 "Kerala Piravi 2024: കേരളപ്പിറവി 2024: അറുപത്തിയെട്ടിന്റെ നിറവിൽ ഐക്യകേരളം")
തിരുവനന്തപുരം: ഐക്യകേരളത്തിന് ഇന്ന് അറുപത്തിയെട്ടാം പിറന്നാൾ. നേട്ടങ്ങളും കോട്ടങ്ങളും അതിലേറെ വെല്ലുവിളികളും നിറഞ്ഞ വഴികളിലൂടെയുള്ള കടന്നുപോക്കിലായിരുന്നു നമ്മുടെ കൊച്ചു കേരം. 1956 നവംബര് ഒന്നിനായിരുന്നു കേരളം രൂപം കൊണ്ടത്.
ഭൂപടത്തിൽ നമ്മുടെ കൊച്ചു കേരളത്തിന്റെ സ്ഥാനം നോക്കിയാൽ ഏറ്റവും താഴെ കടലിലേക്ക് ഒലിച്ചിറങ്ങും പോലെ തോന്നും. ബ്രിട്ടീഷുകാരിൽ നിന്നും സ്വാതന്ത്ര്യം നേടി ഇന്ത്യൻ യൂണിയൻ രൂപീകൃതമായിട്ടും മലബാറും തിരുകൊച്ചിയും തിരുവിതാംകൂറുമായി ഭിന്നിച്ചു നിൽക്കുകയായിരുന്നു നമ്മുടെ നാട്. 1947 ൽ തുടങ്ങിയ ഭാഷാ സംസ്ഥാന രൂപീകരണമെന്ന ആശയം ശക്തമാകുകയും 5 ജില്ലകളെ കോർത്തിണക്കികൊണ്ട് ഐക്യ കേരളം പിറക്കുകയുമാണ് ഉണ്ടായത്. തുടർന്ന് 1956 നവംബർ ഒന്നിന് കേരളമെന്ന കൊച്ചു സംസ്ഥാനം യാഥാർത്ഥ്യമാക്കുകയായിരുന്നു.
മലയോരവും തീരവും ഇടനാടും വൈവിദ്ധ്യമാര്ന്ന ഭൂപ്രകൃതിക്കൊപ്പം സന്തുലിത കാലാവസ്ഥ കൂടി ചേര്ന്നപ്പോള് ശരിക്കും ദൈവത്തിന്റെ സ്വന്തം നാടായി നമ്മുടെ കേരളം. മലയാള ഭാഷയുടെ മാത്രമല്ല മതേതര മൂല്യങ്ങളുടെ കലവറയും കൂടിയായിരുന്നു നമ്മുടെ കേരളം. പ്രകൃതി സൗന്ദര്യം നിറഞ്ഞു നിൽക്കുന്ന കേരളത്തിൽ കാടും പുഴകളും നദികളും കൊണ്ട് സമ്പന്നമാണ് എന്നതിലുപരി മനുഷ്യർക്ക് താമസിക്കാൻ അനുയോജ്യമായ ഒരു കാലാവസ്ഥയുമുണ്ട്. 1955 സെപ്റ്റംബറില് കമ്മീഷന് കേന്ദ്ര ഗവണ്മെന്റിനു റിപ്പോര്ട്ടു സമര്പ്പിക്കുമ്പോൾ അതിൽ കേരള സംസ്ഥാന രൂപവത്കരണത്തിനും ശുപാര്ശയുണ്ടായിരുന്നു.
സംസ്ഥാന പുന:സംഘടനാ റിപ്പോര്ട്ട് പ്രസിദ്ധപ്പെടുത്തി പതിമൂന്നു മാസം കഴിഞ്ഞാണ് ഇന്ത്യയുടെ രാഷ്ട്രീയ ഭൂപടം തയ്യാറാക്കുന്നത്. തിരുവിതാംകൂറിലെ തോവാള, അഗസ്തീശ്വരം, കല്ക്കുളം, വിളവങ്കോട് താലൂക്കുകളും ചെങ്കോട്ടത്താലൂക്കിന്റെ ഒരു ഭാഗവും വേര്പെടുത്തി മദിരാശി സംസ്ഥാനത്തോടു ചേര്ക്കുകയും. ശേഷിച്ച തിരുകൊച്ചി സംസ്ഥാനത്തോട് മലബാര് ജില്ലയും തെക്കന് കാനറാ ജില്ലയിലെ കാസര്ഗോഡ് താലൂക്കും ചേര്ക്കപ്പെട്ടു. ഫലത്തില് കന്യാകുമാരി ജില്ല കേരളത്തിനു നഷ്ടപ്പെട്ടു പകരം ഗൂഡല്ലൂര് ഒഴികെയുള്ള മലബാര് പ്രദേശം കേരളത്തോടു ചേര്ക്കപ്പെടുകയും ചെയ്തു.
കേരള സംസ്ഥാനത്തിന്റെ ആദ്യരൂപത്തില് മൊത്തം അഞ്ചു ജില്ലകളാണുണ്ടായിരുന്നത്. നവംബര് ഒന്നിന് പഴയ തിരുവിതാംകൂര് രാജാവ് ചിത്തിര തിരുനാള് ബാല രാമ വര്മ്മ തിരുകൊച്ചി രാജപ്രമുഖ സ്ഥാനത്തുനിന്നു വിരമിച്ചു. ബി. രാമകൃഷ്ണ റാവു ഗവര്ണറായി തിരു കൊച്ചിയില് പ്രസിഡന്റ് ഭരണം നിലവിലിരിക്കുമ്പോഴാണ് സംസ്ഥാന പുന:സംഘടന നടന്നത്.
എല്ലാ കേരളീയർക്കും സീ മലയാള ന്യൂസിന്റെ കേരളപ്പിറവി ആശംസകള്...
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)