PENSION : പെൻഷൻ വാങ്ങുന്നവർക്ക് ലോട്ടറി! പുതിയ ഇളവുകൾ ഇങ്ങനെ..

Abhimanyu Maharajas Murder: അഭിമന്യു വധക്കേസ് വിചാരണ ഈ മാസം 15-ന് തന്നെ തുടങ്ങും, പ്രതികളുടെ ഹർജി ഹൈക്കോടതിയും തള്ളി

കൊച്ചി: അഭിമന്യു വധക്കേസിൽ പ്രതികൾക്ക് വീണ്ടും തിരിച്ചടി. കേസിൽ രഹസ്യ വിചാരണവേണമെന്ന പ്രതികളുടെ ആവശ്യം ഹൈക്കോടതിയും തള്ളി. സമാന ആവശ്യം മുമ്പ് എറണാകുളം പ്രിൻസിപ്പൽ സെഷൻസ് കോടതി നിരസിച്ചതിന് പിന്നാലെയാണ് പ്രതികൾ ഹൈക്കോടതിയെ സമീപിച്ചത്. കേസിലെ വിചാരണ മുൻപ് നിശ്ചയിച്ച പ്രകാരം ഈ മാസം 15-ന് തന്നെ തുടങ്ങും. കേസിന്റെ വിചാരണ നടപടികൾ അടച്ചിട്ട മുറിയിൽ മാധ്യമങ്ങൾക്കും പൊതുജനങ്ങൾക്കും ബന്ധുക്കൾക്കും പ്രവേശനം നൽകാതെ വേണമെന്നായിരുന്നു പ്രതികളുടെ ആവശ്യം. മഹാരാജാസ് കോളേജ് അടുത്തായതിനാൽ അവിടെനിന്നുള്ള വിദ്യാർത്ഥികളടക്കം കേസിന്റെ വിചാരണയിൽ കോടതിയിൽ എത്തുമെന്നും തങ്ങളുടെ ഫോട്ടോ മാധ്യമങ്ങളിൽ വരുന്നത് ഭാവിജീവിതത്തെ ദോഷകരമായി ബാധിക്കുമെന്നും ചൂണ്ടിക്കാട്ടിയാണ് പ്രതികൾ രഹസ്യവിചാരണ ആവശ്യപ്പെട്ടത്. എന്നാൽ ഈ വാദങ്ങളെല്ലാം എറണാകുളം പ്രിൻസിപ്പൽ സെഷൻസ് കോടതിയും ഇപ്പോൾ ഹൈക്കോടതിയും തള്ളി. വിചാരണ പരസ്യമായി ഒക്ടോബർ 15-ന് ആരംഭിക്കുമെന്ന് കോടതി വ്യക്തമാക്കി. 2018 ജൂലൈ 2-നാണ് മഹാരാജാസ് കോളേജ് ക്യാമ്പസിൽ വെച്ച് രണ്ടാം വ‌ർഷ കെമിസ്ട്രി ബിരുദ വിദ്യാർത്ഥിയായ അഭിമന്യു കൊല്ലപ്പെടുന്നത്. കോളേജിലെ എസ്എഫ്ഐ (SFI) യൂണിറ്റ് അംഗമായ അഭിമന്യുവിനെ, പോസ്റ്റർ ഒട്ടിക്കുന്നതുമായി ബന്ധപ്പെട്ട തർക്കത്തെത്തുടർന്നാണ് രാത്രിയിൽ ക്യാമ്പസിൽ വെച്ച് കുത്തിക്കൊന്നത്. കേസിൽ പോപ്പുലർ ഫ്രണ്ട്, കാമ്പസ് ഫ്രണ്ട് പ്രവർത്തകരായ 27 പേരെയാണ് പോലീസ് പ്രതിചേ‌ർത്തത്. ഇതിൽ 16 പേരാണ് നിലവിൽ വിചാരണ നേരിടുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Woman Died: കണ്ണൂരിൽ യുവതി ഭർതൃഗൃഹത്തിൽ തീകൊളുത്തി മരിച്ചു

