർഖണ്ഡ് സർക്കാരും ജീവനക്കാരുടെ ക്ഷാമബത്ത 17% ൽ നിന്ന് 28% ആയി ഉയർത്താൻ തീരുമാനിച്ചു. മുഖ്യമന്ത്രി ഹേമന്ത് സോറന്റെ അധ്യക്ഷതയിൽ ചേർന്ന സംസ്ഥാന മന്ത്രിസഭായോഗത്തിൽ ഇതുമായി ബന്ധപ്പെട്ട പ്രമേയം പാസാക്കിയിട്ടുണ്ട്. മന്ത്രിമാരുടെ കൗൺസിലിൽ അടുത്തിടെ കേന്ദ്ര സർക്കാർ എടുത്ത തീരുമാനം അനുസരിച്ച് സംസ്ഥാന ജീവനക്കാരുടെ ക്ഷാമബത്ത 17 ശതമാനത്തിൽ നിന്ന് 28 ശതമാനമായി ഉയർത്താൻ തീരുമാനിച്ചതായി സംസ്ഥാന സർക്കാർ വക്താവ് പറഞ്ഞു.

കർണാടക (Karnataka)

കർണാടക സർക്കാരും DA അധിക അലവൻസ് അനുവദിക്കാൻ ഉത്തരവിട്ടു. മാധ്യമ റിപ്പോർട്ടുകൾ പ്രകാരം, സർക്കാർ 2020 ജനുവരി മുതൽ 2021 ജൂൺ വരെയുള്ള കാലയളവിലെ ഡിയർനെസ് അലവൻസ് നിലവിലെ 11.25 ശതമാനത്തിൽ നിന്ന് 21.5 ശതമാനമായി വർദ്ധിപ്പിച്ചിട്ടുണ്ട്.

ജമ്മു കശ്മീർ  (Jammu and Kashmir)

ജമ്മു കശ്മീരിലെ ജീവനക്കാർക്കും പെൻഷൻകാർക്കുമുള്ള ഡിയർനെസ് അലവൻസും ഡിയർനെസ് റിലീഫും 17% ൽ നിന്ന് 28% ആയി ഉയർത്തി. ജൂലൈ 1 മുതൽ ഇത് പ്രാബല്യത്തിൽ വരും. ജീവനക്കാർക്കും പെൻഷൻകാർക്കും ആഗസ്റ്റിൽ ലഭിക്കുന്ന ശമ്പളത്തിൽ നിന്ന് പുതിയ നിരക്കിൽ ഡിയർനസ് അലവൻസ് ലഭിക്കും. ധനവകുപ്പ് ഈ ആഴ്ച വിജ്ഞാപനം പുറപ്പെടുവിച്ചിരുന്നു. സംസ്ഥാനത്തെ ഏകദേശം 5.5 ലക്ഷം സർക്കാർ ജീവനക്കാർക്കും പെൻഷൻകാർക്കും ഇതിന്റെ പ്രയോജനം ലഭിക്കും. കേന്ദ്രഭരണപ്രദേശമായ ലഡാക്ക് അടുത്തിടെ 28 ശതമാനം ഡിഎ നൽകാനുള്ള വിജ്ഞാപനം പുറപ്പെടുവിച്ചിരുന്നു.

ഹരിയാന (Haryana)

ഹരിയാന സർക്കാരും ഡിയർനെസ് അലവൻസ് വർദ്ധിപ്പിക്കുമെന്ന് പ്രഖ്യാപിച്ചിട്ടുണ്ട്. ഹരിയാന മുഖ്യമന്ത്രി മനോഹർ ലാൽ ഖട്ടാർ അടുത്തിടെ സംസ്ഥാന സർക്കാർ ജീവനക്കാരുടെ ഡിയർനെസ് അലവൻസ് (DA) 17 ശതമാനത്തിൽ നിന്ന് 28 ശതമാനമായി ഉയർത്തുമെന്ന് പ്രഖ്യാപിച്ചു. ഇത് സംസ്ഥാനത്തെ 2.85 ലക്ഷം ജീവനക്കാർക്കും 2.62 ലക്ഷം പെൻഷൻകാർക്കും പ്രയോജനം ചെയ്യും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy