Crime News: ഉത്സവത്തിനിടെയുണ്ടായ വാക്കുതർക്കത്തിൽ യുവാവിന് ദാരുണാന്ത്യം

Youth Stabbed To Death: വണ്ടിപ്പെരിയാറിൽ ക്ഷേത്രത്തിൽ ശിവരാത്രി ഉത്സവത്തിന് എത്തിയതായിരുന്നു ജിത്തു. സ്ഥലത്തുവെച്ച് ജിത്തുവും രാജനുമായി തർക്കമുണ്ടായെങ്കിലും നാട്ടുകാർ ഇടപെട്ട് ഇരുവരേയും അനുനയിപ്പിച്ച് വിട്ടു

കുമളി: വണ്ടിപ്പെരിയാറിൽ ക്ഷേത്ര ഉത്സവത്തിനിടെ നടന്ന വാക്കുതർക്കത്തിൽ യുവാവിന് ദാരുണാന്ത്യം. കുമളി അട്ടപ്പള്ളം സ്വദേശി ജിത്തുവിനെയാണ് കുത്തി കൊന്നത്. പ്രതിയായ വണ്ടിപ്പെരിയാർ മഞ്ചുമല സ്വദേശി രാജനെ പോലീസ് കസ്റ്റഡിയിലെടുത്തിട്ടുണ്ട്. 

ഇരുവരും ഓട്ടോറിക്ഷാ ഡ്രൈവർമാരാണ്. സംഭവം നടന്നത് ഇന്നലെ രാത്രീയായിരുന്നു.  വണ്ടിപ്പെരിയാറിൽ ക്ഷേത്രത്തിൽ ശിവരാത്രി ഉത്സവത്തിന് എത്തിയതായിരുന്നു ജിത്തു. സ്ഥലത്തുവെച്ച് ജിത്തുവും രാജനുമായി തർക്കമുണ്ടായെങ്കിലും നാട്ടുകാർ ഇടപെട്ട് ഇരുവരേയും അനുനയിപ്പിച്ച് വിട്ടു. എന്നിട്ടും അൽപ്പസമയത്തിന് ശേഷം ഇരുവരും തമ്മിൽ വീണ്ടും തര്‍ക്കമുണ്ടാകുകയും രാജൻ കത്തിയെടുത്ത് ജിത്തുവിനെ കുത്തുയായിരുന്നു.  

സംഭവത്തെ തുടർന്ന് ജിത്തുവിനെ ഉടൻ തന്നെ വണ്ടിപ്പെരിയാർ ആശുപത്രിയിലും തുടർന്ന് പീരുമേട് താലൂക്ക് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. ജിത്തുവിന്റെ മൃതദേഹം നിലവിൽ പീരുമേട് ആശുപത്രിയിൽ സൂഖിച്ചിരിക്കുകയാണ്.  പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.  

ഇന്നലെ പാലക്കാട്ടെ ആർഎസ്എസ് നേതാവ് ശ്രീനിവാസനെ വെട്ടിക്കൊലപ്പെടുത്തിയ കേസിൽ ഒളിവിലുള്ള പ്രതിക്കായി എൻഐഎ ലുക്കൗട്ട് നോട്ടീസ് പുറപ്പെടുവിച്ചു.  ഈ പ്രതിയുടെ മൂന്ന് ചിത്രങ്ങളടക്കമുള്ള ലുക്കൗട്ട് നോട്ടീസാണ് ഇന്നലെ എൻഐഎ പുറത്തിറക്കിയത്.  ഇയാളെ തിരിച്ചറിയാൻ സഹായിക്കുന്നവർ 9497715294 എന്ന വാട്‌സ്ആപ്പ് നമ്പറിലോ info.koc.nia@gov.in എന്ന ഇമെയിലിലോ വിവരം കൈമാറണമെന്നാണ് എൻഐഎ ആവശ്യപ്പെട്ടിരിക്കുന്നത്.  മാത്രമല്ല കണ്ടെത്താൻ സഹായിക്കുന്നവർക്ക് പാരിതോഷികവും പ്രഖ്യാപിച്ചിട്ടുണ്ട്.

2022 ഏപ്രിൽ 16 നാണ് പാലക്കാട് മേലാമുറിയിലെ കടയിലേക്ക് മാരകായുധങ്ങളുമായെത്തിയ പോപ്പുലർ ഫ്രണ്ട് സംഘം ശ്രീനിവാസനെ വെട്ടിക്കൊലപ്പെടുത്തിയത്. ആദ്യം ലോക്കൽ പോലീസിന്റെ പ്രത്യേക സംഘം അന്വേഷിച്ച ശ്രീനിവാസൻ കൊലക്കേസ് പിന്നീട് എൻഐഎ ഏറ്റെടുക്കുകയായിരുന്നു.