കണ്ണൂർ: കണ്ണൂർ തളിപ്പറമ്പിൽ യുവതി ഭർതൃവീട്ടിൽ തീപ്പൊള്ളലേറ്റ് മരിച്ചു. പടപ്പേങ്ങാട് സ്വദേശിയായ പി. പ്രവീണ മോഹൻ (31) ആണ് മരിച്ചത്. തിങ്കളാഴ്ച രാത്രി ഒമ്പത് മണിയോടെയാണ് സംഭവം. ഭർത്താവിൻറെ വീട്ടിൽ രണ്ട് മക്കൾക്കൊപ്പമായിരുന്നു പ്രവീണ താമസിച്ചിരുന്നത്. കേബിൾ ഓപ്പറേറ്ററായ രാജേഷാണ് ഭർത്താവ്. സംഭവസ്ഥലത്ത് നിന്ന് ആത്മഹത്യാക്കുറിപ്പുകളൊന്നും ലഭിച്ചിട്ടില്ലെന്ന് തളിപ്പറമ്പ് പോലീസ് വ്യക്തമാക്കി. തീപ്പൊള്ളലേറ്റ് ശരീരത്തിൻറെ 70 ശതമാനത്തോളം പരിക്കേറ്റ പ്രവീണയെ ഉടൻ തന്നെ കണ്ണൂർ ഗവൺമെൻറ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു. എങ്കിലും പരിക്ക് അതീവ ഗുരുതരമായതിനെ തുടർന്ന് പിന്നീട് കണ്ണൂരിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. അവിടെ തീവ്രപരിചരണ വിഭാഗത്തിൽ ചികിത്സയിൽ കഴിയവേയാണ് മരണം സംഭവിച്ചത്. പഴയക്കൽ പി മോഹനൻറെയും രമയുടെയും മകളാണ് പ്രവീണ മോഹൻ. മൃതദേഹം പോസ്റ്റുമോർട്ടം നടപടികൾക്ക് ശേഷം ഇന്ന് ഉച്ചയ്ക്ക് പനങ്ങാട്ടൂർ പൊതുശ്മശാനത്തിൽ സംസ്കരിക്കും. സംഭവത്തിൽ കേസെടുത്ത തളിപ്പറമ്പ് പോലീസ് അന്വേഷണം ആരംഭിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Medical Negligence: പരിയാരം മെഡിക്കൽ കോളേജ് ആശുപത്രിയിൽ ശസ്ത്രക്രിയക്കിടെ രോഗി മരിച്ചു; ചികിത്സാപിഴവെന്ന് കുടുംബം, പരാതി

കണ്ണൂർ: കണ്ണൂർ പരിയാരം ഗവൺമെൻറ് മെഡിക്കൽ കോളേജ് ആശുപത്രിയിൽ ഹൃദയശസ്ത്രക്രിയക്കിടെ രോഗി മരിച്ച സംഭവത്തിൽ ഡോക്ടർമാർക്ക് വീഴ്ച സംഭവിച്ചതായി കുടുംബത്തിൻറെ പരാതി. ഇരിട്ടി വള്ളിത്തോട് സ്വദേശിനിയായ ഫാത്തിമയാണ് ചൊവ്വാഴ്ച മരിച്ചത്. ഇതേ തുടർന്ന് ബന്ധുക്കൾ ആശുപത്രി പരിസരത്ത് പ്രതിഷേധവുമായെത്തി. താക്കോൽദ്വാര ശസ്ത്രക്രിയയിലൂടെ ഹൃദയവാൽവിൻറെ തകരാർ പരിഹരിക്കാമെന്ന മെഡിക്കൽ സംഘത്തിൻറെ ഉറപ്പിലാണ് ഫാത്തിമയെ ആശുപത്രിയിൽ പ്രവേശിപ്പിച്ചത്. എന്നാൽ ശസ്ത്രക്രിയ പുരോഗമിക്കുന്നതിനിടെ ഉണ്ടായ അപാകത മൂലം തുറന്ന ഹൃദയ ശസ്ത്രക്രിയ നടത്തേണ്ടി വന്നുവെന്നും ഈ വിവരം തങ്ങളോട് നേരത്തെ സംസാരിച്ചിട്ടില്ലെന്നും ബന്ധുക്കൾ പറഞ്ഞു. ചൊവ്വാഴ്ച രാത്രി ഒമ്പതോടെയാണ് മരണവിവരം ആശുപത്രി അധികൃതർ കുടുംബത്തെ അറിയിച്ചതെന്നാണ് പരാതിയിൽ പറയുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

