Corona: മുങ്ങിയ വിദേശ ദമ്പതികളെ കണ്ടെത്തി

ആലപ്പുഴ: കൊറോണ രോഗബാധയെ തുടര്‍ന്ന്‍ നിരീക്ഷണത്തിലിരിക്കെ കടന്നുകളഞ്ഞ വിദേശ ദമ്പതികളായ എക്സാണ്ടറേയും എലിസയേയും കണ്ടെത്തിയതായി റിപ്പോര്‍ട്ട്. 

ആലപ്പുഴ മെഡിക്കല്‍ കോളേജില്‍ നിരീക്ഷണത്തിലിരിക്കെയാണ് ഇവര്‍ കടന്നുകളഞ്ഞത്. 

ഇരുവരെയും വര്‍ക്കലയില്‍ നിന്നും കണ്ടെത്തിയതായി അധികൃതര്‍ അറിയിച്ചു. യുകെയില്‍ നിന്നും ദോഹ വഴി കേരളത്തിലെത്തിയ ഇവര്‍ പനിയെ തുടര്‍ന്നാണ് ആശുപത്രിയില്‍ എത്തിയത്. 

ആലപ്പുഴ മെഡിക്കല്‍കോളേജില്‍ എത്തിയ ഇവരോട് ഐസൊലലേഷന്‍ വാര്‍ഡില്‍ കഴിയാന്‍ നിര്‍ദ്ദേശിച്ചതിനിടയ്ക്കാണ് ഇരുവരും മുങ്ങിയത്. ഇവര്‍ക്ക് കൊറോണ രോഗലക്ഷണങ്ങള്‍ ഉണ്ടെങ്കിലും സ്ഥിരീകരിച്ചിരുന്നില്ല.