ജീവിച്ചിരുന്നെങ്കില്‍ മാവേലി കമ്മ്യൂണിസ്റ്റ് നേതാവാകുമായിരുന്നുവെന്ന് മുതിര്‍ന്ന കമ്യൂണിസ്റ്റ് നേതാവ് എംഎം ലോറന്‍സ്. മാവേലി ഇന്ന് ജീവിച്ചിരുന്നെങ്കില്‍ ഇപ്പോഴുള്ള നേതാക്കളെക്കാള്‍ വലിയ നേതാവകുമായിരുന്നു എന്നും സ്വകാര്യ ചാനലിനോട് സംസാരിക്കവേ ലോറന്‍സ് പറഞ്ഞു.
മാവേലി ജീവിച്ചിരിക്കുന്നില്ലല്ലോയെന്നും അദ്ദേഹത്തിന്‍റെ ആശയങ്ങള്‍ എപ്പോഴും ഉണ്ടെന്നും ലോറന്‍സ് പറഞ്ഞു. ഇന്ത്യയ്ക്ക് സ്വാതന്ത്ര്യം ലഭിക്കുന്നതിന് മുന്‍പും പിന്‍പും നിരവധി ഓണം ആഘോഷിച്ചിട്ടുള്ള ലോറന്‍സ് കഴിഞ്ഞ കുറച്ചു വര്‍ഷങ്ങളായി പാര്‍ട്ടി പ്രവര്‍ത്തന തിരക്കുകളിലായിരുന്നു.
എന്നാല്‍, ഈ വര്‍ഷം കൊറോണ വൈറസ് ബാധയെ തുടര്‍ന്ന് ഓണക്കാലത്ത് വീട്ടില്‍ വിശ്രമത്തിലാണ് ലോറന്‍സ്. എല്ലാവരും വീടുകളില്‍ സുരക്ഷിതമായി ഓണം ആഘോഷിക്കണമെന്നും ലോറന്‍സ് പറഞ്ഞു.
