ന്യൂഡല്‍ഹി: അയോധ്യയിലെ രാമ ക്ഷേത്രത്തിന് വേണ്ടി ഒരു ഇഷ്ടിക മാത്രം വച്ചാല്‍ പോരാ പകരം രാമക്ഷേത്രം തന്നെ ഉണ്ടാക്കണമെന്ന് ബിജെപി ദേശീയ അധ്യക്ഷന്‍ അമിത് ഷാ പറഞ്ഞു. സീ ന്യൂസിന് കൊടുത്ത പ്രത്യേക അഭിമുഖത്തില്‍ ന്യൂസ്‌ എഡിറ്റര്‍ ആയ സുധീര്‍ ചൗധരിയോടാണ് അമിത് ഷാ രാമക്ഷേത്രത്തിന്‍റെ നിര്‍മ്മാണത്തെക്കുറിച്ച് പറഞ്ഞത്.
രാമക്ഷേത്രത്തെക്കുറിച്ച് ചോദിച്ചപ്പോള്‍ ആണ് രാമ ക്ഷേത്രത്തിന്‍റെ നിര്‍മ്മാണത്തിന് വേണ്ടി ഒരു ഇഷ്ടിക മാത്രം വച്ചാല്‍ പോരാ, പകരം പൂര്‍ണ്ണമായും ഒരു രാമക്ഷേത്രം തന്നെ ഉണ്ടാക്കണമെന്ന് അമിത് ഷാ പറഞ്ഞത്. ഈ വിഷയത്തില്‍ കോടതി ഒരു നല്ല തീരുമാനം എടുക്കുമെന്നും അത് എടുപിടി എന്നുള്ളതായിരിക്കില്ലയെന്നും നന്നായി ചിന്തിച്ചുള്ള ഒരു തീരുമാനമായിരിക്കുമെന്നും അദ്ദേഹം പറഞ്ഞു.
അഭിമുഖത്തിന്‍റെ പൂര്‍ണ്ണരൂപം ഇന്ന് രാത്രി 8 മണിക്ക് സീ ന്യൂസ്‌ സംപ്രക്ഷണം ചെയ്യുന്നുണ്ട്, നിങ്ങള്‍ക്ക് കാണാം...
