M Ramachandran: ആകാശവാണി വാർത്താ അവതാരകനായിരുന്ന എം രാമചന്ദ്രൻ അന്തരിച്ചു

M Ramachandran passed away: തിരുവനന്തപുരത്ത് ചികിത്സയിലിരിക്കെയാണ് അന്ത്യം. വാർധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു അദ്ദേഹം.

തിരുവനന്തപുരം: ആകാശവാണി വാർത്താ അവതാരകൻ എം രാമചന്ദ്രൻ അന്തരിച്ചു. 89 വയസായിരുന്നു. പ്രശസ്ത റേഡിയോ പ്രക്ഷേപകനായിരുന്നു. ദീർഘകാലം ആകാശവാണിയിൽ വാ‍ർത്താ പ്രക്ഷേപകനായിരുന്നു. തിരുവനന്തപുരത്ത് ചികിത്സയിലിരിക്കെയാണ് അന്ത്യം. വാർധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു അദ്ദേഹം.

റേഡിയോ വാർത്താ അവതരണത്തിൽ പുതുമാതൃക ഉണ്ടാക്കിയ വ്യക്തിയാണ് രാമചന്ദ്രൻ. വാർത്തകൾ വായിക്കുന്നത് രാമചന്ദ്രൻ എന്ന ആമുഖത്തിലൂടെ സുപരിചിതനായിരുന്നു അദ്ദേഹം. വൈദ്യുതി ബോർഡിൽ ഉദ്യോ​ഗസ്ഥനായിരിക്കെയാണ് എം രാമചന്ദ്രൻ ആകാശവാണിയിൽ എത്തിയത്. ദീർഘകാലം ആകാശവാണിയിൽ സേവനം അനുഷ്ഠിച്ചു.