പ്രമേഹം നിരവധി പേരെ ബാധിക്കുന്ന രോഗാവസ്ഥയാണ്. ഇതിനകം ഒരു ദശലക്ഷത്തിലധികം ആളുകൾ ഈ ഉപാപചയ അവസ്ഥയെ നേരിടുന്നു. ഇതിനെക്കുറിച്ച് അവബോധം ഉണ്ടായിരിക്കുകയും പ്രതിരോധ നടപടികൾ സ്വീകരിക്കുകയും ചെയ്യേണ്ടത് അത്യന്താപേക്ഷിതമാണ്. കാലാവസ്ഥ മാറുന്നതിനനുസരിച്ച് നമ്മുടെ ശരീരത്തിലെ ഇൻസുലിന്റെ അളവിലും മാറ്റം വന്നേക്കാം.
എന്തുകൊണ്ടാണ് മഞ്ഞുകാലത്ത് പ്രമേഹം വഷളാകുന്നത്?
ശീതകാലം സുഖപ്രദമായ സീസണാണ്. എന്നാൽ, ആരോഗ്യപരമായ നിരവധി വെല്ലുവിളികളും ഈ സീസണിൽ നേരിടുന്നു. അതിശൈത്യം നിങ്ങളുടെ ഗ്ലൂക്കോസിന്റെ അളവിനെ ബാധിച്ചേക്കാം. പ്രമേഹ നിയന്ത്രണം ജീവിതശൈലിയിലെ മാറ്റങ്ങളെ ആശ്രയിച്ചിരിക്കുന്നു. അതിനാൽ, ശൈത്യകാലത്ത് ജീവിതശൈലിയിൽ ശ്രദ്ധിക്കേണ്ട കാര്യങ്ങൾ എന്തെല്ലാമാണെന്ന് നോക്കാം.
ശൈത്യകാലത്ത് സജീവമായിരിക്കുക: വർക്ക്ഔട്ട് സെഷൻ ഒഴിവാക്കരുത്. ശൈത്യകാലത്ത്, കൂടുതൽ കലോറി ഉപഭോഗം ഉണ്ടായിരിക്കും. അതിനാൽ, ദിവസവും 20 മിനിറ്റെങ്കിലും വ്യായാമമോ യോഗയോ പരിശീലിക്കുന്നത് പ്രധാനമാണ്. ശാരീരികമായി സജീവമായി തുടരാൻ ശ്രമിക്കുക. ഇത് പ്രമേഹത്തെ നിയന്ത്രിക്കാൻ സഹായിക്കും.
രക്തത്തിലെ പഞ്ചസാര പതിവായി നിരീക്ഷിക്കുക: എല്ലാ ദിവസവും നിങ്ങളുടെ ഗ്ലൂക്കോസിന്റെ അളവ് പരിശോധിക്കുക. തണുത്ത താപനില കാരണം, ഓക്സിജൻ വിതരണം കുറവായതിനാൽ ചിലപ്പോൾ റീഡിംഗുകൾ വ്യത്യാസപ്പെടാം. അതിനാൽ, നിങ്ങളുടെ ശരീര താപനില സാധാരണമാണെന്ന് ഉറപ്പാക്കുകയും പതിവായി പരിശോധന നടത്തുകയും ചെയ്യേണ്ടത് പ്രധാനമാണ്.
ALSO READ: ആർത്തവ വിരാമത്തിന്റെ അസ്വസ്ഥതകൾ കുറയ്ക്കാം... ഈ ഹെർബൽ ചായകൾ ഗുണം ചെയ്യും
ശ്രദ്ധാപൂർവം ഭക്ഷണം കഴിക്കുക: അവധിക്കാലം വിവിധ ഭക്ഷണങ്ങൾ കഴിക്കാൻ നിങ്ങളെ പ്രലോഭിപ്പിക്കും. ഭക്ഷണത്തിലെ നിയന്ത്രണം നിങ്ങളുടെ ഇൻസുലിൻ അളവ് നിയന്ത്രിക്കുന്നതിൽ പ്രധാനമാണ്. കൂടുതൽ ഇലക്കറികൾ, ബീറ്റ്‌റൂട്ട്, കാരറ്റ് തുടങ്ങിയ ശൈത്യകാല ഭക്ഷണങ്ങൾ കഴിക്കാൻ ശ്രദ്ധിക്കുക.
ശരീര താപനില വ‍ർധിപ്പിക്കുക: തണുത്ത താപനിലയിൽ സമ്പർക്കം പുലർത്തുന്നത് നിങ്ങളുടെ ശരീര താപനില കുറയാൻ ഇടയാക്കും. അതിനാൽ ശരീരത്തിൽ ആവശ്യത്തിന് ചൂട് നിലനിർത്തേണ്ടത് പ്രധാനമാണ്.
സമ്മർദ്ദം ഫലപ്രദമായി കൈകാര്യം ചെയ്യുക: ധ്യാനം, ശ്വസന വ്യായാമങ്ങൾ, അല്ലെങ്കിൽ സമ്മർദ്ദം കുറയ്ക്കുന്നതിന് സഹായിക്കുന്ന മറ്റ് പ്രവർത്തനങ്ങൾ എന്നിവയിൽ ഏർപ്പെടുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
