dakshayani: സ്ത്രീകൾക്ക് 10 ലക്ഷം; 'ദാക്ഷായണി' വമ്പൻ ഹിറ്റ്

Sabarimala Recruitment: ശബരിമലയിൽ നഴ്‌സിംഗ് ഓഫീസർ തസ്തികയിൽ നിയമനം; 87 ഒഴിവുകൾ

Sabarimala Job Vacancy: ശബരിമലയിൽ നഴ്‌സിംഗ് ഓഫീസർ തസ്തികയിൽ നിയമനം നടത്തുന്നു. മണ്ഡല-മകരവിളക്ക് തീർത്ഥാടന കാലയളവിലേക്ക് അടിയന്തര വൈദ്യ സഹായ കേന്ദ്രങ്ങളിലാണ് നഴ്‌സിംഗ് ഓഫീസർ തസ്തികയിൽ നിയമനം നടത്തുന്നത്. അപേക്ഷിക്കേണ്ടത് യോഗ്യതയുള്ള പുരുഷന്മാരാണ്. ഒഴിവുകൾ 87 എണ്ണമാണ് ഉള്ളത്. നിയമനം നടത്തുന്നത് ദിവസ വേതനത്തിന്റെ അടിസ്ഥാനത്തിലാണ്. നിയമനം പമ്പ മുതൽ സന്നിധാനം വരെയും കരിമലയിലുമായിട്ടുള്ള സെന്ററുകളിൽ ആണ്. അപേക്ഷകന് വേണ്ട യോഗ്യത അംഗീകൃത കോളേജിൽ നിന്നും ജനറൽ നഴ്‌സിംഗ് അല്ലെങ്കിൽ ബി എസ് സി നഴ്‌സിംഗ്, കേരള നഴ്‌സിംഗ് കോൺസിൽ രജിസ്‌ട്രേഷൻ സർട്ടിഫിക്കറ്റ് എന്നിവ വേണം. ഇത് കൂടാതെ മുൻ വർഷങ്ങളിൽ സേവനം നടത്തിയിട്ടുള്ളവർക്കും അമേരിക്കൻ ഹാർട്ട് അസോസിയേഷന്റെ എ സി എൽ എസ സട്ടിഫിക്കറ്റ് ഉള്ളവർക്കും മുഗണനയുണ്ട്. സർവീസ് കാലാവശി 2026 നവംബർ 14 മുതൽ 2027 ജനുവരി 21 വരെയാണ്. Contact No: 9961632380. അപേക്ഷകർ ഒറിജണൽ സർട്ടിഫിക്കറ്റ് അതിന്റെ പകർപ്പ്, പ്രവൃത്തി പരിഹായ സർട്ടിഫിക്കറ്റ് എന്നിവ സഹിതം കലക്ടറേറ്റ് കെട്ടിടത്തിന്റെ നാലാം നിലയിൽ പ്രവർത്തിക്കുന്ന ആരോഗ്യവകുപ്പോപ് ജില്ലാ മെഡിക്കൽ ഓഫിസിൽ ഹാജരാക്കണം. ഇന്റർവ്യൂ ഒക്ടോബർ 8 ന് രാവിലെ 10:30 മുതൽ ഉച്ചയ്ക്ക് 1 മണിവരെ നടക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Gold Rate Today: സ്വർണ്ണവിലയിൽ വീണ്ടും ഇടിവ്; ഇന്ന് കുറഞ്ഞത് 120 രൂപ!

