Instant Noodles: നിങ്ങൾ ഇൻസ്റ്റന്റ് നൂഡിൽസ് പ്രേമിയാണോ? എങ്കിൽ പണി കിട്ടുക ഹൃദയത്തിന്..!

Instant Noodles Side Effects: വളരെ വേഗത്തിൽ ഉണ്ടാക്കാൻ സാധിക്കുമെന്നതാണ് നൂഡിൽസിനെ ജനപ്രിയമാക്കുന്നത്.

ഇന്ന് കുട്ടികളും യുവാക്കളുമെല്ലാം ഒരുപോലെ ഇഷ്ടപ്പെടുന്ന ഒന്നാണ് ഇൻസ്റ്റന്റ് നൂഡിൽസ്. വളരെ എളുപ്പത്തിൽ ഉണ്ടാക്കാം എന്നതാണ് നൂഡിൽസിനെ വ്യത്യസ്തമാക്കുന്നത്. വെറും 10 മിനിറ്റിനുള്ളിൽ നമുക്ക് നൂഡിൽസ് തയ്യാറാക്കാൻ സാധിക്കും. മസാല അടങ്ങിയവയും മസാല ചേ‍ർക്കാത്തവയുമെല്ലാം ഇന്ന് വിപണിയിൽ ലഭ്യമാണ്. 

വിപണിയിൽ ലഭിക്കുന്ന ഇൻസ്റ്റന്റ് നൂഡിൽസിന് പാർശ്വഫലങ്ങൾ കൂടുതലാണെന്ന് പലർക്കും അറിയില്ല. അതിന്റെ ആകർഷകമായ പാക്കേജിംഗ് ആളുകളെ ഇത് കൂടുതൽ ഉപഭോഗം ചെയ്യാൻ പ്രേരിപ്പിക്കുന്നു. മാത്രമല്ല, ഈ പാക്കറ്റുകൾ ശരിയായി നിരീക്ഷിച്ചാൽ ഇതിൽ പോഷകമൂല്യം കുറവാണെന്ന് മനസിലാകും. 

നൂഡിൽസ് കഴിക്കുന്നത് ആരോഗ്യപ്രശ്നങ്ങൾ ഉണ്ടാക്കും. മോണോ സോഡിയം ഗ്ലൂട്ടാമേറ്റ് എന്ന ഘടകമാണ് ഈ ഇൻസ്റ്റന്റ് നൂഡിൽസ് ഉണ്ടാക്കാൻ ഉപയോഗിക്കുന്നത്. ഇത് ആരോഗ്യത്തെ നശിപ്പിക്കും. മലബന്ധം, വയറുവേദന, തലവേദന തുടങ്ങിയ പ്രശ്നങ്ങൾ അനുഭവപ്പെടും.  മാത്രമല്ല, ദിവസവും ഇത് കഴിക്കുന്നത് ഹൃദയ സംബന്ധമായ പ്രശ്‌നങ്ങൾ വർദ്ധിപ്പിക്കുമെന്ന് ആരോഗ്യ വിദഗ്ധർ പറയുന്നു. 

ഇന്നത്തെ കാലത്ത് അമിതഭാരം കൊണ്ട് ബുദ്ധിമുട്ടുന്നവരുടെ എണ്ണം വളരെ കൂടുതലാണ്. ഈ ഇൻസ്റ്റന്റ് ഫുഡുകളും പാക്കേജിംഗ് ഭക്ഷണങ്ങളും കഴിക്കുന്നതാണ് ഇതിന് കാരണം. ഈ പ്രശ്‌നങ്ങൾ ഒഴിവാക്കാൻ, നിങ്ങൾ ഇവ എത്ര കുറച്ച് കഴിക്കുന്നുവോ അത്രയും നല്ലത്.