വിദ്യാർത്ഥികൾക്കിടയിലേക്ക് കാർ ഇടിച്ചു കയറി 5 പേർക്ക് പരിക്ക്; സംഭവം കോഴിക്കോട്!

കോഴിക്കോട്: വിദ്യാര്‍ത്ഥികള്‍ക്കിടയിലേക്ക് കാര്‍ ഇടിച്ചുകയറി അപകടം. അപകടമുണ്ടായത് വെള്ളിമാടുകുന്നിൽ ലോ കോളേജിന് മുന്നിലാണ്. അപകടത്തിൽ അഞ്ച് വിദ്യാര്‍ത്ഥികള്‍ക്ക് പരിക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. റിപ്പോർട്ടുകളുടെ അടിസ്ഥാനത്തിൽ ചികിത്സയിലുള്ള ഒരാളുടെ നില ഗുരുതരമാണെന്നാണ്. കാര്‍ ഡ്രൈവര്‍ പാഴൂര്‍ ചാലിക്കുഴി സ്വദേശി കാര്‍ത്തികേശിനെ ചേവായൂര്‍ പോലീസ് കസ്റ്റഡിയിലെടുത്തിട്ടുണ്ട്. അപകട സമയത്ത് ഇയാള്‍ മദ്യലഹരിയിലായിരുന്നു എന്നാണ് വിവരം. അപകടം അണ്ടന്നത് ഇന്നലെ രാത്രി 11:15 ഓടെയായിരുന്നു. റിപ്പോർട്ടുകളുടെ അടിസ്ഥാനത്തിൽ സംസാരിച്ചു നിൽക്കുകയായിരുന്ന വിദ്യാർത്ഥികൾക്കിടയിലേക്ക് കാർ പാഞ്ഞുകയറുകയായിരുന്നു എന്നാണ്. പരിക്കേറ്റ വിദ്യാർത്ഥികളെ ഉടൻതന്നെ കോഴിക്കോട് മെഡിക്കൽ കോളേജിലേക്ക് പ്രവേശിപ്പിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

കല്ലമ്പലത്ത് നിർത്തിയിട്ട കാറിനുള്ളിൽ മെഡിക്കൽ വിദ്യാർത്ഥിയുടെ മൃതദേഹം

തിരുവന്തപുരം: കല്ലമ്പലത്ത് റോഡരികിൽ നിർത്തിയിട്ട കാറിനുള്ളിൽ മെഡിക്കൽ വിദ്യാർത്ഥിയുടെ മൃതദേഹം കണ്ടെത്തിയതായി റിപ്പോർട്ട്. മൃതദേഹം കിളിമാനൂർ സ്വദേശി അൻസാർ-സീന ദമ്പതികളുടെ മകൻ അഷിഖിന്റേതാണെന്ന് തിരിച്ചറിഞ്ഞിട്ടുണ്ട്. കഴിഞ്ഞ രണ്ടു ദിവസമായി ആഷിഖിനെ കാണാനില്ലെന്ന് കുടുംബം പരാതി നൽകിയിരുന്നു. ആലപ്പുഴ മെഡിക്കൽ കോളേജിലെ അവസാന വർഷ മെഡിക്കൽ വിദ്യാർത്ഥിയായിരുന്നു മരിച്ച ആഷിഖ്. കല്ലമ്പലം ദേശീയപാതയുടെ നിർമ്മാണം നടക്കുന്ന ഭാഗത്ത് നിർത്തിയിട്ടിരുന്ന കാറിനുള്ളിലാണ് മൃതദഹം കണ്ടെത്തിയത്. കാറിനുള്ളിൽ ചാർക്കോൾ പോലുള്ള എന്തോ വസ്തു കത്തിക്കരിഞ്ഞ നിലയിൽ കണ്ടെത്തിയിട്ടുണ്ട് എന്നാണ് റിപ്പോർട്ട്. സംഭവമറിഞ്ഞെത്തിയ പോലീസ് പ്രാഥമിക പരിശോധനകൾക്ക് ശേഷം മൃതദേഹം പോസ്റ്റുമോർട്ട നടപടികൾക്കായി പാരിപ്പള്ളി മെഡിക്കൽ കോളേജിലേക്ക് മാറ്റി. സംഭവത്തിൽ പോലീസ് വിശദമായ അന്വേഷണം നടത്തുന്നുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Gold Rate Today: സ്വർണ്ണവിലയിൽ ഇടിവ്; ഇന്ന് കുറഞ്ഞത് 480 രൂപ!