Rapper Vedan: വേടനു വിദേശത്തേക്ക് പോകാൻ പിസിസി നൽകാൻ ഹൈക്കോടതി നിര്‍ദേശം

കൊച്ചി: വേടനു വിദേശത്തേക്ക് പോകാൻ പിസിസി നൽകാൻ ഹൈക്കോടതിയുടെ നിര്‍ദേശം. സംഗീത പരിപാടി അവതരിപ്പിക്കാൻ യുകെയിലും അയർലണ്ടിലും പോകാനാണ് വേടന് കേസ് വിവരങ്ങളും ഉത്തരവും കാണിച്ചു കൊണ്ട് പോലീസ് ക്ലിയറൻസ് സർട്ടിഫിക്കറ്റ് നൽകാൻ ഹൈക്കോടതി റീജണൽ പാസ്പോർട്ട് ഓഫീസർക്ക് നിർദ്ദേശം നൽകിയത്. വിവിധ കേസുകളിൽ പ്രതിയായതിന്റെ അടിസ്ഥാനത്തിൽ പിസിസി അനുവദിക്കാത്തതിൽ വേടൻ ഹൈക്കോടതിയിൽ ഹർജി നൽകിയിരുന്നു. എന്നാൽ വിവിധ കേസുകളിൽ പ്രതിയാണെന്ന് കാണിച്ചു പ്രതികൂലമായ പോലീസ് വെരിഫിക്കേഷൻ റിപ്പോർട്ടാണ് ലഭിച്ചതെന്നും പ്രത്യേക പിസിസിയെ അനുവദിക്കാനാകൂവെന്നും കേന്ദ്ര സർക്കാർ അറിയിച്ചിരുന്നു. ക്രിമിനല്‍ കേസ് നിലവിലുണ്ടെങ്കിലും അതുപരിഗണിക്കുന്ന കോടതിയുടെ അനുമതിയോടെ വിദേശത്തേക്കു പോകാന്‍ ഒരാള്‍ക്ക് അര്‍ഹതയുണ്ടെന്ന മുന്‍ ഉത്തരവ് ഹൈക്കോടതി കണക്കിലെടുക്കുകയായിരുന്നു. തുടര്‍ന്ന് രണ്ടാഴ്ചയ്ക്കുള്ളില്‍ പ്രത്യേക പിസിസി അനുവദിക്കാന്‍ ജസ്റ്റിസ് മുരളി പുരുഷോത്തമന്‍ നിര്‍ദേശിച്ചുവെങ്കിലും ബന്ധപ്പെട്ട കോടതിയുടെ അനുമതിയോടെ മാത്രമേ രാജ്യം വിടാവൂ എന്നും നിര്‍ദേശിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Thiruvananthapuram DCC office Attack: ബിജെപി ജില്ലാ സെക്രട്ടറിയും മണ്ഡലം പ്രസിഡന്റും അറസ്റ്റിൽ

തിരുവനന്തപുരം: ഡിസിസി ഓഫീസ് ആക്രമണക്കേസിൽ ബിജെപി ജില്ലാ സെക്രട്ടറിയും മണ്ഡലം പ്രസിഡന്റും അറസ്റ്റിൽ. പിടിയിലായത് ബിജെപി ജില്ലാ സെക്രട്ടറി അഡ്വ. പ്രദീപും മണ്ഡലം പ്രഡിസന്റ ശ്രീലാൽ എന്നിവരാണ്. ഇതുകൂടാതെ ഇവരെ സഹായിച്ച അജി, സ്റ്റെഫിൻ എന്നിവയരെയും മ്യൂസിയം പോലീസ് പിടികൂടിയിട്ടുണ്ട്. ഇവരെ ഇന്നലെ രാത്രിയോടെ തെങ്കാശിയിൽ നിന്നുമാണ് പോലീസ് പിടികൂടിയത്. ഡിസിസി ഓഫീസിന് നേരെ കല്ലെറിഞ്ഞത് പ്രദീപിനൊപ്പം ബൈക്കിലെത്തിയ ശ്രീലാൽ ആണ്. ഇതിന്റെ സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്. സംഭവത്തിന് ശേഷം ഇതിനുപിന്നിൽ ബിജെപി ആണെന്ന് കോൺഗ്രസ് നേരത്തെ ആരോപിച്ചിരുന്നു. ആക്രമണം നടന്ന ശേഷം മുഖ്യമന്ത്രി ഉൾപ്പെടെ ഡിസിസി ഓഫീസ് സന്ദർശിച്ചിരുന്നു, ഡിസിസി ഫ ആക്രമണം നടത്തിയത് കേന്ദ്രമന്ത്രി അമിത്ഷായെ യൂത്ത് കോൺഗ്രസ് കരിങ്കൊടി കാണിച്ചതിന് പിന്നാലെയായിരുന്നു. ആക്രമണത്തിൽ ഓഫീസിന്റെ ഗ്ലാസടക്കം തകർന്നിരുന്നു. ചൊവ്വാഴ്ച രാത്രിയായിരുന്നു തിരുവനന്തപുരം ബേക്കറി ജങ്ഷനിലെ ജില്ലാ കോണ്‍ഗ്രസ് ഓഫീസിന് നേരെ ആക്രമണം നടത്തിയത്. രണ്ടു പേര്‍ ബൈക്കിലെത്തുന്നതും ഓഫീസിന് നേരെ കല്ലെറിയുന്നതുമായ ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Weather Report: സംസ്ഥാനത്ത് ഇന്നും ശക്തമായ മഴയ്ക്ക് സാധ്യത; 7 ജില്ലകളിൽ യെല്ലോ അലർട്ട്

