INSPIRE by Bandhan Bank: മുതിർന്ന പൗരന്മാർക്ക് സ്ഥിര നിക്ഷേപത്തിന് 8.35% വരെ പലിശ!! പുതിയ പദ്ധതിയുമായി ബന്ധൻ ബാങ്ക്

INSPIRE by Bandhan Bank: രാജ്യത്തെ മുതിർന്ന പൗരന്മാർക്ക് മാത്രമായുള്ള 'ഇൻസ്പയർ' (INSPIRE) എന്ന പേരില്‍ ബന്ധൻ ബാങ്ക് തങ്ങളുടെ പുതിയ പ്രോഗ്രാം അവതരിപ്പിച്ചിരിയ്ക്കുകയാണ്.

INSPIRE by Bandhan Bank: മുതിർന്ന പൗരന്മാർക്കായി ഒരു അടിപൊളി നിക്ഷേപ പദ്ധതിയുമായി ബന്ധൻ ബാങ്ക്. 

രാജ്യത്തെ മുതിർന്ന പൗരന്മാർക്ക് മാത്രമായുള്ള 'ഇൻസ്പയർ' (INSPIRE) എന്ന പേരില്‍ ബന്ധൻ ബാങ്ക് തങ്ങളുടെ പുതിയ പ്രോഗ്രാം അവതരിപ്പിച്ചിരിയ്ക്കുകയാണ്. ഈ സ്ഥിര നിക്ഷേപ പദ്ധതി 8.35% വരെ പലിശ വാഗ്ദാനം ചെയ്യുന്നു, ബാങ്ക് പുറത്തുവിട്ട പ്രസ്താവനയില്‍ പറയുന്നു.  

സ്ഥിര നിക്ഷേപങ്ങളിൽ മുതിർന്ന പൗരന്മാർക്ക് ബന്ധന്‍ ബാങ്ക് ഉയര്‍ന്ന പലിശ നിരക്കുകൾ വാഗ്ദാനം ചെയ്യുന്നു. മുതിർന്ന പൗരന്മാർക്ക് 500 ദിവസത്തെ കാലയളവിലേക്ക് 8.35% വരെ ഉയർന്ന FD പലിശ നിരക്ക് ലഭിക്കും. 

മരുന്നുകൾ വാങ്ങുന്നതിന് പ്രത്യേക കിഴിവുകൾ, രോഗനിർണയ സേവനങ്ങൾ, വൈദ്യചികിത്സകൾ തുടങ്ങിയ ലൈഫ് കെയർ ആനുകൂല്യങ്ങളും ഈ  'ഇൻസ്പയർ' (INSPIRE) പ്രോഗ്രാം നൽകുന്നുണ്ടെന്ന് ബന്ധൻ ബാങ്ക് വ്യക്തമാക്കുന്നു.  ഡോക്ടറുടെ കൺസൾട്ടേഷൻ, മെഡിക്കൽ ചെക്കപ്പുകൾ, ഡെന്‍റൽ കെയർ എന്നിവയിൽ ഇളവുകളും ബാങ്ക് വാഗ്ദാനം ചെയ്യുന്നു. മുതിർന്ന പൗരൻമാരുടെ ബാങ്കിംഗ് അനുഭവം സുഗമമാക്കുന്നതിന് ഫോൺ ബാങ്കിംഗ് ഓഫീസറിലേക്കുള്ള നേരിട്ടുള്ള ആക്‌സസ് പോലുള്ള അധിക സവിശേഷതകൾ ഉൾപ്പെടുത്താനും ബാങ്ക് പദ്ധതിയിടുന്നുണ്ട്. ഈ സേവനങ്ങള്‍ അധികം വൈകാതെ തന്നെ ഉപയോക്താക്കള്‍ക്ക് ലഭ്യമാകും. 

'കഴിഞ്ഞ  8 വര്‍ഷമായി ബാങ്കിംഗ് മേഖലയില്‍ നിര്‍ണ്ണായക സ്ഥാനമാണ് ബന്ധന്‍ ബാങ്ക് കൈവരിച്ചിരിയ്ക്കുന്നത്‌. എല്ലാ പ്രായത്തിലുമുള്ള ആളുകളുടെ സാമ്പത്തിക സ്വാതന്ത്ര്യത്തിന്‍റെ പ്രാധാന്യവും ആവശ്യവും തിരിച്ചറിഞ്ഞാണ് ബാങ്ക് പദ്ധതികള്‍ ആവിഷക്കരിക്കുന്നതും നടപ്പാക്കുന്നതും. ബാങ്കിംഗ് പ്രവർത്തനങ്ങളുടെ എട്ട് വർഷത്തിനിടയിൽ മുതിർന്ന ഉപഭോക്താക്കളുടെ വിശ്വാസം നേടിയെടുക്കാൻ ബാങ്കിന് അവസരം ലഭിച്ചു, ഈ പരിപാടി   'ഇൻസ്പയർ' (INSPIRE) അവരോടുള്ള ബഹുമാനത്തിന്‍റെ അടയാളമാണ്', ബന്ധൻ ബാങ്കിന്‍റെ ബ്രാഞ്ച് ബാങ്കിംഗ് മേധാവി സുജോയ് റോയ് പറഞ്ഞു.