Kannur : പനി (Fever) ബാധിച്ച പെൺക്കുട്ടിക്ക് വൈദ്യ ചികിത്സ (Medical Treatment) ലഭിക്കാതെ മരിച്ച സംഭവത്തിൽ ഇന്ന് പ്രതികളെ അറസ്റ്റ് ചെയ്‌തേക്കും. മതവിശ്വാസത്തിന്റെ പേരിൽ പനി ബാധിച്ച കുട്ടിക്ക് ചികിത്സ നിഷേധിച്ചതായി പോലീസ് (Police) അറിയിച്ചു. ചികിത്സയ്ക്ക് പകരം കുട്ടിക്ക് ജപിച്ച് ഊതൽ നടത്തിയതായി പോലീസ് ഉദ്യോഗസ്ഥർ സ്ഥിരീകരിച്ചിട്ടുണ്ട്.
ഒക്ടോബർ 31ന് വെളുപ്പിനെയായിരുന്നു നാലുവയലിൽ ഹിദായത്ത് വീട്ടിലെ എം എ ഫാത്തിമ എന്ന് 11കാരിക്കാണ് ദാരുണാന്ത്യം ഉണ്ടായത്. പനി മൂർച്ഛിച്ച് പെൺക്കുട്ടിയെ കുടുംബാംഗങ്ങൾ ആശുപത്രിയിലെത്തിക്കാൻ വൈകിയതാണ് മരണ കാരണം. വീട്ടുകാർക്ക് പെൺക്കുട്ടിയുടെ മേൽ മന്ത്രിവാദ ചികിത്സ (Witchcraft Treatment) നടത്തിയെന്ന് നാട്ടുകാർ ആരോപിച്ചതിന് തുടർന്ന് കേസെടുക്കുകയായിരുന്നു.
ഇതിനെ തുടർന്ന് കണ്ണൂർ സിറ്റി പൊലീസ് അസ്വാഭാവിക മരണത്തിന് കേസെടുത്തിരുന്നു. പിതൃസഹോദരന്റെ പരാതിയിൽ പൊലീസ് കേസെടുത്തത്. ഇതിൽ അന്വേഷണം തുടർന്ന് വരികെയാണ്. അതേസമയം കണ്ണൂർ മെഡിക്കൽ കോളേജിൽ വെച്ച് പോസ്റ്റമോർട്ടം ചെയ്ത കുട്ടിയുടെ മൃതദേഹം സംസ്കരിക്കുകയും ചെയ്തു.
മൂന്ന് ദിവസം മുമ്പ് പനി മൂർച്ഛിച്ച പെൺക്കുട്ടിക്ക് കുടുംബാംഗങ്ങൾ വേണ്ടത്ര വൈദ്യ ചികിത്സ നൽകിയില്ലയെന്ന് പ്രദേശവാസികൾ ആരോപിച്ചിരുന്നു. ഒക്ടോബർ 31ന് പുലർച്ചെയോടെയാണ് ഫാത്തിമയെ ബന്ധുക്കൾ കണ്ണൂരിലെ സ്വകാര്യ ആശുപത്രിയിൽ എത്തിച്ചത്. എന്നാൽ ചികിത്സ കഴിയേണ്ട സമയം കഴിഞ്ഞതിനാൽ പെൺക്കുട്ടിയെ രക്ഷിക്കാൻ സാധിച്ചില്ല എന്ന് ആശുപത്രി അധികൃതർ അറിയിക്കുകയായിരുന്നു.
പനി ബാധിച്ച പെൺക്കുട്ടിക്ക് മതപരമായ ചികിത്സയായിരുന്നു നൽകിയിരുന്നതെന്ന് പൊലീസ് ഉദ്യോഗസ്ഥർ കണ്ടെത്തിയിട്ടുണ്ട്. നേരത്തെയും ഈ കുട്ടിയുടെ കുടുംബത്തിൽ ഇത്തരത്തിൽ വൈദ്യ ചികിത്സ നിഷേധിച്ചതിനെ തുടർന്ന് മരണപ്പെട്ടിരുന്നു എന്നും നാട്ടുകാർ ആരോപിക്കുന്നുണ്ട്.
പെൺക്കുട്ടിയുടെ അസുഖ മൂർധന്യാവസ്ഥയിലെത്തിട്ടും വൈദ്യ ചികിത്സ നൽകാൻ ബന്ധുക്കൾ വിസമ്മതിക്കുകയായിരുന്നു. അവസാനം കുഞ്ഞിന് രക്ഷിക്കാൻ സാധിക്കില്ല എന്ന അവസ്ഥയെത്തിയതോടെയാണ് കുട്ടിയെ ആശുപത്രിയിലെത്തിക്കാൻ കുടുംബാംഗങ്ങൾ തീരുമാനിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