തിരുവനന്തപുരം: സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ റിപ്പോർട്ട്. ഇതിന്റെ അടിസ്ഥാനത്തിൽ ഇന്ന് 7 ജില്ലകളിൽ യെല്ലോ അലർട്ട് പറഞ്ഞിട്ടുണ്ട്. ഇന്ന് യെല്ലോ അലർട്ട് പറഞ്ഞിരിക്കുന്നത് എറണാകുളം, ഇടുക്കി, തൃശുര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ്. മഴ ഒക്ടോബർ 9 ആയ വെള്ളിയാഴ്ച വരെ തുടരുമെന്നാണ് റിപ്പോർട്ട്. ഇതിന്റെ അടിസ്ഥാനത്തിൽ വെള്ളിയാഴ്ച പത്തനംതിട്ട, കോട്ടയം, എറണാകുളം, ഇടുക്കി ജില്ലകളിൽ യെല്ലോ അലർട്ട് പറഞ്ഞിട്ടുണ്ട്. ഇവിടങ്ങളിൽ ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 64.5 മില്ലിമീറ്ററില്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് ഉദ്ദേശിക്കുന്നത്. ഇതിനോടൊപ്പം ഇടിമിന്നൽ ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറണമെന്നും. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കുമെന്നും. ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടണമെന്നും. വാതിലിനും ജനലിനും അടുത്ത് നിൽക്കരുതെന്നും. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പർശിക്കാതിരിക്കാൻ ശ്രമിക്കുകയും ചെയ്യണമെന്നും നിർദ്ദേശമുണ്ട്. അതുപോലെ ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക, ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കുക. മൊബൈൽ ഫോൺ ഉപയോഗിക്കുന്നത് കൊണ്ട് കുഴപ്പമില്ല, അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ കളിക്കുന്നത് ഒഴിവാക്കുക, ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യരുത് തുടങ്ങി നിരവധി നിർദ്ദേശങ്ങളാണ് അധികൃതർ നൽകിയിരിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Lightning: ഇടിമിന്നലിൽ വൻ നാശനഷ്ടം; പാലക്കാട്ട് വീട് കത്തിനശിച്ചു, പെരുമ്പാവൂരിൽ കുട്ടിക്ക് പൊള്ളലേറ്റു

പെരുമ്പാവൂർ വെങ്ങോലയിൽ കഴിഞ്ഞ രാത്രിയിലുണ്ടായ കനത്ത ഇടിമിന്നലിൽ വീടുകൾക്ക് വൻ നാശനഷ്ടം. പത്തോളം വീടുകൾക്കാണ് മിന്നലേറ്റ് കേടുപാടുകൾ സംഭവിച്ചത്. വീട്ടുപകരണങ്ങളും ഇലക്ട്രോണിക് ഉപകരണങ്ങളും ഉൾപ്പെടെ ലക്ഷക്കണക്കിന് രൂപയുടെ സാധനങ്ങൾ കത്തിനശിച്ചു. മിന്നലിന്റെ ആഘാതത്തിൽ ഒരു വീടിന് മുന്നിൽ വലിയ ഗർത്തം രൂപപ്പെടുകയും തെറിച്ചു വീണ കല്ലും മണ്ണും തട്ടി സമീപത്തെ വീടിന്റെ മേൽക്കൂര തകരുകയും ചെയ്തു. പ്രദേശത്തെ ഒട്ടേറെ വീടുകളിൽ ഇലക്ട്രോണിക് ഉപകരണങ്ങൾ പൊട്ടിത്തെറിക്കുകയും സ്വിച്ച് ബോർഡുകൾ കത്തിനശിക്കുകയും ചെയ്തിട്ടുണ്ട്. കട്ടിലിന് തീപിടിച്ച് ഒരു കുട്ടിക്ക് പൊള്ളലേറ്റതായും റിപ്പോർട്ടുകളുണ്ട്. അതേസമയം പാലക്കാട് ഒലവക്കോട്ടെ ഒരു വീട്ടിൽ ശക്തമായ ഇടിമിന്നലിനെത്തുടർന്ന് വൻ തീപ്പിടിത്തമുണ്ടായി. ഒലവക്കോട് സ്വദേശി ഗഫൂർ താമസിക്കുന്ന വാടകവീടാണ് കത്തിനശിച്ചത്. അപകടത്തിൽ വീട്ടിലുണ്ടായിരുന്ന സോഫാ സെറ്റ്, ടിവി, ഫാൻ, ഇലക്ട്രിക് വയറിങ് എന്നിവ പൂർണമായി കത്തുകയും ജനൽച്ചില്ലുകൾ പൊട്ടിത്തെറിക്കുകയും ചെയ്തു. സംഭവസമയത്ത് വീട്ടിൽ ആളില്ലാതിരുന്നതിനാൽ വൻ ദുരന്തമാണ് ഒഴിവായത്. രോഗിയായ ബന്ധുവിനെ പരിചരിക്കാനായി കുടുംബം ഏതാനും ദിവസങ്ങളായി മാറി താമസിക്കുകയായിരുന്നു. രാവിലെ ഗ്യാസ് സിലിണ്ടർ ബുക്ക് ചെയ്യാൻ വീട്ടിലെത്തിയപ്പോഴാണ് അപകടവിവരം അറിയുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Rain Alert: കേരളത്തിൽ ശക്തമായ മഴയ്ക്ക് സാധ്യത; ഇന്ന് 10 ജില്ലകളിൽ യെല്ലോ അലർട്ട്