Lekha Amujakshan Passed Away: ചലച്ചിത്രപ്രവർത്തകയും ഇൻഫ്ളുവൻസറുമായ ലേഖ അംബുജാക്ഷൻ അന്തരിച്ചു

കണ്ണൂർ: ചലച്ചിത്രപ്രവർത്തകയും ഇൻഫ്ളുവൻസറുമായ ലേഖ അംബുജാക്ഷൻ അന്തരിച്ചു. 44 വയസായിരുന്നു. അർബുദത്തെ തുടർന്ന് ചികിത്സയിലിരിക്കെ ആയിരുന്നു മരണം സംഭവിച്ചത്. രണ്ടുവർഷം മുൻപാണ് ലേഖയ്ക്ക് ക്യാൻസർ രോഗം സ്ഥിരീകരിച്ചത്. ലേഖയുടെ കാൻസർ വിരുദ്ധ പോരാട്ടം സോഷ്യൽ മീഡിയയിൽ കയ്യടി നേടിയിരുന്നു. 2019 ൽ കുട്ടികളുടെ സംരക്ഷണവും പ്രകൃതിയും പ്രമേയമാക്കി നിർമ്മിച്ച 'മുട്ടായിക്കള്ളനും മമ്മാലിയും' എന്ന സിനിമയുടെ തിരക്കഥ, ഗാനരചന, സംഭാഷണം, സംഗീത സംവിധാനം എന്നിവ നിർവഹിച്ചത് ലേഖയാണ്. ഒപ്പം സിനിമയിൽ ശ്രദ്ധേയമായ വേഷവും ചെയ്തിരുന്നു. ചിത്രത്തിൻറെ സംവിധാനം ലേഖയുടെ ഭർത്താവ് അംബുജാക്ഷൻ നയർ ആയിരുന്നു നിർവഹിച്ചത്. ലേഖയ്ക്ക് സാമൂഹിക സംകാരിക കലാ രംഗത്തെ നൂറുകണക്കിന് പേര് പെരുങ്ങോത്തെത്തി അന്ത്യോപചാരം അർപ്പിച്ചിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kalamassery Gang Rape Case:കളമശ്ശേരി കൂട്ടബലാത്സംഗം: അമ്മുവും കൂട്ടാളികളും പിടിയിൽ

