രാജ്യത്ത് ആദായ നികുതി റിട്ടേൺ സമർപ്പിക്കുന്നതിനുള്ള അവസാന തീയതി അടുത്തിരിക്കുകയാണ്. പിഴ ഒഴിവാക്കണമെങ്കിൽ, 2023 ജൂലൈ 31-നകം ITR ഫയൽ ചെയ്യുക. ചിലപ്പോൾ അവസാന നിമിഷം ITR ഫയൽ ചെയ്യുമ്പോൾ, വെബ്‌സൈറ്റിൽ ഒരു പ്രശ്‌നമുണ്ടായേക്കാം. ഇതുമൂലം നികുതിദായകർക്ക് ബുദ്ധിമുട്ടുണ്ടാവാം. 2023 ഓഗസ്റ്റ് 1-ന് ITR ഫയൽ ചെയ്യുമ്പോൾ, നിങ്ങളുടെ വരുമാനത്തിനനുസരിച്ച് 1,000 രൂപ മുതൽ 5,000 രൂപ വരെ പിഴ അടയ്‌ക്കേണ്ടി വന്നേക്കാം.
പിഴ എത്ര?
2022-23 സാമ്പത്തിക വർഷത്തിലെയും 2023-24 ലെ അസസ്‌മെന്റ് വർഷത്തിലെയും നികുതിദായകർക്ക് ജൂലൈ 31 ന് ശേഷവും റിട്ടേൺസ് ഫയൽ ചെയ്യാം, എന്നാൽ ഇവർ പിഴ അടയ്‌ക്കേണ്ടി വരും. ഈ പിഴ നികുതിദായകന്റെ വരുമാനത്തെ ആശ്രയിച്ചാണ്. നിങ്ങളുടെ വാർഷിക വരുമാനം 5 ലക്ഷം രൂപയിൽ കുറവാണെങ്കിൽ, ജൂലൈ 31 ന് ശേഷമുള്ള റിട്ടേൺസിന് നിങ്ങൾ 1,000 രൂപ പിഴ അടയ്‌ക്കേണ്ടി വരും. 5 ലക്ഷത്തിൽ കവിഞ്ഞാൽ 5000 രൂപ പിഴ അടയ്‌ക്കേണ്ടി വരും.
രണ്ട് വർഷം വരെ തടവും
നികുതി പരിധിയിൽ വരുന്ന ആളുകൾ റിട്ടേൺസ് ഫയൽ ചെയ്യേണ്ടതുണ്ട് . അങ്ങനെ ചെയ്യാത്ത പക്ഷം ആദായനികുതി വകുപ്പിനും നിങ്ങൾക്കെതിരെ നിയമനടപടി സ്വീകരിക്കാം. നികുതിവെട്ടിപ്പിന് ആദായനികുതി നോട്ടീസിനൊപ്പം മൂന്ന് മാസം മുതൽ രണ്ട് വർഷം വരെ തടവും ലഭിക്കും. ഒരു നികുതിദായകൻ 25 ലക്ഷം രൂപയിൽ കൂടുതൽ നികുതി വെട്ടിച്ചാൽ, അയാൾക്ക് 7 വർഷം വരെ തടവ് ലഭിക്കുമെന്നത് ശ്രദ്ധിക്കേണ്ടതാണ്.
റിട്ടേൺ ഫയൽ ചെയ്ത ശേഷം ഇ-വെരിഫിക്കേഷൻ നടത്തണം
ആദായനികുതി വെബ്‌സൈറ്റിൽ ഐടിആർ ഫയൽ ചെയ്തതിന് ശേഷം ഇ-വെരിഫിക്കേഷൻ നടത്തേണ്ടത് അത്യാവശ്യമാണ്. ഇ-വെരിഫിക്കേഷൻ ഇല്ലെങ്കിൽ നിങ്ങളുടെ ഐടിആർ പൂർത്തിയായതായി കണക്കാക്കാനാവില്ല. ഇതിനായി, ആദായനികുതി വകുപ്പ് നികുതിദായകർക്ക് 120 ദിവസം നൽകും, അതിൽ നിങ്ങളുടെ ആധാർ വഴി എളുപ്പത്തിൽ ഇ-വെരിഫിക്കേഷൻ നടത്താം. ഇ-വെരിഫിക്കേഷൻ നടത്താൻ, നിങ്ങൾ ആദ്യം ഐടി വകുപ്പിന്റെ ഇ-പോർട്ടലിലേക്ക് ലോഗിൻ ചെയ്യുക.
ഇവിടെ ഇ-വെരിഫൈ റിട്ടേൺ എന്ന ഓപ്ഷൻ കാണാം, അതിൽ ക്ലിക്ക് ചെയ്യുക. അടുത്തതായി പാൻ നമ്പർ, മൂല്യനിർണ്ണയ വർഷം എന്നിവ നൽകി മൊബൈൽ നമ്പർ നൽകുക. ഇതിനുശേഷം നിങ്ങളുടെ മൊബൈലിൽ ലഭിച്ച 6 നമ്പർ OTP നൽകി സമർപ്പിക്കുക. ഇതിന് ശേഷം നിങ്ങളുടെ ഇ-വെരിഫിക്കേഷൻ പൂർത്തിയാകും. ഇ-വെരിഫിക്കേഷൻ കൂടാതെ, നിങ്ങളുടെ ഐടിആർ ഫയലിംഗ് പൂർത്തിയായതായി കണക്കാക്കില്ല എന്നത് ശ്രദ്ധിക്കേണ്ടതാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