സംസ്ഥാനത്ത് ഇടിമിന്നലോടുകൂടിയ കനത്ത മഴ തുടരുമെന്ന് കേന്ദ്ര കാലാവസ്ഥാ വകുപ്പ്. ഇന്നും നാളെയും ഇടിമിന്നലോട് കൂടിയ മഴയ്ക്കും മണിക്കൂറിൽ 40 - 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നാണ് മുന്നറിയിപ്പ്. ഒക്ടോബർ 7 മുതൽ 9 വരെ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 30 - 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. പത്ത് ജില്ലകളിൽ ഇന്ന് മഞ്ഞ അലർട്ട് പുറപ്പെടുവിച്ചു. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർകോട് എന്നിവിടങ്ങളിലാണ് മഞ്ഞ അലേർട്ട് പ്രഖ്യാപിച്ചത്. നാളെ ഏഴ് ജില്ലകളിലും ഒക്ടോബർ 9ന് നാല് ജില്ലകളിലുമാണ് മഞ്ഞ അലർട്ട് പ്രഖ്യാപിച്ചിരിക്കുന്നത്. വയനാട്, കോഴിക്കോട്, മലപ്പുറം, പാലക്കാട്, തൃശ്ശൂർ, എറണാകുളം, ഇടുക്കി ജില്ലകളിലാണ് നാളെ മഞ്ഞ അലർട്ട്. പത്തനംതിട്ട, കോട്ടയം, ഇടുക്കി, എറണാകുളം ജില്ലകളിൽ വെള്ളിയാഴ്ച മഞ്ഞ അലർട്ടാണ് പ്രഖ്യാപിച്ചിരിക്കുന്നത്. അടുത്ത 3 മണിക്കൂറിൽ തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം (ഓറഞ്ച് അലർട്ട് : അടുത്ത മൂന്ന്‌ മണിക്കൂർ മാത്രം) ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Idukki: കുമളിയിൽ മന്ത്രിയുടെ പരിപാടിക്ക് പിന്നാലെ പന്തൽ തകർന്നു വീണു; പോലീസുകാർ ഉൾപ്പെടെ 4 പേ‍ർക്ക് പരിക്ക്

