ചിത്രശലഭത്തിന്റെ ആകൃതിയിലുള്ള തൈറോയ്ഡ് ഗ്രന്ഥി ശരീരത്തിന്റെ മിക്ക ഉപാപചയ പ്രവർത്തനങ്ങൾക്കും അത്യന്താപേക്ഷിതമായ ഒന്നാണ്. അതിനാൽ തൈറോയ്ഡ് ഗ്രന്ഥിയുടെ ആരോഗ്യം നിലനിർത്തുന്നത് വളരെ പ്രധാനമാണ്. തെര്‍മോറെഗുലേഷന്‍, ഹോര്‍മോണ്‍ പ്രവര്‍ത്തനം, ഭാരം നിയന്ത്രിക്കല്‍ എന്നിവ ഈ ഗ്രന്ഥിയുടെ ചില പ്രധാന പ്രവര്‍ത്തനങ്ങള്‍ മാത്രമാണ്. നമ്മുടെ ശരീരത്തില തൈറോയ്ഡ് ഗ്രന്ഥിയുടെ പ്രാധാന്യം വളരെ വലുതാണ്.
മാറിയ ജീവിതശൈലിയിൽ തൈറോയ്ഡ് രോഗങ്ങൾമൂലം ബുദ്ധിമുട്ടുന്നവർ ഏറെയാണ്. തൈറോയ്ഡ് പ്രശ്നങ്ങള്‍ അനുഭവിക്കുന്നവര്‍ക്ക് വീട്ടിലിരുന്നുതന്നെ അത് ഒരളവുവരെ നിയന്ത്രിക്കാവുന്നതാണ്. ഇതിനായി ഭക്ഷണങ്ങൾ ഉൾപ്പടെയുള്ള കാര്യങ്ങളിൽ അൽപ്പം ശ്രദ്ധ കൊടുത്താൽ മതി. തൈറോയ്ഡ് ഗ്രന്ഥിയുടെ പ്രവർത്തനം സുഗമമാക്കുന്നതിന് ചില സൂപ്പർഫുഡുകൾ നിങ്ങളുടെ ഭക്ഷണ ക്രമത്തിൽ ഉൾപ്പെടുത്തുക.
Also Read: Thyroid | തൈറോയ്ഡ് വ്യതിയാനം, ലക്ഷണങ്ങൾ; നിങ്ങൾ അറിയേണ്ടതെല്ലാം
നെല്ലിക്ക
പ്രതിരോധശേഷി വർധിപ്പിക്കാനും രോഗങ്ങളെ ചെറുക്കാനും സഹായിക്കുന്ന പോഷകങ്ങൾ അടങ്ങിയ പഴമാണ് ഇന്ത്യൻ നെല്ലിക്ക എന്നും അറിയപ്പെടുന്ന അംല. ഓറഞ്ചിന്റെ എട്ട് മടങ്ങ് വിറ്റാമിൻ സിയും മാതളനാരങ്ങയുടെ 17 ഇരട്ടി വിറ്റാമിൻ സിയും ഇതിലുണ്ട്. കൂടാതെ ഇത് ഒരു ഹെയർ ടോണിക്ക് കൂടിയാണ്. നെല്ലിക്ക മുടിയുടെ വളർച്ച വേഗത്തിലാക്കും, താരൻ തടയുന്നു, രോമകൂപങ്ങളെ ശക്തിപ്പെടുത്തുന്നു, തലയോട്ടിയിലെ രക്തചംക്രമണം വർധിപ്പിക്കുന്നു.
തേങ്ങ
തേങ്ങ തൈറോയ്ഡ് ബാധിതർക്ക് ഏറ്റവും മികച്ച ഭക്ഷണമാണ്. മെറ്റബോളിസം മന്ദഗതിയിൽ ഉള്ള ആളുകളുടെ മെറ്റബോളിസത്തെ ഇത് വർധിപ്പിക്കുന്നു. മെറ്റബോളിസത്തെ സഹായിക്കുന്ന എം‌സി‌എഫ്‌എ (മീഡിയം ചെയിൻ ഫാറ്റി ആസിഡുകൾ), എംടിസി (മീഡിയം ചെയിൻ ട്രൈഗ്ലിസറൈഡുകൾ) എന്നിവ തേങ്ങയിൽ കൂടുതലാണ്. തൈറോയ്ഡ് ഗ്രന്ഥിയുടെ മികച്ച പ്രവര്‍ത്തനത്തിന് സഹായിക്കുന്ന ചെയിന്‍ ഫാറ്റി ആസിഡുകള്‍ വെളിച്ചെണ്ണയിലും ഉണ്ട്.
മത്തങ്ങ വിത്തുകൾ
മത്തങ്ങ വിത്തുകളിൽ സിങ്ക് കൂടുതലാണ്, ഇത് മറ്റ് വിറ്റാമിനുകളും ധാതുക്കളും ശരീരം ആഗിരണം ചെയ്യുന്നതിനും തൈറോയ്ഡ് ഹോർമോണുകളുടെ സൃഷ്ടിയ്ക്കും സന്തുലിതാവസ്ഥയ്ക്കും ആവശ്യമാണ്.
ബ്രസീൽ നട്സ്
തൈറോയ്ഡ് ഹോർമോൺ മെറ്റബോളിസത്തിന് ശരീരത്തിന് ആവശ്യമായ ഒരു മൈക്രോ ന്യൂട്രിയന്റാണ് സെലിനിയം. T4 മുതൽ T3 വരെയുള്ള പരിവർത്തനത്തിന് സെലിനിയം ആവശ്യമാണ്, ബ്രസീൽ നട്സ് ഈ ധാതുക്കളുടെ ഏറ്റവും മികച്ച പ്രകൃതിദത്ത വിതരണക്കാരിൽ ഒന്നാണ്. പ്രതിദിനം മൂന്ന് ബ്രസീൽ നട്സ് ഈ ശക്തമായ ആന്റിഓക്‌സിഡന്റും തൈറോയ്ഡ് ധാതുവും നല്ല അളവിൽ നൽകും.
മൂംഗ് ബീൻസ് (ചെറുപയർ)
പ്രോട്ടീൻ, ആന്റിഓക്‌സിഡന്റുകൾ, കോംപ്ലക്‌സ് കാർബോഹൈഡ്രേറ്റുകൾ, വിറ്റാമിനുകളും ധാതുക്കളും ബീൻസിൽ ധാരാളമുണ്ട്. അവയിൽ നാരുകൾ കൂടുതലായതിനാൽ മലബന്ധം കുറയ്ക്കാൻ സഹായിക്കും. മിക്ക ബീൻസുകളേയും പോലെ ഇതിലും അയോഡിൻ അടങ്ങിയിട്ടുണ്ട്. എല്ലാ ബീൻസുകളും ദഹനത്തിന് ഏറ്റവും എളുപ്പമുള്ളവയാണ് എന്നതാണ് ഇവയുടെ ഏറ്റവും മികച്ച കാര്യം. ഇത് മെറ്റബോളിക് നിരക്ക് കുറയുന്നതിന്റെ പ്രത്യാഘാതങ്ങൾ ലഘൂകരിക്കാൻ ലക്ഷ്യമിട്ടുള്ള തൈറോയ്ഡ്-സൗഹൃദ ഭക്ഷണക്രമത്തിൽ ഉൾപ്പെടുത്താവുന്നതാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