കൊച്ചി: കളമശ്ശേരി സ്പായിൽ ജോലി വാഗ്ദാനം നൽകി യുവതിയെ ലഹരി നൽകി പീഡിപ്പിച്ച കേസിൽ 2 പേർ കൂടി അറസ്റ്റിൽ. സംഭവത്തിൽ രണ്ടാം പ്രതി വയനാട് സ്വദേശി അമ്മു എന്ന ശരണ്യ ഇവരുടെ സുഹൃത്ത് മൂന്നാം പ്രതി സഞ്ജു എന്നിവരെയാണ് പോലീസ് പിടികൂടിയത്. സ്പാ നടത്തിപ്പുകാരനും ഒന്നാം പ്രതി ആലപ്പുഴ സ്വദേശി ശ്രീരാജ് നാലാം പ്രതി തൃക്കാക്കര സ്വദേശി ജിത്ത് മാർട്ടിൻ എന്നിവരെ തിങ്കളാഴ്‌ച പോലീസ് പിടിയിലായി. യുവതിയെ ലൈംഗികമായി പീഡിപ്പിച്ചത് ശ്രീരാജും ജിത്തും അമ്മുവും കൂടിയാണ്. ക്രൂരമായി പീഡിപ്പിച്ചത് അമ്മുവാണ് എന്നാണ് യുവതിയുടെ മൊഴി. ഇതിനിടയിൽ യുവതി നേരിട്ടത് കൊടിയ പീഡനമാണെന്ന് ഭർത്താവ് വെളിപ്പെടുത്തിയിരുന്നു. കൂടുതൽ പീഡിപ്പിച്ചത് സംഘത്തിലുണ്ടായിരുന്ന സ്ത്രീ ആണെന്നും യുവതിയുടെ ഭർത്താവും പറഞ്ഞിരുന്നു. ഒടുവിൽ ബിയർ കുപ്പി പൊട്ടിച്ചു ആത്മഹത്യ ഭീഷണിയോ മുഴക്കിയതിനെ തുടർന്നാണ് യുവതി സംഘത്തിന്റെ പിടിയിൽ നിന്നും രക്ഷപെട്ടത്. യുവതി ഇപ്പോഴും കളമശ്ശേരി മെഡിക്കൽ കോളേജിൽ ചികിത്സയിലാണ്. സംഭവത്തിന് പിന്നിൽ യുവതികളെ ഇത്തരത്തിൽ കെണിയിൽപ്പെടുത്തി സെക്സ് റാക്കറ്റിന്റെ ഭാഗമാകുന്ന സംഘമാണെന്നാണ് പോലീസ് പറയുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Rain Updates: സംസ്ഥാനത്ത് ശക്തമായ മഴയും കാറ്റും തുടരുന്നു; വിവിധ ജില്ലകളിൽ വ്യാപക നാശനഷ്ടം

കൊച്ചി: സംസ്ഥാനത്തുടനീളം കനത്ത മഴയിലും കാറ്റിലും വ്യാപക നാശനഷ്ടം. കോഴിക്കോട് ബാലുശ്ശേരി കൈതച്ചാലിന് സമീപം ശക്തമായ കാറ്റിൽ മരം കടപുഴകി വീടിന് മുകളിലേക്ക് വീണ് ദമ്പതിമാർക്ക് പരിക്കേറ്റു. പ്രദേശവാസിയായ ഭാസ്കരൻ, ഭാര്യ പ്രേമ എന്നിവർക്കാണ് അപകടത്തിൽ പരിക്കേറ്റത്. ഭാസ്കരന്റെ വീടാണ് പൂർണ്ണമായും തകർന്നത്. പരിക്കേറ്റ ഇരുവരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മലപ്പുറം-തിരൂർ റൂട്ടിൽ കൂറ്റൻ ആൽമരം റോഡിലേക്ക് കടപുഴകി വീണ് ഗതാഗതം പൂർണ്ണമായും തടസ്സപ്പെട്ടു. മരം മുറിച്ചുമാറ്റി ഗതാഗതം പുനഃസ്ഥാപിക്കാനുള്ള ഫയർഫോഴ്സിന്റെയും പ്രാദേശികവാസികളുടെയും ശ്രമങ്ങൾ തുടരുകയാണ്. അതിനിടെ, എറണാകുളം പെരുമ്പാവൂർ ഓടക്കാലി ഗവൺമെന്റ് വൊക്കേഷണൽ ഹയർസെക്കൻഡറി സ്കൂൾ ഓഡിറ്റോറിയത്തിന്റെ മേൽക്കൂര വൈകിട്ട് നാലരയോടെ ശക്തമായ കാറ്റിൽ തകർന്നുവീണു. അപകടസമയത്ത് വിദ്യാർത്ഥികൾ ഓഡിറ്റോറിയത്തിൽ ഇല്ലാതിരുന്നതിനാൽ വലിയൊരു ദുരന്തമാണ് ഒഴിവായത്. ചാലക്കുടിയില്‍ മരം വീണ് സ്വകാര്യ ഹോട്ടലിന് മുന്നിൽ നിര്‍ത്തിയിരുന്ന ബിഎംഡബ്ല്യൂ കാര്‍ തകര്‍ന്നു. ഒപ്പം മറ്റു രണ്ടു വാഹനങ്ങള്‍ക്കും കേടുപാടുകള്‍ സംഭവിച്ചിട്ടുണ്ട്. പെട്ടെന്നുണ്ടായ കാറ്റിലും മഴയിലും മരം വീഴുകയായിരുന്നു. ആളപായമില്ലെന്നാണ് വിവരം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

