ലഖ്നൗ: ടീച്ചർക്ക് നേരെ പന്ത്രണ്ടാം ക്ലാസ് വിദ്യാർഥികൾ ലൈംഗികാധിക്ഷേപം നടത്തുന്നതിന്റെ വീഡിയോ പുറത്ത്. ഉത്തർപ്രദേശിലെ മീററ്റിൽ നിന്നാണ് ഞെട്ടിക്കുന്ന ദൃശ്യങ്ങൾ പുറത്ത് വന്നിരിക്കുന്നത്. മീററ്റ് ജില്ലയിലെ റാം മനോഹർ ലോഹ്യ ഇന്റർ കോളേജിലെ പന്ത്രണ്ടാം ക്ലാസ് വിദ്യാർഥികളാണ് പൊതുസ്ഥലത്ത് വച്ച് അവരെ പഠിപ്പിക്കുന്ന അധ്യാപികയോട് ലൈംഗികാധിക്ഷേപം നടത്തുന്നത്. വിദ്യാർഥികൾ പരസ്യമായി ടീച്ചറോട് 'ഐ ലവ് യു' എന്ന് പറഞ്ഞ് ശല്യം ചെയ്യുകയും ഇത് വീഡിയോ പകർത്തുകയും ചെയ്യുമായിരുന്നു.
സ്കൂളിലും റോഡിലും വച്ച് ഇത്തരത്തിൽ മോശമായി പെരുമാറിയിരുന്നു. ക്ലാസിലിരുന്ന് അശ്ലീലമായ രീതിയിൽ ലോലിപോപ്പുകൾ കഴിക്കുകയും ചെയ്യുന്നുണ്ട് വിദ്യാർഥികൾ. ഈ ദൃശ്യങ്ങൾ വലിയ രീതിയിൽ സമൂഹമാധ്യമങ്ങളിൽ പ്രചരിക്കുന്നുണ്ട്. സംഭവത്തിൽ ടീച്ചർ പോലീസിൽ പരാതി നൽകിയിട്ടുണ്ട്. ഐപിസി സെക്ഷൻ 354, 500, ഐടി ആക്ടിലെ 67 എന്നീ വകുപ്പുകൾ പ്രകാരം നാല് വിദ്യാർഥികൾക്കെതിരെ കേസെടുത്തിട്ടുണ്ട്. പ്രതികളിലൊരാളുടെ സഹോദരിക്കും ഇതിൽ പങ്കുണ്ടെന്നാണ് വിവരം.
#मेरठ के एक कॉलेज में 12वीं के छात्रों ने शिक्षिका को "आई लव यू" बोल दिया. शिक्षिका की शिकायत पर 3 छात्रों के खिलाफ मुकदमा दर्ज हुआ है. छात्रों पर अश्लील कमेंट करने, जान मारने की धमकी की धाराओं में केस दर्ज हुआ है.
घटना के 2 वीडियो भी वायरल है pic.twitter.com/iPmBv2dRIx
— Narendra Pratap (@hindipatrakar) November 26, 2022
അധ്യാപികയോടുള്ള മോശം പെരുമാറ്റത്തിന്റെ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. നിരവധി പേരാണ് വിദ്യാർഥികളുടെ പ്രവൃത്തികൾക്കെതിരെ രൂക്ഷ വിമർശനം നടത്തിയത്. ഇത്തരത്തിൽ കുട്ടികളെ വളർത്തുന്നതിന് ആരാണ് ഉത്തരവാദിയെന്നാണ് ഒരു ഉപയോക്താവ് ചോദിച്ചത്. അവർക്ക് നിയമത്തെ ഭയമില്ലേ? അവർ പരസ്യമായി കോളേജിലെ അധ്യാപികയ്ക്കെതിരെ അശ്ലീലമായ പരാമർശങ്ങൾ നടത്തുന്നുന്നത് അധികൃതർ കാണുന്നില്ലേയെന്നും നിരവധി പേർ ചോദിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
