കോട്ടയം: പ്രണയിച്ച് വിവാഹം കഴിച്ചതിന്റെ പേരില് ഭാര്യ വീട്ടുകാര് തട്ടിക്കൊണ്ട് പോയ കെവിന് മരിച്ചത് വെള്ളത്തില് വീണതിന് ശേഷമെന്ന് പോസ്റ്റ്മോര്ട്ടം റിപ്പോര്ട്ട്.
ശരീരത്തിലെ മുറിവുകള് മരണത്തിന് കാരണമായിട്ടില്ലെന്നാണ് റിപ്പോര്ട്ടില് പറയുന്നത്. കെവിന്റെ ആന്തരിക അവയവങ്ങള്ക്ക് ക്ഷതമേറ്റിട്ടുണ്ട്. ശശീരത്തില് ഇരുപതിലധികം മുറിവുകള് ഉണ്ടെന്നും റിപ്പോര്ട്ടില് വ്യക്തമാകുന്നു. ക്രൂരമായ മര്ദ്ദനം ഏറ്റിട്ടുണ്ടെന്നും ജനനേന്ദ്രിയം ചതഞ്ഞിട്ടുണ്ടെന്നും പോസ്റ്റ്മോര്ട്ടത്തില് കണ്ടെത്തി.
മര്ദിച്ച് വെള്ളത്തില് ഇട്ടതാണോ, അതോ ആക്രമിസംഘം ഓടിച്ചപ്പോള് വെള്ളത്തില് വീണതാണോ എന്ന് വ്യക്തമല്ല. ആന്തരികാവയവങ്ങളുടെ പരിശോധനയ്ക്ക് ഫലം ഇപ്പോള് പുറത്തു വന്നിട്ടില്ല.
അതേസമയം, കേസില് എല്ലാ പ്രതികളെയും തിരിച്ചറിഞ്ഞു. കേസില് ഇനി പിടിയിലാകാനുള്ളവര്ക്കായി പൊലീസ് തെരച്ചില് ഊര്ജിതമാക്കി.