LPG Price Today: മാസത്തിന്റെ ആദ്യദിനം ഉപഭോക്താക്കൾക്ക് ആശ്വാസ വാർത്ത; സിലിണ്ടർ വില കുറച്ചു

Gas Cylinder Price From 1 May: പുതിയ സിലിണ്ടർ വില രാജ്യത്തുടനീളം ഇന്ന് മുതൽ പ്രാബല്യത്തിൽ വരും. പ്രധാന നഗരങ്ങളിലെ വില വിവരങ്ങൾ അറിയാം...

LPG Gas Cylinder Price Today:  മാസത്തിന്റെ ആദ്യദിനത്തിൽ ഉപഭോക്താക്കൾക്ക് ആശ്വാസ വാർത്ത വന്നിരിക്കുകയാണ്.  ഗ്യാസ് സിലിണ്ടറിന്റെ വില കുറച്ചിരിക്കുകയാണ്.  ഇതിന്റ അടിസ്ഥാനത്തിൽ 19 കിലോഗ്രാം വാണിജ്യ എൽപിജി സിലിണ്ടറിന്റെ വില 19 രൂപ കുറച്ചിരിക്കുകയാണ്. പുതിയ വില ഇന്ന് മുതൽ രാജ്യത്തുടനീളം പ്രാബല്യത്തിൽ വരും. എന്നാൽ ഗാർഹിക പാചകവാതക സിലിണ്ടറുകളുടെ വിലയിൽ മാറ്റമില്ല. 

ഗ്യാസ് സിലിണ്ടറുകളുടെ വില നിലവിൽ എത്ര? അറിയാം..

IOCL കണക്കുകൾ പ്രകാരം ഡൽഹിയിൽ 19 കിലോഗ്രാം വാണിജ്യ എൽപിജി സിലിണ്ടറിൻ്റെ വില ഇന്ന് മുതൽ 1745.50 രൂപയായിട്ടുണ്ട്. കൊൽക്കത്തയിൽ ഗ്യാസ് സിലിണ്ടറിൻ്റെ വില ഇപ്പോൾ 1859 ഉം. മുംബൈയിൽ നിലവിൽ ഗ്യാസ് സിലിണ്ടർ വില 1698.50 രൂപയും ചെന്നൈയിൽ 1911.00 രൂപയുമാണ് നിലവിലെ വില.

വിമാനക്കമ്പനികൾക്ക് ഇരുട്ടടി 

വിമാനക്കമ്പനികൾക്ക് ഇരുട്ടടി കിട്ടിയിരിക്കുകയാണ്‌. വിമാന ഇന്ധന വില കൂടിയിരിക്കുകയാണ്. ഒഎംസി റിപ്പോർട്ട് അനുസരിച്ച് വിമാന ഇന്ധനത്തിൻ്റെ വില ലിറ്ററിന് 749.25 രൂപയാണ് വർധിപ്പിച്ചത്. ഈ നിരക്കുകളും ഇന്ന് മുതൽ പ്രാബല്യത്തിൽ വരും. ഏപ്രിലിൽ ഒരു കിലോ ലിറ്ററിന് 502.91 രൂപയുടെ കുറവുണ്ടായി. ശേഷം മാർച്ച് മാസത്തിൽ ലിറ്ററിന് 624.37 രൂപ വർധിച്ചിരുന്നു.