ഇടുക്കി: കുമളിയിൽ വനം വകുപ്പ് മന്ത്രി ഷിബു ബേബി ജോൺ പങ്കെടുത്ത പരിപാടിക്കായി കെട്ടിയ പന്തൽ തകർന്നു വീണു. ചടങ്ങ് കഴിഞ്ഞ് ആളുകൾ പുറത്തിറങ്ങിയ സമയത്തായതിനാൽ വൻ ദുരന്തമാണ് ഒഴിവായത്. അപകടത്തിൽ മൂന്ന് പൊലീസുകാർക്കും ഒരു ലൈറ്റ് ആൻഡ് സൗണ്ട് ജീവനക്കാരനും പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. തേക്കടി ബോട്ടിങ്ങിനായി വിനോദസഞ്ചാരികൾ ടിക്കറ്റ് എടുക്കുന്ന കൗണ്ടറിന് അടുത്തുള്ള ഗ്രൗണ്ടിലായിരുന്നു പന്തൽ തയ്യാറാക്കിയിരുന്നത്. വനം വന്യജീവി സംരക്ഷണ വാരാഘോഷ പരിപാടിയിൽ പങ്കെടുക്കാനാണ് മന്ത്രി എത്തിയത്. സംഭവത്തിൽ ഗുരുതരമായ സുരക്ഷാവീഴ്ചയാണ് ഉണ്ടായിരിക്കുന്നത്. യാതൊരുവിധ മുൻകരുതലുകളോ സുരക്ഷാ മാനദണ്ഡങ്ങളോ പാലിക്കാതെയാണ് പന്തൽ നിർമിച്ചതെന്ന ആക്ഷേപം ശക്തമാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

