Parliament: ‘ബിജെപി അംഗങ്ങൾ പിടിച്ചു തള്ളി, കാൽമുട്ടിന് പരിക്കേറ്റു’: സ്പീക്കർക്ക് കത്ത് നൽകി ഖാർ​ഗെ

Congress: കുറ്റക്കാരായ ബിജെപി എംപിമാർക്കെതിരെ അന്വേഷണം നടത്തണമെന്നും മല്ലികാർജുൻ ഖാർ​ഗെ കത്തിൽ ആവശ്യപ്പെട്ടു.

ന്യൂഡൽഹി: ബിജെപി എംപിമാർ തന്നെ തള്ളിയിട്ടെന്ന് രാജ്യസഭാ പ്രതിപക്ഷ നേതാവ് മല്ലികാർജുൻ ഖാർ​ഗെ. ഇത് സംബന്ധിച്ച് ലോക്സഭാ സ്പീക്കർ ഓം ബിർളയ്ക്ക് ഖാർ​ഗെ കത്ത് നൽകി. കുറ്റക്കാരായ ബിജെപി എംപിമാർക്കെതിരെ അന്വേഷണം നടത്തണമെന്നും മല്ലികാർജുൻ ഖാർ​ഗെ കത്തിൽ ആവശ്യപ്പെട്ടു.

കേന്ദ്ര ആഭ്യന്തരമന്ത്രി അമിത് ഷായുടെ അംബേദ്കർ വിരുദ്ധ പരാമർശത്തിൽ പ്രതിഷേധിച്ച് മകരദ്വാറിലൂടെ നടന്നുവരികയായിരുന്ന തന്നെ ബിജെപി എംപിമാർ തള്ളിയിട്ടെന്നാണ് ഖാർ​ഗെ കത്തിൽ പറയുന്നത്. ഇതിനിടെ മുൻപ് തനിക്ക് ശസ്ത്രക്രിയ നടത്തിയ കാൽമുട്ടിന് പരിക്കേറ്റെന്നും ഖാർ​ഗെ കത്തിൽ വ്യക്തമാക്കി.

തനിക്കെതിരായ അതിക്രമത്തിൽ കുറ്റക്കാരായ ബിജെപി എംപിമാർക്ക് എതിരെ അന്വേഷണം നടത്തണമെന്നും ലോക്സഭാ സ്പീക്കർക്ക് നൽകിയ കത്തിൽ ഖാർ​ഗെ ആവശ്യപ്പെട്ടു. അമിത് ഷായുടെ അംബേദ്കർ വിരുദ്ധ പരാമർശത്തിൽ പാർലമെന്റിലും പുറത്തും വലിയ പ്രതിഷേധമാണ് പ്രതിപക്ഷം നടത്തുന്നത്. അമിത് ഷായുടെ രാജി ആവശ്യപ്പെട്ടാണ് പ്രതിഷേധം.