R Sugathan: ആർ. സുഗതൻ ജയിൽ മോചിതനായി; ജയിലിന് മുന്നിൽ സ്വീകരണം, കേന്ദ്രമന്ത്രി സുരേഷ് ഗോപിയുമെത്തി

തൃശൂർ: കാപ്പാ കേസിൽ കരുതൽ തടങ്കലിലായിരുന്ന തിരുവനന്തപുരം കോർപറേഷൻ ബിജെപി കൗൺസിലർ ആർ. സുഗതൻ വിയ്യൂർ ജയിലിൽ നിന്ന് പുറത്തിറങ്ങി. ഹൈക്കോടതി ഉത്തരവിനെ തുടർന്ന് പുറത്തിറങ്ങിയ സുഗതനെ സ്വീകരിക്കാൻ കേന്ദ്രമന്ത്രി സുരേഷ് ഗോപി നേരിട്ടെത്തി. കുടുംബാംഗങ്ങൾക്കൊപ്പം നിരവധി ബിജെപി പ്രവർത്തകരാണ് ആവേശകരമായ മുദ്രാവാക്യം വിളികളോടെയും പൊന്നാട അണിയിച്ചും അദ്ദേഹത്തെ സ്വീകരിച്ചത്. തനിക്കെതിരെയെടുത്തത് പൂർണ്ണമായും രാഷ്ട്രീയ കേസാണെന്നും ജനകീയ സമരങ്ങളിൽ പങ്കെടുത്തതിനാണ് കാപ്പാ ചുമത്തി ജയിലിലടച്ചതെന്നും ആർ. സുഗതൻ പറഞ്ഞു. ഒരു പോലീസുകാരൻ വിചാരിച്ചാൽ ആരെയും അകത്തിടാമെന്നതിന്റെ തെളിവാണ് ഈ കേസ്. നാട്ടുകാർക്ക് വേണ്ടി മാത്രമേ ഇടപെട്ടിട്ടുള്ളൂവെന്നും അവർക്ക് വേണ്ടി ഇനിയും ജയിലിൽ പോകാൻ തയ്യാറാണെന്നും പറഞ്ഞ സുഗതൻ, തന്നെ ഗുണ്ടയാക്കി ചിത്രീകരിച്ചത് സിപിഎമ്മാണെന്നും ആരോപിച്ചു. സുഗതനെതിരെ ചുമത്തിയത് പൂർണ്ണമായും വ്യാജകേസാണെന്ന് തെളിഞ്ഞിരിക്കുകയാണെന്ന് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖർ പറഞ്ഞു. സിപിഎം കെട്ടിച്ചമച്ച കേസിന് കോൺഗ്രസും ഒത്താശ പാടുകയായിരുന്നു. ജനാധിപത്യത്തെക്കുറിച്ച് വലിയ വർത്തമാനം പറയുന്ന രാഹുൽ ഗാന്ധിക്ക് ഇത് കാണാൻ സാധിക്കുന്നില്ലേയെന്നും അദ്ദേഹം ചോദിച്ചു. തെരഞ്ഞെടുപ്പ് കമ്മീഷനെതിരെ കേസ് എടുക്കുമ്പോൾ, മുൻ മന്ത്രി മുനീറിനെതിരെയും മറ്റ് സിപിഎം മന്ത്രിമാർക്കെതിരെയും എന്തുകൊണ്ട് സമാനമായ നടപടിയുണ്ടാകുന്നില്ലെന്നും രാജീവ് ചന്ദ്രശേഖർ ചോദ്യമുയർത്തി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.