നാഷണൽ ആയുഷ് മിഷനിൽ നിരവധി ഒഴിവുകൾ; അപേക്ഷ സർപ്പിക്കേണ്ട അവസാന തീയതി ഒക്ടോബർ 12

National Ayush Mission Vacancy: നാഷണൽ ആയുഷ് മിഷനിൽ നിരവധി ഒഴിവുകൾ. നിയമനം കരാർ അടിസ്ഥാനത്തിലാണ്. ഒഴിവുകൾ ഉള്ളത് തിരുവനന്തപുരം, പത്തനംതിട്ട, കോട്ടയം, തൃശൂർ ജില്ലകളിലേക്കാണ്. ഫിസിയോതെറാപ്പിസ്റ്റ്, ആയുർവേദ തെറാപ്പിസ്റ്റ് (പുരുഷൻ, സ്ത്രീ), ഹോമിയോപ്പതി ഫാർമസിസ്റ്റ്, റെമീഡിയൽ എഡ്യൂക്കേറ്റർ,ആയുർവേദ തെറാപ്പിസ്റ്റ് (പുരുഷൻ), ജനറൽ നഴ്സ്, എം.പി.ഡബ്ല്യു തുടങ്ങി വിവിധ തസ്തികകളിൽ ആണ് ഒഴിവുകളുള്ളത്‌. ഓരോ വിജ്ഞാപനവും നമുക്ക് വിശദമായി നോക്കാം... തിരുവനന്തപുരം തിരുവനന്തപുരം നാഷണൽ ആയുഷ് മിഷനിൽ ഫിസിയോതെറാപ്പിസ്‌റ്റ്, റെമീഡിയൽ എഡ്യൂക്കേറ്റർ എന്നീ തസ്തികകളിൽ ഒഴിവുകളുണ്ട്. ശമ്പളം ഫിസിയോതെറാപ്പിസ്‌റ്റിന് 21000 രൂപയും, റെമീഡിയൽ എഡ്യൂക്കേറ്റർക്ക് 19600 രൂപയുമാണ് പ്രതിമാസം ലഭിക്കുന്നത്. പ്രായപരിധി 40 ആണ്. അപേക്ഷകൾ ഒക്ടോബർ 14 ണ് വൈകുന്നേരം 5 മണിവരെ സമർപ്പിക്കാം. ഫിസിയോതെറാപ്പിസ്റ്റ് തസ്തികയുടെ ഇന്റർവ്യൂ ഒക്ടോബർ 23 നും റെമീഡിയൽ എഡ്യൂക്കേറ്റർ തസ്തികയുടെ ഇന്റവ്യൂ ഒക്ടോബർ 16 നും തിരുവനന്തപുരത്ത് വച്ചായിരിക്കും നടക്കുക. കോട്ടയം ജില്ല കോട്ടയം ജില്ലയിലെ നാഷണൽ ആയുഷ് മിഷനിൽ ഫിസിയോതെറാപ്പിസ്റ്റ്, ഹോമിയോപ്പതി ഫാർമസിസ്റ്റ്, പുരുഷ തെറാപ്പിസ്റ്റ് എന്നീ തസ്തികകളിലേക്കാണ് ഒഴിവുകൾ ഉള്ളത്. ഈ തസ്തികകളിലേക്ക് അപേക്ഷ ക്ഷണിച്ചിരിക്കുന്നത് കരാർ അടിസ്ഥാനത്തിലാണ്. പ്രതിമാസ വേതനം ഫിസിയോതെറാപ്പിസ്റ്റിന് 21000 രൂപയും മറ്റു തസ്തികയിലേക്ക് 1,700 രൂപയുമാണ് ലഭിക്കുക. പ്രായപരിധി 40 വയസാണ്. യോഗ്യത പോസ്റ്റിന് അനുസരിച്ചായിരിക്കും. അതായത് ഫിസിയോതെറാപ്പി ബിരുദം/പിജി, ആയുർവേദ തെറാപ്പി കോഴ്സ്, പഞ്ചകർമ്മ ടെക്‌നീഷ്യൻ കോഴ്സ് അല്ലെങ്കിൽ തത്തുല്യ യോഗ്യത. അപേക്ഷ സമർപ്പിക്കേണ്ടത് ഒക്ടോബർ 12 ന് വൈകുന്നേരം 5 മണിക്ക് മുൻപാണ്. അപേക്ഷകൾ അയക്കേണ്ടത് DPMSU, നാഷണൽ ആയുഷ് മിഷൻ, ഗവണ്മെന്റ് ആയുർവേദ ആശുപത്രി, പാലസ് റോഡ്, വയസ്കര, കോട്ടയം-686001 എന്ന വിലാസത്തിലാണ്. പത്തനംതിട്ട ആയുർവേദ തെറാപ്പിസ്റ്റ് (പുരുഷൻ), ജനറൽ നഴ്സ്, എംപി ഡബ്ള്യു തസ്തികകളിലേക്കും കരാർ അടിസ്ഥാനത്തികൾ നിയമനം നടത്തുന്നുണ്ട്. യോഗ്യത ആയുർവേദ തെറാപ്പിസ്റ്റിന് ഒരു വർഷത്തെ അംഗീകൃത ആയുർവേദ തെറാപ്പി/പഞ്ചകർമ്മ കോഴ്സ് , അതുപോലെ ഗ്നം നഴ്സിന് BSc Nursing അല്ലെങ്കിൽ GNM കൂടാതെ കേരള നഴ്സിങ് കൗൺസിൽ രാജിസ്‌ട്രേഷൻ, എംപി ഡബ്ല്യു തസ്തികയ്ക്ക് പ്ലസ് ടുവും കമ്പ്യൂട്ടർ പരിജ്ഞാനവും ആണ്. ശമ്പളം 13500 മുതൽ 17850 രൂപവരെയാണ്. പ്രായപരിധി 40 വയസാണ്. അപേക്ഷകൾ ഒക്ടോബർ 13 ന് വൈകുന്നേരം 5 മണിവരെയാണ് അപേക്ഷ സമർപ്പിക്കേണ്ടത്. തൃശൂർ തൃശൂർ നാഷണൽ ആയുഷ്‌ മിഷനിൽ ആയുർവേദ തെറാപ്പിസ്റ്റ് (പുരുഷൻ , സ്ത്രീ) തസ്തികയിലേക്ക് അപേക്ഷ ക്ഷണിച്ചിട്ടുണ്ട്. കരാർ അടിസ്ഥാനത്തിലാണ് അപേക്ഷ ക്ഷണിച്ചിരിക്കുന്നത്. യോഗ്യത കേരള സർക്കാർ നടത്തുന്ന ഒരു വർഷത്തെയെങ്കിലും ആയുർവേദ തെറാപ്പിസ്റ്റ് കോഴ്സ് അല്ലെങ്കിൽ ചെറുതുരുത്തി NARIP യിൽ നിന്നുള്ള ഒരു വർഷത്തെ ആയുർവേദ തെറാപ്പിസ്റ്റ് കോഴ്സ് വേണം. ശമ്പളം 14400 ആണ് പ്രതിമാസം ലഭിക്കുക. പ്രായപരിധി 50 വയസാണ്. അപേക്ഷ സമർപ്പിക്കേണ്ടത് ഒക്ടോബർ 12 ന് വൈകുന്നേരം 5 മണിക്ക് മുൻപാണ്. ഇന്റർവ്യൂ സ്ത്രീകളുടേത് ഒക്ടോബർ 15 നും പുരുഷൻമാരുടേത് ഒക്ടോബർ 17 നുമാണ് നടക്കുക. സമയം രാവിലെ 10:30 ആണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.