താരതമ്യേനെ റിസ്ക് കുറഞ്ഞതും നിക്ഷേപിച്ചാൽ മികച്ച വരുമാനം ലഭിക്കുന്നതുമാണ് ഇവയിൽ പലതും
മുതിർന്ന പൗരന്മാർക്കുള്ള പ്രിയപ്പെട്ട നിക്ഷേപ ഓപ്ഷനാണ് സ്ഥിര നിക്ഷേപം. ചെറുകിട ധനകാര്യ ബാങ്കുകൾക്ക് ഇത്തരം സ്ഥിര നിക്ഷേപങ്ങൾക്ക് മികച്ച പലിശ നൽകുന്നുണ്ട്. താരതമ്യേനെ റിസ്ക് കുറഞ്ഞതും നിക്ഷേപിച്ചാൽ മികച്ച വരുമാനം ലഭിക്കുന്നതുമാണ് ഇവ. അതിനെ പറ്റി പരിശോധിക്കാം.
യൂണിറ്റി സ്മോൾ ഫിനാൻസ് ബാങ്ക്
1001 ദിവസത്തിനുള്ളിൽ കാലാവധി പൂർത്തിയാകുന്ന സ്ഥിര നിക്ഷേപങ്ങൾക്ക് യൂണിറ്റി സ്മോൾ ഫിനാൻസ് ബാങ്ക് 9.50 ശതമാനം പലിശ വാഗ്ദാനം ചെയ്യുന്നു. നിങ്ങളുടെ എഫ്ഡി അതിന്റെ മെച്യൂരിറ്റി തീയതിക്ക് മുമ്പ് പിൻവലിക്കാൻ തീരുമാനിക്കുകയാണെങ്കിൽ, നിക്ഷേപം നടത്തിയ കാലയളവിൽ നേടിയ പലിശയ്ക്ക് ഒരു ശതമാനം പിഴ ഈടാക്കും. യൂണിറ്റി സ്മോൾ ഫിനാൻസ് ബാങ്ക് മികച്ച എഫ്ഡി പലിശനിരക്ക് നൽകുന്നു.
ഉത്കർഷ് സ്മോൾ ഫിനാൻസ് ബാങ്ക്
ഉത്കാർഷ് സ്മോൾ ഫിനാൻസ് ബാങ്കിൽ രണ്ട് മുതൽ മൂന്ന് വർഷത്തിനുള്ളിൽ കാലാവധി പൂർത്തിയാകുന്ന എഫ്ഡിക്ക് മുതിർന്ന പൗരന്മാർക്ക് 9.10 ശതമാനം പലിശ നൽകുന്നു. നേരത്തെ പിൻവലിച്ചാൽ 1 ശതമാനം പിഴയും ഉണ്ടാവും. നിക്ഷേപം കഴിഞ്ഞ് ഏഴ് ദിവസത്തിനുള്ളിലാണ് പിൻവലിക്കൽ എങ്കിൽ ക്ലോസറുകൾക്ക് ഈ പിഴ ബാധകമല്ല. നിങ്ങളുടെ എഫ്ഡി അതിന്റെ മെച്യൂരിറ്റി തീയതിക്ക് മുമ്പ് പിൻവലിക്കാൻ നിങ്ങൾ തിരഞ്ഞെടുക്കുകയാണെങ്കിൽ, നിങ്ങൾ നേടിയ പലിശയുടെ ഒരു ശതമാനം പിഴ ഈടാക്കും. നിക്ഷേപ സമയത്തെ കാർഡ് നിരക്ക് അല്ലെങ്കിൽ കരാർ നിരക്ക് എന്നതിനെ ആശ്രയിച്ചാണിത്.
ഇക്വിറ്റാസ് സ്മോൾ ഫിനാൻസ് ബാങ്ക്
ഇക്വിറ്റാസ് സ്മോൾ ഫിനാൻസ് ബാങ്കിൽ എഫ്ഡിക്ക് ആകർഷകമായ പലിശനിരക്കുണ്ട്. മുതിർന്ന പൗരന്മാർക്ക് 9 ശതമാനം വരെ പലിശനിരക്കാണ് ബങ്ക് വാഗ്ദാനം ചെയ്യുന്നത്. നേരത്തെയുള്ള പിൻവലിക്കലുകൾക്ക് ബാങ്ക് നിഷ്കർഷിക്കുന്ന പിഴ ഉണ്ടാവും കൂടുതൽ വിവരങ്ങൾ ബാങ്ക് വെബ്സൈറ്റിൽ.
സൂര്യോദയ് സ്മോൾ ഫിനാൻസ് ബാങ്ക്
സൂര്യോദയ് സ്മോൾ ഫിനാൻസ് ബാങ്കിൽ രണ്ട് മുതൽ മൂന്ന് വർഷം വരെ കാലാവധി പൂർത്തിയാകുന്ന എഫ്ഡിക്ക് 9.10 ശതമാനം പലിശനിരക്ക് വാഗ്ദാനം ചെയ്യുന്നു. നിക്ഷേപ ആരംഭിക്കുന്ന സമയത്തെ ബാധകമായ നിരക്കിനെ അടിസ്ഥാനമാക്കിയാണ് പലിശ കണക്കാക്കുന്നത്. ഈ പലിശ തുകയ്ക്ക് ഒരു ശതമാനം പിഴ ഈടാക്കും. പ്രായോഗികമായി പറഞ്ഞാൽ, നിങ്ങളുടെ എഫ്ഡി അതിന്റെ മെച്യൂരിറ്റി തീയതിക്ക് മുമ്പ് പിൻവലിക്കാൻ തീരുമാനിക്കുകയാണെങ്കിൽ,പലിശയ്ക്ക് ഒരു ശതമാനം പിഴ
മറ്റുള്ള ബാങ്കുകൾ
ഫിൻകെയർ സ്മോൾ ഫിനാൻസ് ബാങ്ക് മുതിർന്ന പൗരന്മാർക്ക് 9.21 ശതമാനം ഉയർന്ന പലിശ നൽകുന്നു. 1095 ദിവസത്തിനുള്ളിൽ കാലാവധി പൂർത്തിയാകുന്ന എഫ്ഡിക്ക് ജന സ്മോൾ ഫിനാൻസ് ബാങ്ക് മുതിർന്ന പൗരന്മാർക്ക് ഒമ്പത് ശതമാനം പലിശനിരക്ക് നൽകുന്നു.രണ്ട് വർഷം മുതൽ മൂന്ന് വർഷത്തിൽ താഴെയുള്ള എഫ്ഡിക്ക് ഇസാഫ് സ്മോൾ ഫിനാൻസ് ബാങ്ക് ഒമ്പത് ശതമാനം പലിശനിരക്ക് നൽകുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ.
)