Gold Rate Today: അടിച്ചുകയറി സ്വർണവില; ഒറ്റയടിക്ക് വർധിച്ചത് 560 രൂപ!

Kerala Gold Rate: ഇന്ന് ഒറ്റയടിക്ക് 560 രൂപ ഉയര്‍ന്ന് സ്വര്‍ണവില വീണ്ടും അടിച്ചുകയറുകയാണ്. ഇതോടെ ഒരു പവൻ സ്വർണത്തിന്റെ വില 56, 760 ആയിട്ടുണ്ട്.

തിരുവനന്തപുരം: സംസ്ഥാനത്ത് റെക്കോർഡുകൾ  ഭേദിച്ചു കൊണ്ട് കുതിപ്പൊന്ന് ഇടറിയ സ്വർണവില വീണ്ടും അടിച്ചുകേറി. ഈ മാസം നാലാം തീയതി 56,960 രൂപയായി ഉയര്‍ന്ന് റെക്കോര്‍ഡിട്ട സ്വര്‍ണവില പിന്നീടുള്ള നാലു ദിവസം കൊണ്ട് 760 രൂപ ഇടിയുകയായിരുന്നു.  പക്ഷെ ഇന്നിതാ ഒറ്റയടിക്ക് 560 രൂപ ഉയര്‍ന്ന് സ്വര്‍ണവില വീണ്ടും അടിച്ചുകയറുകയാണ്.

ഇതോടെ ഇന്ന് ഒരു പവൻ സ്വർണത്തിന്റെ വില 56, 760 ആയിട്ടുണ്ട്.  ഗ്രാമിന് ഇന്ന് വർധിച്ചത് 70 രൂപയാണ്.  ഇതോടെ ഒരു ഗ്രാം സ്വർണത്തിന്റെ ഇന്നത്തെ വില 7095 ആണ്. സ്വർണ്ണം റെക്കോർഡ് വിലയായ 57000 കടക്കും എന്ന് പ്രതീക്ഷിച്ചിരുന്നപ്പോഴാണ് വില് ഇടിഞ്ഞത്.  നാലു ദിവസത്തിനിടെ ഒന്നും രണ്ടുമല്ല 760 രൂപയാണ് വിലയിടിഞ്ഞത്. ഇതിന് പിന്നാലെയാണ് ഇന്ന് വിലയിൽ വൻ കുതിപ്പ് രേഖപ്പെടുത്തിയത്.  

ഈ മാസത്തിന്റെ ആദ്യ ദിനം 56400 രൂപയാണ് സ്വർണത്തിന് രേഖപ്പെടുത്തിയത്.  പിന്നെ അങ്ങോട്ട് സ്വർണവില കുതിക്കുകയായിരുന്നു.  ഒക്ടോബർ 4 ന് ഈ മാസത്തെ ഏറ്റവും കൂടിയ വിലയായി 56960 എത്തിയിരുന്നു. തുടര്ന്ന് 3 ദിവസം അതെ വിലയിൽ നിന്ന ശേഷം വീണ്ടും വിലയിടിയുകയായിരുന്നു. 

ഈ മാസത്തെ സ്വർണവില അറിയാം...

ഒക്ടോബർ ഒന്നിന് ഒരു പവൻ സ്വർണത്തിന്റെ വില 56400 ആയിരുന്നു, ഒക്ടോബർ രണ്ടിന് 400 രൂപ വർധിച്ചു കൊണ്ട് 56800 ലെത്തി തുടർന്ന് ഒക്ടോബർ 3 ന് 80 രൂപ വർധിച്ചുകൊണ്ട് ഒരു പവൻ സ്വർണത്തിന് 56880 ആയി ഒക്ടോബർ 4 ന്  80 രൂപ വർധിച്ചുകൊണ്ട് സ്വർണവില 56960 ആയി, ഒക്ടോബർ 5 ന് സ്വർണവിലയിൽ മാറ്റമിലായിരുന്നു, ഒക്ടോബർ 6 നും വിലയിൽ മാറ്റമില്ലായിരുന്നു, ഒക്ടോബർ 7 ആയ ഇന്ന് സ്വർണത്തിന് പവന് 160 രൂപ കുറച്ചു കൊണ്ട് 56800 ൽ എത്തി, ഒക്ടോബർ 8 ന് സ്വർണവിലയിൽ മാറ്റമില്ല ഒക്ടോബർ 9 നും വിലയിൽ മാറ്റമില്ലായിരുന്നു, ഒക്ടോബർ 10 ന് 40 രൂപ കുറഞ്ഞ് ഈ മാസത്തെ ഏറ്റവും കുറഞ്ഞ വിലയായ 56200 എത്തി, ഇന്നിതാ വീണ്ടും ഒറ്റയടിക്ക് 560 വര്ധിച്ചുകൊണ്ട് സ്വർണം 56,760 രൂപയായിട്ടുണ്ട്.