പൂരം കലക്കലിൽ തുടരന്വേഷണം പ്രഖ്യാപിച്ച് സംസ്ഥാന സർക്കാർ. ഇന്ന് നടന്ന മന്ത്രി സഭാ യോഗത്തിലാണ് തീരുമാനം. മൂന്ന് തലത്തിലാണ് അന്വേഷണം നടക്കുക. പൂരം കലക്കലുമായി ബന്ധപ്പെട്ട് എഡിജിപി അജിത് കുമാറിനുണ്ടായ വീഴ്ച ഡിജിപി ഷെയ്ഖ് ദർവേഷ് സാഹിബ് അന്വേഷിക്കും.
ഗൂഢാലോചനയിൽ ക്രൈംബ്രാഞ്ച് എ‍ഡിജിപിയും ഇന്റലിജൻസ് മേധാവിയും അന്വേഷണം നടത്തും. അതേസമയം എഡിജിപി സ്ഥാനത്ത് നിന്ന് എംആർഅജിത് കുമാറിനെ മാറ്റില്ല. അന്വേഷണ റിപ്പോർട്ട് വരട്ടെയെന്ന നിലപാടിലാണ് സർക്കാർ.
