നോർത്ത് സെൻട്രൽ റെയിൽവേയിൽ ജൂനിയർ ടെക്നിക്കൽ അസോസിയേറ്റ് തസ്തികകളിലേക്ക് അപേക്ഷിക്കാൻ അവസരം. താൽപ്പര്യമുള്ള ഉദ്യോഗാർത്ഥികൾക്ക് 2022 ഏപ്രിൽ 18 വരെ ഔദ്യോഗിക വെബ്‌സൈറ്റ് സന്ദർശിച്ച് ഓൺലൈനായി അപേക്ഷിക്കാം. ഏപ്രിൽ 8 മുതൽ ഈ തസ്തികകളിലേക്കുള്ള റിക്രൂട്ട്‌മെന്റിനുള്ള അപേക്ഷാ നടപടികൾ ആരംഭിച്ചിരുന്നു.
വിജ്ഞാപനമനുസരിച്ച്, ജൂനിയർ ടെക്നിക്കൽ അസോസിയേറ്റിന്റെ (സിവിൽ) 20 തസ്തികകളിലേക്കാണ് റിക്രൂട്ട്മെന്റ് നടത്തുന്നത്. ഇതിൽ ജനറൽ വിഭാഗത്തിന് 8, മറ്റ് പിന്നാക്ക വിഭാഗങ്ങൾക്ക് 5, എസ്.സി വിഭാഗത്തിന് 3, എസ്.ടി വിഭാഗത്തിന് 2, സാമ്പത്തികമായി പിന്നാക്കം നിൽക്കുന്ന വിഭാഗത്തിന് 2 തസ്തികകൾ എന്നിങ്ങനെയാണ് നിശ്ചയിച്ചിരിക്കുന്നത്. ഈ തസ്തികകളിലേക്ക് അപേക്ഷിക്കുന്നതിന്, ഏതെങ്കിലും അംഗീകൃത സർവകലാശാലയിൽ നിന്നോ ഇൻസ്റ്റിറ്റ്യൂട്ടിൽ നിന്നോ കുറഞ്ഞത് 60% മാർക്കോടെ സിവിൽ എഞ്ചിനീയറിംഗിൽ ഡിപ്ലോമയോ ബാച്ചിലേഴ്സ് ബിരുദമോ ഉണ്ടായിരിക്കണം.
ഇതിന് പുറമെ ജൂനിയർ ടെക്നിക്കൽ അസോസിയേറ്റ് റിക്രൂട്ട്‌മെന്റിനുള്ള ഉദ്യോഗാർത്ഥിയുടെ പ്രായം 18ൽ നിന്ന് 33 വയസ്സായി നിജപ്പെടുത്തിയിട്ടുണ്ട്. സംവരണ വിഭാഗക്കാർക്ക് ഉയർന്ന പ്രായപരിധിയിൽ പ്രത്യേക ഇളവ് നൽകും. താൽപ്പര്യമുള്ള ഉദ്യോഗാർത്ഥികൾക്ക് റിക്രൂട്ട്‌മെന്റുമായി ബന്ധപ്പെട്ട മറ്റ് വിവരങ്ങൾക്കായി ഔദ്യോഗിക പേജിൽ നോക്കാം.
അപേക്ഷിക്കേണ്ടത് എങ്ങനെ?
മെറിറ്റ് അടിസ്ഥാനത്തിലാണ് ഉദ്യോഗാർഥികളെ തിരഞ്ഞെടുക്കുന്നത്. താൽപ്പര്യമുള്ള ഉദ്യോഗാർത്ഥികൾക്ക് 2022 ഏപ്രിൽ 18 വരെ ഔദ്യോഗിക വെബ്‌സൈറ്റ് rrcpryg.org സന്ദർശിച്ച് ഓൺലൈനായി അപേക്ഷിക്കാം. അപേക്ഷാ ഫീസായി 100 രൂപ നൽകണം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
