ശ്രദ്ധ ആകർഷിക്കാൻ ആളുകൾ ചിലപ്പോൾ എന്തും ചെയ്തെന്ന് വരും. അതിന് ഏതറ്റം വരെയും പോകാനും മടിയില്ലാത്ത ആളുകളാണ് ഏറെയും. അത്തരത്തിലൊരു വീഡിയോ ആണ് സാമൂഹിക മാധ്യമങ്ങളിൽ വൈറലായത്. ഹൈവേയിലേ സൈൻ ബോർഡുകളിലൊന്നിൽ കയറിയിരുന്നു പുഷ് അപ്പ് ചെയ്യുന്നയാളുടെ വീഡിയോ ആണ് വൈറലാകുന്നത്.ഉയർന്നു നിൽക്കുന്ന ഒരു സൈൻ ബോർഡിൽ നിർഭയം പുഷ്-അപ്പുകൾ ചെയ്യുന്നത് ആ മനുഷ്യനെ കാണാം.
ഒരു ഇൻസ്റ്റാഗ്രാം പേജ് അപ്‌ലോഡ് ചെയ്ത വീഡിയോ ഒഡീഷയിലെ ബോലാങ്കിർ ജില്ലയിലെ പട്‌നഗർ ടൗണിൽ നിന്നുള്ളതാണ്. സംബൽപുരി മഹാനി അപ്‌ലോഡ് ചെയ്ത വീഡിയോയുടെ അടിക്കുറിപ്പ്, "നമ്മൾ അൽപ്പം നാടൻ മദ്യം കഴിച്ചാൽ എന്നാണ്. വളരെ അനായാസതയോടെയാണ് ഇയാൾ പുഷ്-അപ്പുകൾ എടുക്കുന്നത്.
അദ്ദേഹം ഒമ്പത് തവണയെങ്കിലും പുഷ് അപ്പുകൾ പൂർത്തിയാക്കി ഇതിനിടയിൽ ആളെ കാണാൻ വൻ ജനക്കൂട്ടം റോഡിൽ തടിച്ചുകൂടി. സംഭവം എന്തായാലും സാമൂഹിക മാധ്യമങ്ങളിലും അധികം താമസിക്കാതെ വൈറലായി. ഏപ്രിൽ 30 ന് അപ്‌ലോഡ് ചെയ്ത വീഡിയോ ഇൻസ്റ്റാഗ്രാമിൽ 7 ലക്ഷത്തിലധികം വ്യൂസാണ് നേടിയത്.
ആ പാവത്തിന് ജിം എവിടെയാണെന്ന് പോലും അറിയില്ലെന്നായിരുന്നു വീഡിയോ കണ്ട് ഒരാളുടെ അഭിപ്രായം. അതേസമയം റോഡിൽ കിടന്നുറങ്ങുന്നത് തന്നെയാണ് നല്ലതെന്നായിരുന്നു മറ്റൊരാളുടെ കമൻറ്."ഞായറാഴ്ച ജിമ്മുകൾ അടച്ചിരിക്കുന്നു എന്നാൽ ആ വ്യക്തി അതിനൊരു വഴി കണ്ടെത്തി.നല്ല ആശയം." സംഭവം എന്തായാലും സാമൂഹിക മാധ്യമങ്ങളിൽ വൈറലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
