പാലിൽ നിന്ന് ഉണ്ടാക്കുന്ന ഒരു രുചികരമായ പാൽ ഉത്പന്നമാണ് വെണ്ണ. പശു, ആട്, ചെമ്മരിയാട്, എരുമ എന്നിവയുടെ പാലിൽ നിന്ന് നിർമ്മിച്ച വെണ്ണയുടെ മറ്റ് ഇനങ്ങളും വിപണിയിൽ ലഭ്യമാണ്. എന്നാൽ, വെണ്ണ കഴിക്കുന്നത് ശരീരഭാരം വർധിപ്പിക്കുമെന്നാണ് നമ്മൾ കൂടുതലായും കേൾക്കാറുള്ളത്. ഇത് സത്യമാണോ? ശരീരഭാരം കുറയ്ക്കുന്നതിന് വെണ്ണ പൂർണമായും ഒഴിവാക്കണോ? ഇക്കാര്യം പരിശോധിക്കാം.
വെണ്ണയുടെ ആരോഗ്യ ഗുണങ്ങൾ:
വെയ്റ്റ് മാനേജ്മെന്റ്: പുതിയതോ പുളിപ്പിച്ചതോ ആയ പാൽ അല്ലെങ്കിൽ ക്രീം എന്നിവയിൽ നിന്നാണ് വെണ്ണ വേർതിരിച്ചെടുക്കുന്നത്. സസ്യാഹാരം കഴിക്കുന്നവർക്ക് ഡയറി-ഫ്രീ അല്ലെങ്കിൽ സസ്യ എണ്ണയിൽ നിന്ന് നിർമ്മിച്ച വെണ്ണയും ലഭ്യമാണ്. ശരീരത്തിലെ കൊഴുപ്പ് വർധിപ്പിക്കാത്ത നീണ്ട ചെയിൻ ഫാറ്റി ആസിഡുകൾ വെണ്ണയിൽ അടങ്ങിയിരിക്കുന്നു. ഇത് ശരീരത്തിന് തൽക്ഷണ ഊർജ്ജം നൽകുകയും ശരീരഭാരം വർധിക്കുന്നത് നിയന്ത്രിക്കാൻ സഹായിക്കുകയും ചെയ്യുന്നു. വെണ്ണയുടെ കാർബോഹൈഡ്രേറ്റ് രഹിതവും ഉയർന്ന കൊഴുപ്പുള്ളതുമായ സ്വഭാവം കീറ്റോ അടിസ്ഥാനമാക്കിയുള്ള ഭക്ഷണ ക്രമത്തിന് ഒരു മികച്ച കൂട്ടിച്ചേർക്കലായി മാറുന്നു. അതിനാൽ, നിങ്ങൾ ശരീരഭാരം കുറയ്ക്കാനുള്ള ഭക്ഷണക്രമത്തിലാണെങ്കിൽ വെണ്ണ കഴിക്കാം, പക്ഷേ അമിതമായി കഴിക്കരുത്.
രോഗപ്രതിരോധ പ്രവർത്തനം ശക്തമാക്കുന്നു: വെണ്ണയിൽ കാണപ്പെടുന്ന ആന്റിഓക്‌സിഡന്റുകളും അപൂരിത ഫാറ്റി ആസിഡുകളും നമ്മുടെ ശരീരത്തിൽ നിന്ന് വിഷ രാസവസ്തുക്കൾ നീക്കം ചെയ്യാൻ അത്യാവശ്യമാണ്. വെണ്ണയിൽ അടങ്ങിയിരിക്കുന്ന ലോറിക് ആസിഡ് ഒരു ആന്റി വൈറൽ ഏജന്റായി പ്രവർത്തിക്കുന്നുവെന്ന് വിവിധ പഠനങ്ങൾ വ്യക്തമാക്കുന്നു.
പല്ലിന്റെ ആരോഗ്യം മികച്ചതാക്കുന്നു: വിറ്റാമിൻ സമ്പുഷ്ടമായ ഭക്ഷണമാണ് വെണ്ണ. പല്ലുകളുടെ ആരോഗ്യം മികച്ചതായി നിലനിർത്താൻ ഇവ ഗുണം ചെയ്യും. എല്ലുകളെ ആരോഗ്യത്തോടെ നിലനിർത്താനും വെണ്ണ സഹായിക്കുന്നു.
ചർമ്മം, നഖം, മുടി എന്നിവയ്ക്ക് നല്ലത്: വെണ്ണയിലെ അവശ്യ പോഷകങ്ങൾ തലയോട്ടിയിൽ മികച്ച രക്തയോട്ടം പ്രോത്സാഹിപ്പിക്കുകയും അകാല വാർധക്യ ലക്ഷണങ്ങളെ തടയുകയും ചർമ്മത്തിന്റെ തിളക്കം ചെയ്യുന്നു. ഇത് മുടികൊഴിച്ചിൽ കുറയ്ക്കാനും ചർമ്മത്തിന്റെ ഘടന മികച്ചതായി നിലനിർത്താനും നഖങ്ങളുടെ വളർച്ച മികച്ചതാക്കാനും സഹായിക്കുന്നു.
ഹൃദയത്തിനും കരളിനും പ്രയോജനപ്രദം: ഗവേഷണമനുസരിച്ച്, വെണ്ണയിൽ കോളിൻ അടങ്ങിയിട്ടുണ്ട്, ഇത് ശരിയായ രക്തചംക്രമണം നടത്തുകയും ഫാറ്റി ലിവർ രോഗങ്ങൾ കുറയ്ക്കുകയും രക്തകോശങ്ങളെ (വിറ്റാമിൻ ഇ) ആന്റിഓക്‌സിഡേറ്റീവ് സമ്മർദ്ദത്തിൽ നിന്ന് തടയുകയും ചെയ്യുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
